Ávísun á fall?

Það er mín skoðun að það að halda Avram Grant í brúnni sé ávísun á fall úr úrvalsdeildinni. Trúi því ekki að hann verði enn stjóri þarna um mánaðarmótin, ja nema að menn vinni næstu 2-3 leiki.

West Ham: Grant verður áfram stjóri

Danir skotnir niður?

Það vona ég að það komi til þess að þeir verði skotnir niður í kvöld og þurfi því að koma niður á jörðina blessaðir baunarnir. Er ansi hræddur um að sama bjartsýnin ríki þar og hér á landi hjá handboltaunnendum.  Annars er nú best að vera ekkert að velta sér upp úr öðrum liðum bara einbeita sér að sínu liði. Til að sigra í svona móti þarf að berjast við þá bestu og ég veit að íslenska liðið er klárt í þann slag. Hvort það dugar til að fara alla leið kemur svo bara í ljós.

Andersen: Danir geta farið alla leið

Í undirbúningi....

...eru lög sem banna svona afslætti og lækkanir. Reiknað er með að þau taki gildi eftir hádegi......á morgun. Tankurinn búinn að duga í 20 daga núna, spurning um að grípa tækifærið hjá Orkunni í dag og skjótast til Bigga Sveins og taka nokkra lítra og spara þannig nokkrar krónur.

Bensínlítrinn lækkar um 14 kr.

Hvað þá þetta að þýða?

Þetta var nú kannski ekki alveg það sem að maður átti von á. Jújú maður getur ekki alltaf reiknað með sigri í Keflavík síður en svo. Að láta rassskella sig svona svakalega á heldur ekki að gerast. Tala nú ekki um þegar menn eru búnir að vera á flugi og í efsta sætinu.  ....en það gengur ekki að svekkja sig a´þessu nú þarf bara að vinna næsta leik svo að liðin haldi áfram að hræðast okkur - Áfram Snæfell.

Snæfell steinlá í Keflavík

Svo eru það atvinnuleyfin!

Vona að þetta verði fengur fyrir nágranna okkar á Selfossi. Eins gott að þeir komi fljótt og sýni sínar réttu hliðar strax,  því það er mikil vinna framundan ef að þeir eru sprækir. Pappírsvinnan sem fylgir þessum leikmönnum utan vestur-Evrópu er þó nokkur og tímafrek. Hlakka til að heyra hvernig þessir leikmenn reynast.

Fjórir Senegalar til Selfyssinga

Þurfum við eitthvað að ræða þetta?

Ég veit ekki Asíubúarnir teknir á ippon og málin kláruð í fyrri hálfleik. Glæsilegur sigur hjá strákunum, staðan orðin góð en mikið eftir af mótinu og við eigum en eftir að berja á Austurríkis- og Norðmönnum í riðlinum. Að fara áfram með fullt hús hlýtur að vera markmiðið.  ....áfram Ísland

Stórsigur á Japan

Aular

Þjóðverjarnir voru aular að kasta þessum leik frá sér eftir að vera búnir að koma sér í þetta líka góða stöðu. Eg er viss um að það var grátlegt að vera þjóðverji þarna á leiknum. Ég horfði reyndar á leikinn á ZDF sjónvarpsstöðinni, missti reyndar af fyrstu 10 mín en ég hugsa að menn sé en með vasaklútana á lofti sem þar voru að lýsa. Svekkelsið yfir eigin aulagangi mikið.

Þjóðverjar köstuðu frá sér sigrinum

Þetta kemur allt.....

Ferlið er langt og strangt og ekki hægt að búast við niðurstöðum strax í þessum miklu málum. EN ég sé ekki betur en að sérstakur saksóknari og hans fólk sé að vinna vinnuna sína og sé á réttri leið við að komast til botns í þessum málum öllum. Hvort það leiðir til dóma í öllum málum kemur svo í ljós. En mér sýnist þetta lið vera á réttri leið, ja allavega er góð hreyfing á málum þessa dagana. Vonandi verða ekki stigin feilspor sem gætu elitt til sýknu.

Skýrslutökur halda áfram

Ekki heill en samt....

Þetta þykir mér sérstakt. Hann stenst ekki læknispróf en samt á að reyna að fá hann - á nú bara bágt með að trúa þessu. Ég veit að þarna eru menn bara að taka hann að láni og eiga hann ekki en samt...

Stoke vill fá Ba að láni

...berst á fáki fráum

En á ný er forseti vor, Ólafur Ragnar Grímsson, kominn í heimspressuna og spjallar um daginn og veginn. Get verið nokkuð sammala honum um þetta hérna:

Haft er eftir Ólafi Ragnari, að það muni á endanum ráðast af niðurstöðu í sjávarútvegsmálum hvort Íslendingar samþykkja að ganga í ESB.  

Brown ætti að biðjast afsökunar

Brottrekstrarsök

Er ansi hræddur um að fokið hefði verið í öll skjól hjá King Kenny ef að liðið hefði tapað fyrir Everton á heimavelli. Bæði liðin hafa ekki átt gott tímabil og því hefði hið hægfara ráðningarferli á nýjum stjóra þurft að fara á fullt hjá Liverpool.  Vona að liðið braggist hjá Kenny aðallega af því að mér þótti hann alltaf svo frábær spilari, hann hefur svo sem líka sýnt ágæta takta sem stjóri, þegar taugarnar hafa ekki tekið öll völd.

Dalglish: Verð að hrósa mínum mönnum

Hverju á að mótmæla?

Á að mæta til að mótmæla bara einhverju , já eða öllu? ...eða einhverju sérstöku?

 

Boða til mótmæla á morgun

Gummi á jörðinni en....

Gummi Gumm landsliðsþjálfari er á jörðinni og veit að það er langt í land. Spurning hvort að þjóðin standi við hliðina á honum eða hvort hún er komin langt fram úr honum og liðinu í væntingum og vinnu?  Það þýðir ekkert svoleiðis og við verðum öll að vera samstíga í þessu stríði og vona það besta eitt hikst getur orðið dýrkeypt. Takist strákunum að vinna alla leikina í riðlinum koma þeir í milliriðlana í ansi góðri stöðu sem ætti að geta tryggt mönnum að lágmarki eitt af 6 efstu sætunum þegar uppi er staðið.      Áfram Ísland.

Enginn leikur unninn fyrirfram