Lítum við of stórt á okkur?

Viðhorfið í íslenskri knattspyrnu er skakt. Við höfum farið að líta á okkur sem litla-stórþjóð í knattspyrnuheiminum. Eggert sagði á sínum tíma að það væri ekki alfarið að marka styrkleikalista FIFA, ef ég man þetta rétt. Nú spyr ég er þessi að ljúga nokkru um okkur? VIð virðumst eiga við vandamál að etja við að leikmenn spili af krafti í þessum leikjum. Eru þeir að fylgja skilaboðum þjálfara eða hundsa þau? Auðvitað munaði mikið um að hafa ekki t.d. Hemma Hreiðars og Heiðar Helgu í þessum leik 2 leikmenn sem alltaf gefa sig 110% í leikina en það er engin afsökun við eigum samt að vinna lið eins og Liechtenstein á heimavelli.

Það þarf að taka núna ákvörðun um framtíðarstefnuna hjá landsliðinu - á að byrja að yngja eitthvað upp og stilla strengi til framtíðar eða spila bara áfram á þessum mönnum - verð nefnilega að segja að ég var ánægður með Eyjólf að hleypa ungum leikmönnum inn á þar sem það er krystaltært að við eigum enga möguleika í þessum riðli.

Verður gaman að sjá hvað gerist í Svíþjóð.

Þjálfarar óhressir með áhugaleysi landsliðsmanna

Óásættanlegt

svo einfallt er það.  Nú þarf að spýta í lófana - eða erum við kannski bara alls ekkert betri en þetta?

Jafntefli gegn Liechtenstein og Eiður í leikbann

Bendum þeim á að kíkja til íslands

Held að það væri tilvaldið fyrir Toyota að leita til Íslnds eftir nýjum ökuþórum, nóg virðist hafa verið um hraðakstrinum um nýliðna helgi og kannski eru þarna frambærilegir ökumenn, allavega pottþétt ekki lakari ökumenn en liðið er með innanborðs í dag. Vil benda Úlfari hjá Toyota á að hringja strax út og fá skoðunarmennina til landsins. - Ég vil Íslending í lið Toyota.

Ísland mest og best í heimi!!!!!!!!!

Toyota á útkíkki eftir ökuþór í stað Ralfs

Frábær árangur Hrútanna

Til hamingju Kalli í Topnnum - Til hamingju Valur í Dal  - Til hamingju Þorsteinn Hallgríms og allir aðrir Derby aðdáendur á Íslandi, já sem og annarsstaðar.

Þekki er sérdeilis frábær árangur hjá Hrútunum held að fæstir hafi reiknað með þessu í upphafi móts, Þetta er sigur fyrir minni liðinn, þannig séð því Derby hefur alls ekki haft úr miklum peningum að moða og þurft að vera að fá leikmenn lánaða og reyna að nota leikmenn sem unnir hafa verið í  þeirra eigin bakgarði. Billy Davies stjóri Derby hefur unnið frábært starf þarna. WBA aftur á móti geta nagað sig í handabkin yfir að hafa ekki komist upp, því á pappírunum eru þeir með mjög sterkt lið.

En hversu lengi Derby nær að halda sér í úrvalsdeildinni skal ósagt latið, en það væri nú gaman að sjá þennan fornfrægaklúbb ná að festa sig í sessi í deildinni.

Derby upp í úrvalsdeildina

Kristinn R gegn Eiði Smára

Æi afhverju þurftu mínir menn að klúðra þessu svona? tapa á heimavelli fyrir Forlan og félögum, alls ekki nógu gott - virkilega svekkjandi svo ekki sé meira sagt. Því miður er þetta núna bara slagur á milli Madrídinga og Börsunga, Kristinn R. gegn Eiði Smára (þó svo aðhvorugur sé íliðinu þessa dagana), óþolandi. Spænski boltinn hefur þó verið fínn í vetur og þokkalega spennandi, en það virðist oftar en ekki gerast þannig að annað hvot þessara tveggja stóru kemur sér fyrir i öðru af efstu sætum deildarinnar þegar lítið er eftir og nánast undantekningarlaust klára þau deildina. Við þurfum fleiri öflug lið. Valencia hefur verið að klóra aðeins í bakkann síðustu ár,en eins og í vetur hafa þeir verið að missa stig gegn liðum sem að maður reiknaði með betri árangri gegn, og þess vegna eru þeir úr leik þegar tvær umferðir eru eftir. En ég ætla að leyfa mér að spá því núna að þeir verði meistarar vorið 2008. Eins spái ég að Eiður skori sigurmark Barcelóna í síðasta leik þeirra í deildinni í ár. 

Titilvonir Valencia úr sögunni

Já slóð Argentínumannsins.....

... liggur víða. Ánægður með mína menn að ætla að reyna að koma sér fyrir í þessu máli ef eitthvað finnst að Tévez færslunni. Er svo sem ekkert viss um að við hefðum klárað leikinn þó Tevéz hefði ekki tekið þátt en þetta snýst um það að vera löglegur eða ekki - þeir reglur skal alltaf hafa í heiðri. Okkur Eyjamönnum var t.d. refsað fyrir að spila Sindra Viðars í vetur í tap leik gegn Keflvíkingum en Sindri var þá skráður í KFS.

Það held ég að Dick Knight stjórnarformaður og aðrir stjórnarmenn þar á meðal Norman Cook (betur þekktur sem Fat Boy Slim) séu búnir að liggja yfir þessu alveg eins og teikningunum af nýja vellinum okkar sem einhverjir umhverfisverndarsinnar eru alltaf að reyna að hindra af við fáum að byggja - og kvikindin hafa hindrað það alveg hingað til - síðan hafa menn falið vini mínum Martin Perry að sjá til þess að við fáum uppreisn æru ef þess er nokkur kostur.

Sussex by the sea - SSSSSEEEEAAAGGGGULLLSSS

Brighton blandar sér í Tévez-málið

Glöggt er .....

...blaðamannsins auga. Gaman að sjá hvernig menn túlka þetta misjafnt - það er nú það sem gerir fótboltann svo skemmtilegan, þessa langvinsælustu íþróttagrein í heimi.

Var nú í vinnu þegar leikurinn fór fram en sá mörkin á Sky news í nótt - fór í arm Inzaghi syndist mér en hann hafði nú ekki hugmynd um hvar boltinn var og gerði enga tilraun til þess að trufla för eða breyta stefnu boltans - Hendi eða ekki hendi ?

En sýnist á því sem ég hef lesið að þetta hafi verið eins og ÍBV upp á síðkastið - fullt af færum en engin nýting - fyir því er bara hægt að kvarta við leikmenn síns eigin liðs en ekki andstæðing eða dómara - gengur bara betur næst peyjar.

Ensk blöð tala um rán

Þegar jákvæðir hlutir verða þreytandi!

Ótrúlegt þetta með Margréti Lára - þarna er leikmaður sem að ég segi að sé besti kvenspilari sem þjóðin hefur af sér alið - og mér finnst alltaf gamanaf því þegar henni gengur vel - en það skrýtna er að svona fréttir: Margrét Lára skorar x mörk í sigri Vals......... eru bara að verða svolítið þreytandi og hversdagslegar í íslenskum kvennabolta.

Margrét Lára með þrennu í stórsigri Vals

Ha ha ha kjánalegt

Það er orðið tímabært að ganga til liðs við eitthvert af stórliðum Evrópu en samt hefur West Ham forgang.

Sem sagt: Ég er of góður fyrir West Ham, að mínu mati, og vil skipta um lið strax.

og svo: „Fyrst vil ég segja að ég veit ekkert um áhuga Real Madrid, en ef orðrómur er í gangi, hlýtur einhver fótur að vera fyrir því.

Sem sagt: Það hafa lið haft samband en ég vil ekkert segja því kannski hafa stærri lið samband eftir að deildirnar klárast í Evrópu.

Leikmaður ársins hjá West Ham stefnir sem sagt á að spila í öðrum félagslitum næsta vetur.

Tévez: Tímabært að fara í evrópskt stórlið