Var það ekki Styrmir?

Þessi mæti maður Styrmir Gunnarsson hefur haft margt ágætt fram að færa. Hann lifði nú og hrærðist í þessari spillingarhringiðu í fjölmörg ár. En steininn tók í raun úr er ég heyrði viðtal við hann á Sprengisandi á Bylgjunni, fyrir algjöra tilviljun þegar ég var á leiðinni út í bakarí. Þar sagði hann að á dösgum kalda stríðsins hefðu Bandaríkjamenn aldrei látið það líðast að komið hefði verið fram við okkur eins og gert er nú á alþjóðavettvangi!!!!   Ég velti því fyrir mér hverslags vangaveltur fari um huga manns sem dregur kalda stríðið fram í dagsljósið - það má vel vera að það sé rétt hjá honum. En þegar hann sagði þetta var árið 2009.  Styrmir gleymdi líka að íslenska kerfið hefði aldrei fengið að haga sér eins og það gerði, síðustu 10 ár, á dögum kalda stríðsins.

Tímarnir breytast og mennirnir með, ekki alltaf til hins betra kannski en breytast engu að síður. Kalda stríðið heyrir sögunni til en rétt eins og með bankahrunið á Íslandi eru þar hlutir sem hægt er að læra af og ber að forðast í framtíðinni

Ísland eitt og yfirgefið

Athugasemdir

[Sigurgeir Jónsson, 10.1.2010 kl. 16:11]

Styrmir skrifaði daglega leiðara um íslenska kvótakerfið þegar framsal aflahlutdeildar var leyft með lögum 1990.Hann var þá í daglegum samskiptum við vini sína þá Ragnar Arnalds og Jón Baldvin Hannibalsson sem þá sátu í ríkisstjórn og settu framsalið á.Styrmir lagði þá aldrei til að framsalið yrði ekki leyft og hann hefur aldrei lagt til að það yrði ekki leyft.Hann á, ef framsalið er orsökin fyrir efnahagshruninu, sem að mínum dómi eru ekkert annað en hugarórar, þá ekki minnstan þátt í hruninu.Styrmir er og hefur alltaf verið þjóðnýtingarsinni aflaheimilda og vill ekki neina breytingu á kvótakerfinu aðra en þá að aflaheimildir verði færðar til ríkisins.Auk þess hefur maðurinn ekki glóruvit í fjármálum og setti bæði sjálfan sig og Morgunblaðið á hausinn þann tíma sem hann var ritstjóri Morgunblaðsins.