Ja hérna hér

Já já mann hefur dreymt um að Snæfell hirði dollu hér og þar í gegnum tíðina en að einoka þetta svona er náttúrulega bara frábært. Sérstakt að heyra mig segja þetta manninn sem sífellt er að tuða um að sem flest lið skipti með sér titlum þannig sé þetta skemmtilegast fyrir hinn almenna stuðningsmann, sem það vissulega er. En nú þegar deildin er að hrökkva í gang þá eru allar dollur í Stykkishólmi og það verð ég að segja að það er gott að vita af þeim öllum á góðum stað. Nú er bara að bíða og sjá hvort þær verða þar allar í vor þegar deildarkeppninni líkur.

Til hamingju Snæfell, leikmenn og aðrir er að liðinu koma - glæsilegt

Ein spurning svo hér til körfufróðra. Mig langar að vita hvaða lið var síðast í þeirri stöðu að vera með alla þessa bikara í sínum höndum?

Snæfell virðist óstöðvandi

Vasaklútar enn á lofti

Þetta verða ályktarnirnar fram eftir hausti. Allit tiltækir vasaklútar á lofti, allir saklausir ekkert gerðist rangt á okkar vakt - sem er hér gjaldþrota þjóð í sárum.

Þetta skánar ekki þegar maður sér að afdankaður hrunpólitíkus Drífa Hjartardóttir er formaður samtakana, vá hvað þetta kemur á óvart.

Það er búið að ákæra Geir en ekki dæma. Hann er saklaus en sem komið er og verður jafnvel áfram og ef að hann er svona saklaus eins og flokkurinn segir þá kemur það bara í ljós. Það hefði átt að ákæra fleiri en spillingin er en á fullum launum á Alþingi. 

Svo er það spurningin  um siðferði og dómgreindarleysi þegar skoðað er að ráðherrarnir úr gömlu stjórninni sem enn sitja á þingi greiddu allir atkvæði í atkvæðagreiðslunni - Ding Dong  - er enginn heima í kollinum á þessu liði?

Harma aðför að Geir

Engin breyting

Ég veit ekki með ykkur en ég sé ekki að tölfræði Arsenal í leikjum gegn Chelsea skáni í dag. Held að þeir bláu klári þetta 2-0. Arsenal liðið er ekki slæmt en þeirra sérgrein síðustu  ár virðist vera aulatilburðir í markinu og löng viðvera á bekk sjúkraþjálfarans og því miður þá eru ekki verðlaun fyrir það. Kannski verður breyting á í vetur en á ekki von á að viðsnúningurinn hefjist íþessum leik.

Wenger: Kominn tími á okkur

Enginn með allar réttar svo......

....ríkið hirðir vinninginn!!!!!!! einfaldur pottur í næstu viku

Enginn með réttar tölur

Nú legg ég til.....

....að fjölmiðar geri sér nú verk úr því að komast yfir hversu mikið er búið að af skrifa hjá þessum háu herrum hér og þar. Það má birta í svona einskonar vinsældarlista þar sem afskriftarkóngurinn er í fyrsta sæti og svo framvegis. Þetta á svo bara að vera í dálki til hliðar á heimasíðum blaðanna og vera uppfært reglulega. Svona rétt eins og vinsælustu myndirnar.

Það eru nákvæmlega þessir hlutir sem eru m.a. að kynda undir látunum sem nú eru í samfélaginu, og ef svo fer fram sem horfir verða lætin mun meiri.

Auðmenn græða á uppboðum

Verður Eiður í formi....

...þegar kemur að landsleiknum við Portúgali? Hef enga trú á að Óli Jóh skilji hann útundan þegar að því vali kemur. Tek nú svo sem passlega mikið mark á því þegar Tony Pulis segir að Eiður sé ekki kominn í stand til að byrja leikina. Er vissum að hann verður í bláu treyjunni þegar að landsleiknum kemur. Engin spurning með Grétar Rafn hann verður þarna en það er svo spurning hvort að Hemmi Hreiðars verður vallinn. Verður gaman að sjá hvort hans reynslu verður óskað í leiknum, heyrði að hann væri orðinn heill.

En er smeykur um að Tony Pullis verði að fara að setja Eið í Stokeliðið til að fá meiri breidd í leik liðsins.

Grétar byrjar en Eiður á bekknum

Að verða á í lífinu!

Ég er alveg sammála Guðrúnu Helgadóttur þarna:

"Auðvitað verður öllum á, ekki að þeir hafi ætlað sér það, en ætla menn nú að fara að draga alla fyrir dómstóla vegna þess?,“ segir Guðrún m.a. í samtali í Morgunblaðinu í dag.

Stundum verður fólki á og afleiðingarnar eru misjafnar. En á þá bara að fyrirgefa öllum sem verður á í lífinu? Alveg sama hversu alvarlegar afleiðingarnar eru? Eða eiga kannski bara þeir sem starfa á fyrrverandi vinnustað Guðrúnar að sleppa? Fullt af fólki hefur verið dæmt fyrir að verða á í lífinu. Það er ekki einu sinni búið að dæma Geir, og ég er ekki einu sinni viss um að hann verði dæmdur. EN afleiðingar þess að hann og fleiri voru ekki á tánum eru dýrkeyptar - allri þjóðinni. Það er viss synd að öðrum verður hlíft, en bara fyrir Landsdómi fullt af fólki mun ekki fyrirgefa þessum aðilum svo auðveldlega.

Hvað með fólkið sem varð á að hlusta á bankamennina og taka lán sem áttu að vera skotheld? Á það þá ekki að fá miskunn líka? Sumt af því fólki er að missa allt sitt, og eflaust hafa sumir tekið líf sitt í þeim hremmingum. Má segja að stjórnvöld beri ákveðna ábyrgð í því? Einkavinavætt samfélagið var látið reka stjórnlaust að feigðarósi á meðan pólitíkusar, forseti vor og bankamenn dásömuðu hér allt. Hér stigu menn sko ekki feilspor!!!!

En nú er verið að vinna í því að afskrifa og bjarga í land sumum  af þeim sem jafnvel verst létu og eiga jafnvel hvað stærstan þátt í vitleysunni, á meðan eru aðrir hýddir opinberlega.

Ákvörðun um landsdóm fáránleg

Það held ég að .....

...Geir Jón verði ánægður þegar hann sest í helgan stein og flytur út í Eyjar.  Þar eru menn blessunarlega en lausir við svona fjöldamótmæli þó svo geti vel farið að þessi mótmælaalda sem virðist vera í burðarliðnum  fari hringferð um landið.

Eitthvað segir mér að menn séu ekki búnir að sjá það síðasta í þessu. Eina leiðin til þess að svo gerist er að alþingismenn hysji upp um sig buxurnar og komi út úr hinum pólitíska fílabeinsturni sem þeir eru í, eins og kom greinilega í ljós þegar umræðan um Landsdóm og vísun ákæra þangað átti sér stað.

Ófriðareldar slökktir

Afskriftir

Það er ekki til að bæta ástandið í samfélaginu að "elítan" fær afskriftir á meðan almenningur fær ekki svo mikið sem súpu í skál. Er orðinn ansi hræddur um að þingheimur allur hafi fjarlægst hinn almenna borgara nokkuð, meira en var. Þetta er stór þáttur í mótmælum dagsins.

Óánægja vegna skuldavanda

Að sjá ljósið

Ætli Björgvin blessaður hafi áttað sig á því að hluti af mótmælunum fyrir utan beindust beint að honum og veru hans á þingi. ....svo segir hann:

„Við tökum að sjálfsögðu mjög til okkar og mark á því sem veldur reiðinni og ólgunni í samfélaginu. Það er svo fjölda margt að,“ segir hann.

Samt snýr hann aftur á þing eftir að Hrunverjar skáru hann niður úr snörunni, eins og ekkert hafi í skorist. Menn virðast ekki hafa fattað að það var aðeins inni á þingi sem hann var skorinn niður ekki út um allt samfélagið. Hann er víða heyri ég enn á svarta listanum og ef þið spyrjið mig þá átt blessaður kappinn að draga sig í hlé alfarið þegar að hann sagði af sér. Mér var sagt um daginn að hann hefði alla tíð dreymt um að verða þingmaður og kannski er það ástæðan fyrir því að hann hefur ekki enn séð ljósið?

 

 

Mikil reiði og margt að

Þetta fá menn....

....fyrir að taka ekki fastar á vandamálum heimila og fyrirtækja og fyrir það að ekki skulu fleiri hafa verið dæmdir fyrir Landsóm.  Hinn almenni borgari er ekki sáttur við þá niðurstöðu þegar maðu rræðir við fólk og eins er fólk pirrað út í það fólk sem  sat í síðustu ríkisstjórn en vék ekki af þingi á meðan atkvæðagreiðslan fór fram en tók þátt í að greiða sínu fólki atkvæða til að bjarga því frá frekari rannsókn.

Hegðun Alþingismanna síðustu misseri er sífellt að ganga lengra og lengra fram af fólki. Á meðan þeir stóðu í að sýkna sitt fólk hrannast upp vandamál gagnvart fyrirtækjum og almenningi sem illa gengur að taka á - þar fara lánastofnanir og aðgerðaleysi fremst í flokki.

Eggjum kastað í alþingismenn

Ekki veitir af....

...að Portugalir mæti með sitt sterkasta lið á Laugardalsvöll til að takast á við okkar harðjaxla. Þeir ahfa verið slakir íhaust og voru upp og iður á HM í sumar þannig að við eigum tækifæri. Það er kannski ástæðan fyrir því að Óli Jóh. sagði eftir leikinn í Kaupmannahöfn um daginn að í þennan leik yrðu sótt 3 stig. Er nú samt nokkuð viss um að á þeirri stundu reiknaði karlinn ekki með að hann yrði "rændur" sumum af sínum bestu mönnum í þeim leik þ.e.a.s. ungliðahreyfingunni sem er á sama tíma í hörðu stríði við Skota um sæti í úrslitum EM U-21 í Danmörku næsta sumar. En ég er viss um að Óli lætur það ekki trufla sig og stefnir en á sigur, eins og hann lofaði. Er nú annars nokkuð viss um að Óli mætir með liðið sitt íhvern leik til að vinna því annars væri lítið vit í að mæta til leiks!!!!!

Ronaldo og Nani eru ekki þeir einu þarna sem geta glatt augað. Mæli sérstaklega með Hugo Almeida frá Werder Bremen og Tiago frá Atl. Madríd

Áfram Ísland

Ronaldo og Nani mæta Íslendingum

Frábært viðtal

Það má Svanur Kristjánsson eiga að hann fór á kostum í þessu viðtali það var svo margt flott sem hann sagði. Svo mikið var ég sammála mörgu þarna að mig langaði eiginlega að hringja í hann og þakka honum fyrir. Hann sagði svo margt sem fáir hafa haft á orði síðustu daga eins og bara þetta með þessa aðila sem voru ráðherrar í síðustu ríkisstjórn og töldu svo ekki var um villst að þátttaka þeirra í atkvæðagreiðslunni væri hafin yfir allan grun!!! Þau voru öll meðlimir í ríkisstjórninni og voru partur af áhöfninni uppi í brú þegar þjóðarskútan sigldi í strand.  

Margt fleira gott kom þarna fram, hvet fólk til hlusta á viðtalið það er örugglega hægt á vef RUV, www.ruv.is . Hann kom inn á unga fólkið, gjaldþrotameðferðirnar, boða ætti til kosninga og margt fleira.

Hafðu heila þökk fyrir framgöngu þína í þessu viðtali Svanur Kristjánsson.

Alþingi rúið trausti