Heill sé.... (eða ekki)

forseta vorum og fósturjörð ....er það ekki þannig sem að það hljómar?

Get svo sem alveg lagst á sveif með forsetanum - að láta fólkið um að ákveða hvort það vill skot í fótinn eða ekki, og skreppa svo í te til Indlands á meðan málin eru rædd.

Ég hræðist viðbrögð umheimsins meira en annað, en ef að þetta er það sem þjóðin vill þá tek ég því sem baráttuglaður Íslendingur, þó aðallega Eyjamaður, og kannsta mér fyrir kúlurnar ef þess gerist þörf - allt fyrir þjóðina!!!!

Gaman samt að sjá hvað menn eru orðnir varkárir eftir að forsetinn tók ákvörðunina, Bjarni Ben þorir varla að hósta, Villi vinur minn vasaklútur tekur orðið með sér aukaklút í vinnuna, og ég skil hann mæta vel, gerði það sjálfur í hans sporum, Gylfi Arnbjörnsson snyrti skegg sitt og reyndi að vera ekki brjálaður, ríkisstjórnin eðlilega táraðist - en það þýðir ekkert fyrir þau þau eiga bara að halda áfram í vinnunni, ekki þýðir að gráta þá einhver sé ekki ánægður með verk sem að maður hannar, maður leggur sig bara betur fram næst.

Dimmraddaða kallabarnið í Framsóknarflokknum heldur þó silkihönskunum á lofti og ber stríðstrumburnar og ég vil af því tilefni tilnefna hann sem málsvara Íslands í þessu máli - maður með þetta allt á hreinu. Svo voru menn heppnir að ná viðtali við hinn ágæta Þór Saari áður en það snjóaði meira.

En öll ég styttir upp um síðir, það sem mér finnst mikilvægast að fólk muni að úlfarnir sem að Davíð og co. misstu úr taumi ganga en lausir. Það er skelfilegt, og öll þau mál sem en krauma í pottinum mega ekki gleymast. Við megum ekki hlaupa frá pottinum þá einhver hafi viljað poppa handa okkur eina kvöldstund - það er mikið verk óunnið og ivð þurfum áfram að vera á svæðinu með uppbrettar ermar og flokka skítseyðin frá okkur hinum - ekki gleyma því

Meirihluti styður forsetann