Sko Chelsea

Það er nú gott ef Chelsea gefur ekki eftir því við viljum auðvitað öll hafa sem flest lið í baráttunni alla leið. Jújú víst vilja margir meina að Chelsea sé með besta liðið, allavega ef litið er á blaðsnifsi, en ég sé bar aeinhvern veginn United ekki tapa leik í deildinni og því er líklegt að Chelsea sú búið að klúðra sínu tækifæri.  ...Hvað um það þó svo að Grétar Rafn sé samlandi minn þá gleðst ég yfir sigri Chelsea.

Chelsea fór illa með Bolton

Vasaklút á línuna

Þetta eru nú meiri andskotans vælukjóarnir þessir frændur okkar. Skiptir þetta nokkru máli hverjum menn mæta menn verða að leggja Frakka að velli til þess að eiga séns á dollunni hvort eð er. Já og Frakkar verða að leggja hin liðin til þess að eiga séns á dollunni.

Annars er þetta aukaatriði í mínum huga leikurinn í dag gegn Spánverjum er það sem öllu máli skiptir. Áfram Ísland alla leið.........

Óttast að Frakkar tapi viljandi fyrir Íslandi

Frábært

Ekkert annað um þetta að segja en að þetta eru gleðitíðindi. Nú mun færast aukið líf í vinnuna við höfnina til lengri tíma. Afar mikilvæg fyrir okkur hér í Eyjum blessuð loðnan.

Tillaga um aukinn loðnukvóta

Allt í lagi....

...að eyðileggja tvisvar fyrir þeim suðrænu. Ekki eins og það verði auðvelt og við þurfum að eiga góðan dag til að eiga tækifæri á sigri í þessum leik, en við höfum sigrað þá áður og því skyldi að ekki gerast aftur? Þurfum ekki einu sinni kraftaverk til að vinna þá bara mjög góðan dag.

...koma svo ..áfram Ísland alla leið

Spánverjar vilja hefna fyrir Peking

Þyngist róðurinn hjá okkur

Hef nú reyndar meiri áhyggjur af okkar liði en þessum liðinum í hinum milliriðlinu. Ef að við náum ekki 3 sætinu í riðlinum hjá okkur þá verður þetta ekki eins spennandi. En eru það ekki 7 efstu sem komast á ólympíuleikana? Bara útaf þeirri einföldu ástæðu ef þess virði að fylgjast með hverjir lenda í 3 og hverjir í 4 sæti í hinum riðlinum. Annars var í mínum huga lykilatriði að vinna í gær til að geta leikið um eitt af 6 efstu, í því fólust að mínu mati okkar tækifæri, en það fór eins og það fór.

....nú vona ég bara að strákarnir komi mer í opna skjöldu með góðum árangri á morgun gegn Spánverjum.  Áfram Ísland alla leið.

Svíar sendu Króata útí kuldann

Lygari

Það er ljóst að í þessu máli er einhver lygari. gaman væri nú að fá úr því skorið hver fer ekki með rétt mál i þessu, bara svona til að fá aukaatriðin á hreint.

„Þetta er algerlega ósatt. Bankastjórinn sagði Davíð Oddssyni, að hann yrði að grípa til aðgerða til að gæta hagsmuna Íslands. Bankastjórinn hafði um margra mánaða skeið hvatt íslenska seðlabankann til að draga úr stærð bankakerfisins. Hann skrifaði Oddssyni 23. apríl 2008 þar sem þetta kom skýrt fram," hefur breska blaðið Guardian eftir talsmanni King í dag. 

Hver ætli hafi ekki skilið hvern í þessu öllu saman? ...anyone!

 

King segist ekki hafa lofað Icesave-afskriftum

Leikurinn sem mátti alls ekki tapast

Þar kom að því að menn hittu ekki fjölina sína. Akkúrat þegar það mátti ekki. Sigur í dag hefði tryggt okkur allavega 3ja sætið í riðlinum. Auðvitað eigum við en séns á því. Hef þá trú að nú séu Þjóðverjar vaknaðir og munu sigra bæði Norðmenn og Ungverja. Því verðum við að vinna annað hvort Spánverja eða Frakka til að eiga möguleika á þriðja sætinu og ólympíuleikunum ef að ég man þetta rétt. Sem betur fer var tapið ekki stærra eins og leit jafnvel út fyrir á tímabili. Það er meira að segja höggið skarð í markatöluna okkar með þessu tapi. Þetta var ekki dagurinn til að misstíga sig, en svona er þetta í sportinu og er ekki sagt að mótlætið styrki mann?

Þjóðverjarnir einfaldlega mun betri í dag. Þeir voru bæði betri en við og dómararnir, sem hljóta að hafa átt betri dag. En ég var nú lengi vel hrifin af því að þeir leyfðu nokkra hörku.

Sjáum hvað gerist á mánudaginn gegn nautabönunum.  Áfram Ísland alla leið

Fyrsta tap Íslands á HM

Wizards grillaðir af Fry

Það er aldeilid að sólin skín þessa dagana  5 sigurleikir í röð og þar með komnir 7 sigrar í 8 leikjum. Frábær seinni hálfelikur 57 stig gegn 38 skóp þennan sigur. Þar sem að vörnin okkar hefur verið léleg í allan vetur þá verð ég eiginlega að trúa því að Wizards hafi einfaldlega verið sérlega slakir sóknarlega í seinni hálfleik. Channing Frye með 7 3ja stiga körfur, 25 stig og 8 fráköst. Nash með 14 stoðsendingar og 17 stig. Grunnurinn var lagður í 3ja leikhluta þegar Frye setti niður 4 af 6 3ja stiga körfum Suns íþeim leikhluta og Nash var með 6 stoðsendingar á sama kafla. Marcin Gortat með fínan leik 13 stig og 14 fráköst. Hill gamli sem skorað hafði yfir 20 stig í síðustu þremur leikjum skoraði aðeins 12!!!  KOmnir með hlutfallið í 20 - 21 og þannig að þetta lítur nú aðeins betur út þessa dagana en það eru tveir útileikir í viðbót framundan, í kvöld og á mánudaginn. - Go Suns

Loks vann Lakers í Denver

Góður sigur á Frikka

Einu stigi meira en andstæðingur er nóg til að vinna leik og ég fanga þessum sigri hjá mínum mönnum á vini mínum Frikka Stefáns og félögum í grænu búningunum. Það er alltaf gott að vinna leik strax eftir tap svona til að missa ekki trúna á sjálfan sig of skjótt. Jón Ólafur í ham í kvöld, ekki er ég hissa á því því þorrinn er og hefur alltaf verið hans tími og eins og sást í mótinu í fyrra þá tókst hjonum að teygja þorrann ti lloka móts! Ætli honum takist það aftur í ár?

Snæfell vann nauman sigur

Blessaður Albert

Gaman að þessu. gaman að sjá að Albert er sprækur sem lækur en í dag þrátt fyrir að hafa orðið 25 fyrir allnokkrum árum. gaman líka að sjá hvað voru margir leikmenn þarna sem munu leika með ÍBV næsta sumar - heil 5 stk sýnist mér.  Ha úrslitin í leiknum! ja við skulum ekkert vera að ræða þau núna.

Fyrsti landsleikurinn 37 ára

Get bara ekki að því gert......

...finnst þetta hérna alveg sérstakt:

Líkt og aðrir stofnfjáreigendur í Byr stóðu Norðlendingar í þeirri trú að lánin sem þeir tóku vegna stofnfjáraukningarinnar væru í raun áhættulaus. Stofnfjárbréfin sjálf væru eina veðið fyrir lánunum og færi allt á versta veg gæti bankinn ekki gengið að öðrum eignum stofnfjáreigendanna. Þeir væru með öðrum orðum ekki persónulega ábyrgir.

Áhættulaus lán!!!!! Sem sagt það átti bara að hyggla eigendunum til að reyna að græða en ef illa færi átti einhver annar að taka það á sig!!! Eigendurnir að dekra sjálfan sig. Hver andskotinn var eiginlega í gangi? Ég er ekki hissa þó að allt hafi farið til andskotans.

Hvenær ætli almenningi verði boðin áhættulaus lán?  Ég er nánast orðlaus yfir þessu öllu saman, ég sem hélt að sá tími væri liðinn.

Gríðarlegir hagsmunir undir

Bekkjarfélagi Eiðs Smára

Ætli turninn hafi verið keyptur til að sitja við hlið okkar manns eða til þess að spila með liðinu?Nei ég segi svona

John Carew oft ótrúlega seigur leikmaður og hann hefur oft komið manni á óvart í gegnum tíðina með stórgóðum leikjum. Reyndar er nú farið að síga á seinni hlutann á ferlinum hjá honum en hann á örugglega eftir að skora ein 5-7 mörk fyrir Stoke það sem eftir lifir tímabils. norðmaðurinn verður tekinn fram yfir Íslendinginn, enda við ekki að tala um handbolta hér.

Carew kominn í Stoke

Öllum brögðum beitt

Sumir einfaldlega daprari karakterar en aðrir - þið ráðið hvar þið flokkið  Robert Hedin.

Það  hefur löngum verið sagt að sumir reyni að ganga þetta nastý aukaskref til að ná árangri, gaman að sjá að það klikkaði illilega í kvöld.

 

........ fékk svo þetta komment frá Íslendingum Óskari Þorkelssyni í Noregi:

Hedin sagði þetta aldrei, han sagði "ta på honom" sem þýðir ekki ða berja á honum heldur taka hraustlega á honum og stöðva hann. Þetta er nákvæmlega það sama og íslendingar segja sín á milli ef þurfa þykir.

Þetta er ekki fyrsta bloggið sem ég sé um þessa þvælu að Hedin hafi niðurlægt eða skipað mönnum að berja mann og annan..

slök blaðamennska og slök tungumálakunnátta er líklegasta skýringin og íslendingar í sigurvímu hlaupa á eftir þessu bulli.

Hann Óskar er með þetta á hreinu, ekki vanur að fara með fleipur,  Ég verð að taka unidir með honum að slök blaðamennska og slök tungumálakunnátta er væntanlega skýringin á slæmri þýðingu - það er orðið ansi mikið um slíkt á mbl.is. mbl.is hefur hrakað síðustu misseri og það hratt.

 

Hedin: Berjið Alexander