Milljón flettingar

Jæja þá var milljon flettingamúrinn rofinn í dag, einhvern tíma áðan. Þá er því takmarki náð. Allavega eitt blogg á dag síðan 13 ágúst 2008. Á topp 50 síðan í sept/okt 2008. Nú bara spurning hvað manni dettur í hug í framhaldinu.

Arcade Fire.....

....á morgun í O2 Arena í London - Guð hvað ég hlakka til. Sennilegast besta tónleikaband í heimi um þessar mundir.

Góður leikmaður en.....

......innkaupataktíkin er þessi.

...., en fram að því hafði hann skoraði fjögur mörk og sýndi að hann er vinnusamur leikmaður, góður fyrir liðsheildina, og hefur staðið sig vel hjá okkur," sagði Joacim Jonsson íþróttastjóri Fredrikstad við danska vefmiðilinn bold.dk.

„Við höfum ekki tekið ákvörðun um framtíð hans hjá okkur en gerum það á næstu 10-14 dögunum. En eitt er víst, það er ekki inni í myndinni að greiða Esbjerg fyrir hann. Eigi hann að ganga til liðs við okkur verður það að vera á frjálsri sölu," 

Einmitt góður spilar og mun nýtast Fredrikstad vel og menn vilja líkast til hafa hann áfram en líkar ekki verðmiðinn og fara því þessa leið til að lækka verðið. Verður gaman að fylgjast með framgangi þessa máls. Gunnar Heiðar virðist vera að komast á  flug aftur og það er bara flott. Vona að hann haldi því sem lengst.

Fredrikstad vill fá Gunnar frítt

Vegurinn styttist?

Til að ná þessu í gegn hafa menn þá væntanlega lagt nýjan veg, og ekki hefur hann verið að styttast?  Er það ekki frekar einhver ákveðin leið sem er að styttast? En það er gott að menn ná fram svona góðum samgöngubótum. Hvort að ákveðin leið beyttist eða vegur styttist gott menn svo bara þrætt um!

Leiðin styttist um 26 km

Frýs undan vinum?

Vinir manns og kunningjr búa víða í Noregi núorðið. Hef samt ekki en pakkað niður til að fara þangað sjálfur með mitt stóð, hefði velt því alvarlega upp ef vinna hefði boðist . Velti fyrir mér hvort að það frjósi nokkuð undan þeim Óskari, Sjonna og Baldvin þarna úti! Ekki litist mér á það. En sendi þeim piltum og  Aldísi og Önnu Guðrúnu hlýjar kveðjur, ekki virðist veita af!!!

Kuldamet falla í Noregi

Mourinho mórauður

Það er ég hræddur um að félagi Mourinho sé búinn að hrauna yfir mannskapinn eftir þessa rasskellingu. Svona upprúllun á náttúrulega ekki að þekkjast í svona leikjum. Það hefur eitthvað klikkað í aðdraganda og upplögn á leiknum hjá meistaranum. Ég sem þóttist vera góður í dag með 2-2 spá en fékk sömu meðferð á Real Madrid piltarnir ærlega rasskellingu. Verst að mér leiddist það ekkert því þo ég sé Valencia maður þá líkar mér nú betur við Barca en Real.

Stórsigur Barcelona í El Clásico

Allt undir?

Auðvitað er þetta ekki eini leikurinn sem skiptir máli en mikilvægur er hann svo mikið er víst. Sigur í þessum leik veitir sigurliðinu ákveðinn innblástur sem gæti hjálpað þeim í framhaldinu og tap jafnvel valdið hinum gremju sem erfitt gæti orðið að yfirstíga. Þó svo að svona mannskapur eins og þessi lið eru með eigi nú ekki að vera að fara á límingunum  við tap í svona leik. Ég veit ekki með þig en ég ætla að leyfa mér að spá 2-2. Hvað segir þú?

Mourinho: Þetta er enginn úrslitaleikur

...söknuður

Mikið hefði ég nú viljað hafa þessa elsku áfram sem ráðherra. Hún er ein af þessum ástæðum fyrir því að ég vil hafa fagráðherra, já og mega vel sleppa því að sitja á þingi.

En óska henni góðs gengis á nýjum slóðum.

Ragna verður skrifstofustjóri Landsvirkjunar

Flug í Hólminum!

Það vantar ekki að það er flug í Hólminum.Flogið yfir hverja hindrunina á fætur annarri. Það er ekki amalegt. Nú er bara að svífa áfram við toppinn fram að jólum. Nota hátíðarnar til að sinna ættingjum og vinum, nærast og æfa vel. Halda síðan áfram að berjast við að verja titlana eftir áramót. Það er allavega skemmtilegra að fylgjast með Snæfell þessa daganna en Phoenix Suns svo mikið er víst. 

Tindastóll úr fallsætinu

Suðurstrandarslagur?

Það er ekki amalegur leikur sem leikmenn Brighton And Hove Albion Football Club geta fengið takist þeim að slá FC United of Manchester út úr bikarnum. Hemmi Hreiðars og félagar og það á heimavelli. Það yrði nú frábært að fá þann leik. Sannkallaður suðurstrandaslagur. Nú þurfa menn að slá FC United út, ekkert klúður eins og í gær.

Man.Utd og Liverpool mætast í bikarnum

Hallar undan fæti?

Þeir bláu eitthvað að missa flugið að því er virðist vera. Kannski ekki heimsendir hjá þeim þessa dagana en eitthvað er ekki alveg að tikka með þeim þessa stundina. Meiðsli spila náttúrulega inn í en ég held að það sé einhvert vesen á bak við tjöldin sem veldur pirringi innan félags. Það gæti haft alvarlegar afleiðingar.

United aftur á móti heldur sínu striki og Arsenal virðist vera að ná jafnvægi í leik sinn og ég hlakka til að sjá þá á Emirates um næstu helgi gegn Fulham

Chelsea í öðru sæti eftir jafntefli

Verður allt crazy!

Það verður forvitnilegt að sjá viðbrögðin sem þetta fær hjá umheiminum. Ef að það sem gæti gerst er í líkingu við vangaveltur hér og þar þá er kannski eins gott að vera á tánum. Ætli þarna séu skjöl sem alls ekki mega koma fyrir augu almennings? Eru svona lekar góðir eða slæmir? Er hægt að fást við eitthvað af þessu án þess að það verði allt vitlaust?  Er kannski bara verið að hræða fólk með því að setja á fót þennan viðbúnað?

Wikileaks-skjöl ná til allra helstu mála

Skítakuldi!

Það er fallegt veður hér í Eyjum, en frekar svona gluggaveður því hann er nokkuð kaldur úti. Því sit ég bara inni hérna í vinnunni og sinni mínum störfum, já og blogga þess á milli,  svo ég geti farið til London á miðvikudaginn til að sjá Arcade Fire gera allt geggjað í O2 Arena. Hlakka sjúklega til.

 

Spáir allt að 20 stiga frosti