Vill Noreng innlimun?

Margt fróðlegt þarna og margt sem sífellt er verið að tyggja yfir þjóðinni þessa dagana varðandi hver ábyrgð okkar sé í raun og veru í þessu Icesave máli.

Noreng með fínar ábendingar þarna sem vert að að spá og spekúlera í  hann segir meira að segja þetta sem lausn númer 2:

„Noregur er leiðandi lánadrottinn og fjárfestir í heiminum í dag og hefur alla fjárhagslega burði til þess að aðstoða Ísland. Auðvitað ber Norðmönnum ekki að greiða bætur vegna þess sem tapaðist í Icesave, en þeir gætu boðið langtímalán sem getur aðstoðað Íslendinga við að ná undir sig fótunum á ný. Vissulega þarf að setja ströng skilyrði og kröfu um að tekið verði til í íslensku fjármálalífi með hugsanlegum málaferlum á hendur þeim sem ábyrgð bera á íslensku bankakreppunni.  (feitletrun er höf.)

Góð tillaga  og kemur einmitt að kjarna málsins og því sem margir hér á landi, sem og erlendis,  hafa bennt á. Til að öðlast traust þarf að taka til í íslensku fjármálalífi. Hvers mörg dæmi höfum við ekki um að sama liðið sitji við sömu tölvurnar og stjórni sömu hlutunum eins og ekkert hafi ískorist. Menn víla og díla fyrir sig og sína - það hefur engin tiltekt átt sér stað, getum við þá vænst þess að öðlast traust út á við, innanlands sem utan?  Ég held ekki.

Annars undir rós held ég að prófessor Noreng dreymi um að Ísland verði partur af Noregi!!! - en það er aukaatriði.

Ég held að málið

Norðmönnum ber að aðstoða

Athugasemdir

[Óskar Þorkelsson, 17.1.2010 kl. 17:30]

Af hverju ætti hann að dreyma um að ísland sé partur af noregi Gísli ? Noregur mundi ekki hagnast neitt sérstaklega á því þótt sumir haldi það. 

Ég er viss um að það er hans einlæg skoðun að noregur eigi að hjálpa íslandi, því norðmönnum þykir mun vænna um ísland og íslendinga en íslendingum þykir um noreg og norðmenn.

[Gísli Foster Hjartarson, 17.1.2010 kl. 17:45]

Óskar þetta er nú meira sagt svona í gríni en hitt. Ég personulega er ekki frá því að það væri kannski bara einna best eins og ástandið er að blessaðir norðmennirnir taki hér við og stýri landinu, allavega tímabundið.

Er það ekki líka oftast þannig að manni þykir vænna um litla bróður sinn en honum um mann. Norðmenn eru yfirhöfuð skynsöm þjóð en við eigum oft erfitt með að fóta okkur í samskiptum við aðra, sennilegast af ofmati á eigin kostum og gæðum. Norðmenn gætu kannski kennt okkur.

[Óskar Þorkelsson, 17.1.2010 kl. 18:03]

já ég tók þessu sem gríni hjá þér Gísli en það eru alltof margir íslendingar sem halda að norðmenn ásælist landið okkar ;)

[Gísli Foster Hjartarson, 17.1.2010 kl. 18:09]

Já við teljum okkar alltaf í lykilstöðu í öllum málum.

Bestu kveðjur til þín og annarra er ég kann að þekkja í Noregi. Kannski verð ég bara kominn þangað áður en ég veit af með mitt fólk!!!

[XO (IP-tala skráð) 17.1.2010 kl. 18:20]

Noregur vill ráða Svalbarða og Jan Mayen. Vill ráða yfir auðlindum á svæðinu. Fiskimiðum og landgrunni með hugsanlegum olíulindum. Við höfum ekkert í þá að segja í þessum efnum. Þeir kunna að vernd fiskistofna ekki síður en íslendingar. Í þeirra kerfi er megnið af veiðiheimildum á hendi fárra aðila eins og hér. Við eigum ekkert í einhverjar samningaviðræður við norðmenn í þeirri stöðu sem við erum. Þessi hugmynd þýðir innlimun í Noreg. Þeirra þjóðfélag og gildi eru ótrúlega ólík okkar. það sem gerst hefur hér hefði ekki gerst þar. Spilling á íslenskan mælikvarða þrífst ekki í þeirra lagaumhverfi. Hinn almenni íslendingur fengi bæði réttarbót og tryggari lífskjör "undir norskri stjórn" Skattar á hátekjufólk eru þar meiri og tekjujöfnunarúrræði í skattkerfinu betri.Byggðastefna hefur verið rekin í stórum stíl í Noregi í áratugi og mikið hugað að jafnræði í orði og verki. Noregur er mikið reglusamfélag. Ég er ekki viss um að "íslendingseðlinu" liði mjög vel í þeirri velferð, eins skrýtið og það kann að hljóma. Norðmenn hafa alla tíð verið okkur erfiðir samkeppnisaðilar í fiskútflutningi. Það eru rekin allskonar styrkjakerfi bæði í fisvinnslu og landbúnaði. Ísland fengi enga sérstöðu í "norskasambandinu" umfram þær jaðarbyggðir sem þar eru. Bjó og lærði í Noregi, það skilur meira á milli en menn vilja viðurkenna á hátíðar og tyllidögum. Við mættum læra af þeim, en verðum að gæta okkar á  “nýlendutilhneigingum” þeirra á norðurslóðum. Íslendingar hafa mótmælt á alþjóðavettvangi, sjálftöku þeirra á löggæslu og yfirráðum á Jan Mayen svæðinu við litla gleði þeirra. Smugudeilan dró fram afstöðu þeirra til þess hverjir eiga að ráða og í stjórnkerfinu hjá þeim voru íslendingar kallaðir ræningjar og  andstæðingar verndunar stofna. Við eigum að auki í makríldeilu við þá og fleiri þjóðir. Við eigum ef til vill ekki mikið inni á þessum bæ.

[Arnór Baldvinsson, 17.1.2010 kl. 18:30]

Sæll Gísli,

Bara svona í gríni, þá gætu Norðmenn tekið 2% út úr olíu sjóðnum og borgað Icesave og átt afgang til að kaupa hina tvo bankana;)  Síðustu tölur sem ég hef, frá því í September 2009 þá var sjóðurinn um 260 milljarðar sterlingspunda.  Þess á geta að þessi sjóður meira en 1% af öllum hlutabréfum í heiminum og er meirihluta eigandi í 1.7% af öllum Evrópskum fyrirtækjum.  Sjóðurinn á stærstan eignarhluta í Shell og fjórða stærsta í British Petroleum (BP) og hann á í meira en átta þúsund fyrirtækjum út um allan heim.

Kveðja,

[Óskar Þorkelsson, 17.1.2010 kl. 19:59]

XO segir þetta helv vel :) 

rétt hjá þér Arnór.. einhver sagði mér í dag að ef nojarar ákvæðu að borga okkur út þá jafngildir það eins til tveggja daga olíuvinnslu hjá þeim... 

[Gísli Foster Hjartarson, 17.1.2010 kl. 20:03]

XO (koníak vænti ég ;-) ) Já ég held að við gætum lært mikið af norðmönnum. Sem og reyndar mörgum öðrum en við verðum einhvern veginn alltaf hömlulaus. VIð förum t.d. erlendis og dáumst sumsstaðar að umferðarmenningu "óskráðum reglum" við akstur á þjóðvegum og hversu þægilegt er að keyra þar og svo framvegis svo kemur fólk heim og þá keyra flestir eins og þeir séu á eina bílnum sem til er í landinu!!!

Arnór þetta eru svakalegar tölur og ótrúlegur styrkur sem þarna virðist vera á ferðinni. Mann verður eiginlega bara orðlaus en þetta er stór og ágætlega skynsöm þjóð og margt sem við gætum þar lært eins og áður hefur verið komið inná.

Bestu kveðjur til ykkar sem nennið að setja hér komment.