Er ekki búið að taka bæinn yfir?

Aðeins eitt sem að ég hef um þetta að segja.: Reykjanesbær er klárlega í djúpum .... .

Ég velti fyrir mér því sem þarna segir:

Skuldir bæjarsjóðs við lánastofnanir nema nú rúmum 8 milljörðum króna, en að teknu tilliti til leiguskuldbindinga, lífeyrissjóðsskuldbindinga og annarra skulda eru heildarskuldir bæjarsjóðs áætlaðar 28,5 milljarðar króna, segir í bókun meirihlutans. Eignir bæjarsjóðs nemi um 35 milljörðum króna. Síðan segir í bókun meirihlutans:

„Miðað við títtnefnt skuldahlutfall, þar sem frá skuldum og skuldbindingum er rétt að draga peningalegar eignir, svo sem skuldabréfaeign og innistæður á bankabók, er umrætt skuldahlutfall bæjarsjóðs nú áætlað 214% af tekjum en skuldir samstæðu 252% af tekjum. Forsendur þess að bæjarfélaginu takist að lækka skuldir hratt byggja á auknum atvinnutækifærum með vel launuðum störfum."

Skuldir 214% af tekjum, þegar búið er að leyfa allan frádrátt sér til tekna. Er ekki talað um að um leið og skuldastaðan er komin yfir 150% þá eigi stjórnendur sveitarfélaga að fá rauða spjaldið? Menn eru sem sagt að viðurkenna þarna að þeir eigi klárlega að víkja? Eða skiptir staðan engu máli, er bara svona gaman að vera með?

Skelfilegt að svona illa skuli vera komið fyrir jafn ágætu bæjarfélagi og þarna um ræðir.

 

Reykjanesbær leiti á náðir ráðuneytis

Paparazzíar Íslands!

Það er eins og allir séu að búast við ályktun um það hvort að heimsendir sé framundan eða ekki! Einn lítill stjórnmálaflokkur að funda. Í flokknum er fólk sem þorir að tjá hug sinn í orðum og verki og allt fer á annan endann. Held að það sé nú í lagi þó ekki galir allir í sömu tóntegund.

Þingmenn eltir á röndum

Innkaupaæðið heldur áfram

Innkaupaæði Harry Redknapp heldur áfram og það væri nú alveg þess virði að fá að sjá listann hans svona eins og einu sinni. Hann ehfur skilið eftir sig slóð fjárhagserfiðleika hjá síðustu liðum og spurningin er hvort honum tekst að verða á meðal fyrstu manna sem kemur gyðingi í alvarleg fjárhags vandræði!!!! En hef nú þá trú að aðaleigendi Tottenham losi sig við hann eða félagið áður en til þess kemur!!!

Tottenham neitað um Andy Carroll

Að sýna vald sitt?

Ralf Rangnick verður nú að gera sér grein fyrir því hver fjármagnar liðið og hefur lagt honum fé til þessarar uppbyggingar sem átt hefur sér stað. Stundum þarf að ná peningum til baka til að félagið reki sig og þessi sala á Luiz Gustavo er gott dæmi um það hvernig má ávaxta fé sitt. Ralf hefði átt að gera sér grein fyrir því að knattspyrnan er hópíþrótt og því kemur bara maður í manns stað og hann hefði átt að leggjast yfir það að finna þann mann. þar hefði hann sýnt metnað sem þjálfari sem skapar leikmenn.

EN svo er það annað og má vel vera rétt að kannski voru menn búnir að fá nóg af Rangnick og vildu hann út og notuðu þetta til þess. Ekki mjög þroskað ferli en hver veit.

Hvað sem tautar og raular að þá hafa þeir "félagar" Dietmar Hopp og Ralf Rangnick í sameiningu komið Hoffenheim á kortið og vel það. Það verður ekki af þeim tekið.

Velgjörðarmaðurinn sýnir vald sitt

Rugl fyrirsögn er þetta

Hann er ekki að kaupa Facebook. Hann er að kaupa hlut í Facebook, ekki satt?

„Íslandsvinur“ kaupir Facebook
Viðskipti | mbl.is | 4.1.2011 | 15:49

„Íslandsvinur“ kaupir Facebook

Hverjum stendur ekki á sama?

Hvern einasta dag, næstum því, eru vangaveltur á mbl.is um að allt sé að springa innan VG - Hverjum er ekki sama?  Ef að þetta fólk á ekki samleið þá er um að gera fyrir það bara að skilja að borði og sæng. Því fyrr því betra.

Þessar eilífu vangaveltur mbl.is um stöðuna innan VG er farið að minna svolítið á Séð og Heyrt umfjöllun um hin og þessi mál. Það liggur við að það dugi að maður setjist í dag ekki í sama stól og í gær þá er það orðið áhyggjuefni mbl.is og málið teygt út og suður.

Pirringurinn eykst innan VG

Áhuginn minnkar

Það verð ég að segja að út frá mínum bæjardyrum þá minnkar svo sannarlega áhuginn á HM við það að leikirnir eru sendir út í læstri dagskrá. Áhrif þessa gætu orðið víðtæk, ekki það að ég sé svona mikilvægur heldur veit ég um slatta af fólki sem hefur ekki í hyggju að fá sér áskrift til þess að sjá leikina og því mun stemningin ekki verða sú sama yfir keppninni og oftast áður.

Maður kemur til með að tækla þetta svona eins og landsleiki fótboltalandsliðsins á erlendri grundu maður bara sleppir því að horfa, þegar þeir eru sendir út í læstri dagskrá

Langar nú samt svona í framhaldinu að þakka Einari Erni á RÚV fyrir skemmtilega þætti um handboltakempurnar okkar í gegnum tíðina. Það verður gaman að sjá hverslags úrvalslið kemur út úr þessari vinnu og vali fólksins.

Hefðu viljað leikina á HM ólæsta

Nú selja vonandi lífeyrissjóðirnir

Eins lítið og ég er hrifinn af því að Lífeyrissjóðirnir séu að fjárfesta í eþssum fyrirtækjum þá fjárfesti framtakssjóður þeirra í Vestia sem átti meðal annars í Icelandic group.  Sýnist á þessu að þarna sé komin ávöxtun á fé lífeyrissjóðanna og því eigi þeir að drífa í að selja sinn hlut - enda það markmiðið þ.e.a.s. að selja sinn hlut sem fyrst og hafa eitthvað upp úr því. Þessi bútur hér að neðan er tekinn af heimasíðu framtakssjóðsins. Lífeyrissjóðirnir keyptu Vestia á 15,5 milljarða og inni í þeim kaupum voru Icelandic Group,Húsasmiðjan, Plastprent og Teymi. Þannig að nú er bara að ná aurunum til baka og gleðja eigendur lífeyrissjóðanna,þ.e.a.s. fólkið í landinu.

Icelandic Group
Eins og fram kom í tilkynningu frá Vestia 21. september síðastliðinn gerir FSÍ ráð fyrir að selja að lágmarki 30% hlut í Icelandic í framhaldi af kaupunum á Vestia. Ef það gerist mun FSÍ nýta sér kauprétt á 19% eftirstandandi eignarhluta Landsbankans í félaginu. Stefnt að því að ganga frá sölu á verulegum hlut í Icelandic á næstu mánuðum en þegar hafa margir aðilar sýnt áhuga á að kaupa hlut í félaginu. Áætluð velta Icelandic á þessu ári er um 150 milljarðar króna. EBITDA-afkoma félagsins á þessu ári er áætluð um 7,5 milljarðar króna. Starfsmenn Icelandic eru samtals um 3.700 og af þeim starfa um 50 hér á landi. Bókfært eigið fé Icelandic þann 30 júní síðastliðinn var um 25 milljarðar króna og eiginfjárhlutfall 34%.

 

52 milljarða tilboð í Icelandic

Úr byrjunarliði ÍBV í byrjunarlið WBA!

Ekki slæmt að hafa verið í byrjunarliði ÍBV í sumar og vera núna kominn í byrjunarlið WBA í ensku úrvalsdeildinni. En nákvæmlega þetta hefur James Hurst nú gert, ekki amalegt það. Verst hvernig leikurinn fór en eldskírnin í úrvalsdeildinni engu að síður komin. Vel að verki staðið James Hurst.

Nani tryggði Man.Utd sigur á Stoke

Að deyja ekki ráðalaus!

Gaman oft að sjá hvað fólki dettur í hug. Verð að segja að mér finnst þessi hugmynd bæði fyndin og bráðsniðug. Tek undir með blaðamanni að það verður gaman að sjá viðbrögð yfirvalda við þessu. Er viss um að þau brosa yfir uppátækinu til að byrja með en fara síðan að fletta upp í reglugerðarfarganinu og setja lás á kappann. Þá verður hann væntanlega að færa sig út fyrir reglusvæðið og selja þaðan!!! Varla deyr svona frjór aðili ráðalaus?  ...nema að hann lendi þá í tollastríði við báknið.

Hitaperur í stað ljósapera

Sigga mágkona!

Sigga er ekki að fara neitt, eftir því sem ég best veit, og því kannski ekki nein sérstök ástæða til þess að vera að opna heiðina til þess að hleypa fólki ofan í eða upp úr firðinum fagra eins og hún kallar hann alltaf!!

Enn ófært á Seyðisfjörð

Athyglisverð tala

Það verð ég að segja að þetta eru athyglisverðar tölur. Hvað ætli margir hafi komist upp með að þiggja bætur en eiga í raun ekki rétt á þeim?  Mér finnst einkar athyglisvert hvað fólk hefur verið á tánum við að benda á að það héldi að fólk væri að svíkja út bætur. Það hefur stundum verið talað um svona svik sem sérstaka "atvinnugrein" og þegar maður heyrir svona tölur þá fer maður að trúa því að óprúttnir aðilar séu þarna að stunda "atvinnu" sem að ekki er innistæða fyrir.  Út frá þessu er svo sjálfsagt líka hægt að velta sér upp úr því hvort margir séu á alls kyns sjúkrabótum sem kannski eiga ekki fullan rétt á þeim.

Maður hefur nú í mörg ár heyrt sögur af því að þessi eða hinn sé á þessum sjúkrabótum og svo sjáist til viðkomandi við þessa eða hina iðjuna sem kannski ætti ekki að vera  á verksviði viðkomandi vegna tiltekna bóta. Eigum við eitthvað að tala um bætur vegna barna og slíks? Endalausar sögur.

Fjöldi sveik út atvinnuleysisbætur

Ussss

Þetta er góður liðsauki fyrir Mancini. Sendiherra Unicef Dzeko gæti reynst sá leikmaður sem að liðið þurfti til þess að tryggja sér það að þeir eigi möguleika á að halda stöðu sinni á topp 4 út tímabilið. Bráðskemmtielgur leikmaður og mikil blóðtaka fyrir Steve McClaren og félaga í Wolfsburg að missa pilt. Reyndar fá þeir fullt af peningum fyrir hann og kannski að McClaren eyði einhverju af þeim í að koma styrkari stoðum undir gengi liðsins sem hefur alls ekki verið eins og til var ætlast.

Kaup City á Dzeko staðfest