Í loftið með þetta...

....þýðir ekkert að vera að fara eins og köttur í kringum heitan graut,  í loftið með þessi skjöl bara og hana nú.

WikiLeaks með skjöl um Ísland

Elska þennan mann!!!

Jæja má kannski ekki alveg orða þetta svona en get ekki að því gert að ég hef svakalega gaman af ummælum hans oft á tíðum. Hroki? Já vissulega er þetta oft hroki en karlinn er líka klókur sem þjálfari og hefur því stundum alveg innistæðu fyrir ummælum sínum eins og svo sannarlega á við í þessu tilfelli. Því skyldi kappinn ekki hljóta þessa nafnbót?

Mourinho: Ég er þjálfari ársins

Er einhver hissa?

Trúi því ekki að menn þykist vera hissa á þessum niðurstöðum. Ef eitthvað af þessum námsmönnum eru með "fulle fem" þá reyna þeir allt hvað þeir geta til að komast erlendis til náms og svo áframhaldandi búsetu á erlendri grundu. Það er krystaltært að það myndi ég gera væri ég yngri, myndi ekki hika og sé í raun en verulega eftir því að hafa ekki gert það á sinum tíma.

Sækja í auknum mæli út í nám

Sammála!

Það virðist engu máli skipta hverjir eru við völd. Menn reyna alltaf að riðlast á eldri borgurum og öryrkjum, ótrúlega skrýtin lenska, en kannski ekki skrýtið þar sem þeir sem fara með völdin hafa séð til þess að þeirra lífeyrir er í öðrum flokki en almennra borgara. Afar sérstakt kerfi sérstaklega í ljósi þess að sennilega hafa engir staðið sig verr frá stofnun lýðveldisins en þeir sem setið hafa við stjórnvölin. 

Tekjutenging lífeyris er þjófnaður

Belja á svelli!

Það er spurning hvort að frosthörkurnar í Englandi hafi farið eitthvað illa í Balotelli. Er ansi hræddur um að nokkrir leikmenn annarra liða hafi lagt við hlustir og verði en frekar á tánum nú er þeir mæta ítalska leikmanninum í City búningnum á vellinum. Spurningin er því sú hvort að Balotelli muni ná að láta varnarmenninga líta út eins og belju á svelli eða öfugt

Mancini varar Balotelli við hrokanum

Árgangurinn stendur sig

Það er ekki að spyrja að því að 67 árgangurinn er að standa sig þetta árið sem önnur. Gaman að sjá hvað þessi elska blómstrar alltaf. Hún átti að vera gestur á árgangsmótinu hjá okur hér  í Eyjum fyrir 4 árum en af því get því miður ekki orðið en hver veit nema að hún mæti á næsta ári ef blásið verður til árgangsmóts.

Pamela Anderson í Playboy í 13. sinn

Ég sem hélt....

...að áramótaksuapið væri ekki fyrr en þann 31.des!!! Þetta er náttúrulega bara grín.

Finnst frábært að fólk skuli hafa verið að rembast við það að halda því fram að á Íslandi væri allt bara í orden í viðskiptalífi og pólitík á síðustu árum - veruleikafyrring.

Sami maður við allar hliðar borðsins

4 konur

Í minningunni er það einhvern veginn þannig að ekki hafi það oft gerst að fjórar konur séu á topp 10. Það leiðréttir mig þá einhver ef ég hef rangt við. Í fljótu bragði virðist þetta hafa verið ósköp flatt íþróttaár. En Hlynur Bæringsson hlýtur að enda á meðal 5 efstu. Treysti mér ekki að svo stöddu til að spá í hver gæti þurft að burðast heim með þennan skelfilega grip.

Tíu efstu í kjöri íþróttamanns ársins

Best að binda allt lauslegt

Æ hvað þetta kemur eitthvað tímanlega, eða þannig sko. Náttúrulega týpískt að fara að fá eitthvert skítaveður við suðurströndina þegar þörfin á Landeyjahöfn er mikil. Mikið af fólki á leið til og frá Eyjum í jólafrí, þó svo að frídagar í kringum jólin séu færri nú en oft áður. Náttúrulega slæmt að þurfa að fækka ferðum ef einhver alvöru skellur verður en maður vonar bara það besta og að allir komist á áfangastað í heilu lagi.

Varað við hvassviðri við suðurströndina

Sér grefur......

Jú jú hann skilaði dollu í kot um síðustu helgi og var með galgopa yfirlýsingar í kjölfarið. Blessaður karlinn látinn fjúka í jólahreingerningunum hjá Internazionale. Ég skal alveg viðurkenna að ég hefði pínu trú á karli eftir góða hluti hjá Valencia á sínum tíma en síðan eru liðnir nokkuð margir mánuðir og hann virðist bara renna stöðugt  niður brekkuna. - ja allavega síðustu 3 ár.

Það sem mér persónulega finnst allra skondnast við þetta er sá punktur sem ég las í World Soccer um daginn þar sem vitnað var í Benitez og hann sagði eitthvað á þá leið að það væri nú eitthvað annað að sitja og ræða fótbolta við Massimo Moratti eignada  Internazionale heldur en Hicks og co sem áttu Liverpool því Moratti hefði vit á fótbolta.  Ætli það að Moratti hafi vit á fótbolta sé þá ekki ástæðan fyrir því að Benitez er núna atvinnulaus? 

Inter rak Benítez

Að vera á tánum

...Birti um þetta frétt fyrir 2 dögum en það er gott að þetta ratar á síður mbl.is. Alltaf gaman af góðum fréttum. Sjá link minn um málið hér:

http://fosterinn.blog.is/blog/fosterinn/entry/1126995/

Go Suns

Vince Carter til Phoenix

Það sem trekkir að!

Sumir fara á völlinn, einhverjir fara á barinn, sumir í sund. Sumir vilja bara sofa út aðrir vakna snemma og fara í ræktina. Svo er fólk sem fylgist með gangi himintunglanna af einskærum áhuga. Það er gott að fólk er svona áhugsamt um hina og þessa hluti, en þegar öfgar grípa inn í þá fyrst fer þetta til fjandans til, sama hvert áhugamálið!

Tunglmyrkvinn trekkir að

Skelfileg tala

Það held ég að engum detti í hug að þreyta fyrir að þetta er skelfilega há tala, vægast sagt. Var ánægður að heyra um rausnarlega gjöf VSV hér i Eyjum til hjálparsamtaka fyrir þessi jól. Veit að fleiri stór fyrirtæki eru að leggja hellinga á vogarskálarnar og það er óskandi að sem mest af því komi sem flestum til góðs, ekki virðist veita af miðað við þessar tölur. Við erum að tala um að kannski um 7% þjóðarinnar leyti sér hjálpar á þennan hátt séu þessar tölur réttar. Það er ekki bara há tala heldur alltof há.    ...tek það fram að þetta er ekki vísindalega reiknuð % tala bara svona miðað við að þarna sé kannskium að ræða 4 manna fjölskyldur að meðaltali.

Búast við 6.000 fjölskyldum