Íslenska snilldin

Já það er margt sem að menn hafa reynt fyrir sér í þessum bransa. Björgólf og Eggert dreymdi báða um að vera stórir og merkilegir karlar og Eggert fór aldrei leynt með það en mín kynni af Björgólfi eru engin þannig að ég get ekkert sagt of mikið um það. Ég held að flestum sem fylgjast náið með enska boltanum. tala nú ekki þeir sem búa í Englandi hafi séð að ekki var allt með felldu þegar West Ham fór að sólunda peningum eins og engin væri morgundagurinn íleikmenn eins og Freddie Ljungberg - draumasamningur sem að hann fékk og félagið þurfti svo að borga til að losna við hann í þokkabót!!! Lucas Neil er annað nærtækt dæmi þar sem samninganefnd Rauða hersins frá Anfield hreinlega hljóp frá samningaborði þegar þeir sáu hvert West Ham stefndi í launamáluum leikmannsins. Hann fór svo frítt frá West Ham stoppaði stutt hjá Everton en þeir fengu þó ágætis pening fyrir hann að sögn.Þetta endaði í alls kyns hrókeringum og fjöri hjá þeim. Það dugði ekkert ekki að vera tengdur UEFA mafíunni til að reka West Ham þar sem að allt virðist hafa verið tekið úr jarðnesku sambandi og þeir sem að blæða fyrir það á endanum er félagið sjálft og stuðningsmenn þess - því miður.  Það held ég að það hljóti að vera hamingju í herbúðum stuðningsmanna liðsins ef tengslin við Íslandi í stjórnunardeildinni hverfa.  Hólmar Örn Eyjólfsson mun samt vonandi verða þarna áfram og standa sig vel og laga aðeins skerta ímynd Íslands hjá félaginu.

 

Niðurstaða nálgast með West Ham

Athugasemdir

[Gísli Sigurðsson, 17.1.2010 kl. 13:46]

Ég hef smá dæmi um hve stóran karl Eggert áleit sig. Ég var að koma af leik í Laugardalnum og fullt af fólki að ganga frá stúkunni. Þarna kemur svo flottur jeppi BMW eða eitthvað svoleiðis. Bílstjórinn liggur á flautunni til að komast sína leið og það vantaði bara puttann á loft í áttina að þessu pakki sem þvældist fyrir honum. Bílstjórinn sem um ræðir var Eggert Magnússon.

[Gísli Foster Hjartarson, 17.1.2010 kl. 15:22]

Já nafni það eru til margar sögur af manninum með bindishnútinn. Ég man eftir nokkrum atvikum úr samskiptum míns félags við KSÍ þar sem að maður hristi bara hausinn yfir því hvernig var látið. Lengi vel spiluðu ákveðin félög með og gerðu sig breið, eins og um stórveldi væri að ræða Menn eins og hann sáu t.d. til þess að haft er í hótunum við byggðarlög ef að þau eyða ekki tugmilljóna, ef ekki hundruðum, í framkvæmdir sem að þeim þóknast í Laugardalnum. Ljótt að segja það en ég hef litla trú á manninum.