Hver er á villigötum?

Spurningin er kanski um það hver er á villigötum og hvers vegna. Hvað er rétt og hvað er rangt í þessari umræðu. Getur vel verið að orð Björns Vals séu sönn og þetta séu spárnar. En hvað ber okkur að greiða? Hvað munu menn gera til að ná hagstæðari samningum, eða er það yfirhöfuð hægt?

Björn Valur: Umræðan á villigötum

Athugasemdir

[Óskar Arnórsson, 11.1.2010 kl. 07:57]

Maður semur ekki við handrukkara eins og Breta.

[gisli (IP-tala skráð) 11.1.2010 kl. 08:00]

sæll nafni sammála þér hvað þá með sjoli og silfrið í gær heira þessir menn ekki neitt.

[Sigurður E. Vilhelmsson (IP-tala skráð) 11.1.2010 kl. 08:31]

Grundvöllur þess að við getum borgað er að við eigum nægan gjaldeyri afgangs af útflutningi okkar. Spár Seðlabankans 15 ár fram í tímann segja að við munum eiga þann gjaldeyri. Það byggir þó á áframhaldandi gjaldeyrishöftum og gríðarlegum samdrætti í innflutningi og neyslu.

Því miður er erfitt að treysta á þessar spár Seðlabankans, sérstaklega í ljósi þess að afgangurinn á árinu 2009 stefnir í að verða 50% minni en Seðlabankinn gerði ráð fyrir. Geti Seðlabankinn ekki spáð nokkra mánuði fram í tímann er erfitt að treysta 15 ára spá frá honum, sérstaklega ef maður skoðar hvað stendur þar á bak við. Það ástand sem þarf að ríkja hér á Íslandi næstu 15 árin, ef spár Seðlabankans eiga að ganga eftir, er eitthvað sem ég er ekki viss um að almenningur geri sér grein fyrir, hvað þá eigi eftir að sætta sig við!

[Gísli Foster Hjartarson, 11.1.2010 kl. 08:54]

Siggi - sæll vinur og Gleðilegt nýtt ár
Get alveg tekið undir þetta með þessar spár, þær virðast oftar en ekki byggðar á einhverju sem svo hrynur og oftar en ekki eru þær að því er virðist reiknaðar upp í toppi en ekki einhver svona góður meðalvegur - lítur allavega þannig út. Hef ekkert lagst yfir þessar spár frá Seðlabankanum. Mér finnst aftur á móti, burt séð frá Icesave meira að segja, eins og þjóðin geri sér ekki alveg grein fyrir því hvað framundan er. Staðan er nú ekki sú bjartasta. Því ber mönnum að reyna að gera betur.

Óskar! ég er ekki viss um að lífið sé svona auðvelt, ja allavega ekki varðandi þetta mál.

[Sigurður E. Vilhelmsson (IP-tala skráð) 11.1.2010 kl. 09:05]

Gleðilegt ár sömuleiðis Gilli :)

Þverpólitísk samstaða er nauðsynleg í þessu máli. Vonandi er stjórnin til viðræðu um það nú, þegar vindar blása með okkur! Þá þurfa allir að leggjast á eitt og brjóta odd af oflæti sínu. Stjórnarandstaðan er þar ekki undanskilin.

Sammála þér að jafnvel þótt Icesave hyrfi út um gluggann er staðan hrikaleg og ástandið hér næstu árin verður mjög erfitt. Til að við getum sett undir okkur hausinn og barist í gegnum skaflinn verðum við þó að geta treyst því að við komumst á endanum í gegn. Það verður erfitt ef við höfum Icesave hangandi yfir okkur marga áratugi fram í tímann.

[Gísli Foster Hjartarson, 11.1.2010 kl. 09:33]

Menn eig aað setja þjóðina í forgang - ekki pólitíkin, ekki bara í þessu máli heldur alltaf. Margir þarna ótrúlega fljótir oft að detta í flokkinn og eigin hagsmunina.

Við verðum að vona að fólk standi saman af heiðarleika og festu til að klára þetta mál og taki saman eitt skref fyrir þjóðina, vonandi léttara, inn í framtíðina.