Okur?

Aldeilis ekki!!! Get alveg tekið undir þetta og finnst þetta bara sanngjarnt verð og bar í takt við það sem að fólk ræðir hér í Eyjum sín á milli Auðvitað væri hægt að væla um að fá þetta frítt - he he

Aftur á móti held ég að menn eigi eftir að skoða rækilega og tækla mun betur ferðaáætlun skipsins sem að bæjarstjórn lagði fram. Þar finnst mér menn ganga fulllangt í ferðum á stundum. Á reyndar eftir að setjast aðeins betur yfir það en get ekki að þvi gert að mér finst menn ganga fulllangt og jafnvel gefa of lítinn tíma í umstöflun í skipinu þegar menn vilja hafa ferðirnar sem flestar, en þá er nú einmitt líka álagið sennilegast mest. Miðað við 7 ferðir á dag er flutningsgeta upp á 3500 farþega hvora leið og rúmlega 400 bíla hvora leið, ef að mig misminnir ekki um fjölda farþegar og bíla sem skipið getur tekið (500 farþ. og 60 bílar). Þó svo að þetta sé - Fleiri farþegar og fleiri bílar meiri umstöflunartími milli ferða. Þó svo að þetta sé flutningsgetan reikna ég nú samt ekki með að skipið verði fullt í öllum ferðum í alvörunni.

Auðvitað verður einhver aukning á ferðatíðni bæði heimamanna og gesta en yfir mesta vetrartímann gæti ég trúað að tvær ferðir eins og þetta er í dag myndu duga!!!  Mínar uppl. segja að í fyrradag hafi farþegar yfir daginn verið 125 og þar af voru þeir undir 10 í fyrri ferð frá Þorlákshöfn. Þannig að þó að manni líki það ekki endilega þá er þetta spurning um að hafi þetta þannig að menn fá velvild upp á ferðaaukningu í kringum álagstíma. Allt kostar þetta jú sitt. Þá myndi ég segja að þrjár ferðir dygðu á föstu- (7.30, 12 og 16 frá Eyjum t.d.) og sunnudögum (11, 14 og 17 frá Eyjum t.d.)

Svo getur vel verið að bæjarstjórn hafi kastað þessu fram svona til skoðunar en vilji svo ræða þetta nánar? Ég hefði nú bara vilja sjá vegagerðina og bæinn setjast yfir þetta með rekstraraðila (ef menn eru þá búnir að finna hann) og klára þetta í eitt skipti fyrir öll.

Annað sem að mér finnst ekki hafa verið rætt en ég vil ræða og það er Þjóðhátíð Vestmannaeyja. Með þessari auknu flutningsgetu vil ég takmarka miðaframboð í Dalinn, því það er á hreinu að við getum ekki endalaust tekið við fólki. Hef nú reynt að byrja þessa umræðu sumsstaðar en oftast verið kveðinn í kútinn!!!

 

Far með Herjólfi á 600 krónur?

Athugasemdir

[Hjörleifur (IP-tala skráð) 21.1.2010 kl. 14:56]

Held að það sé rétt farið með mál hjá mér Gísli að eftir árið 2010 taki einhverjar nýjar reglur gildi þar sem þarf að takmarka farþegafjölda ferja sem opnast í báða enda niður í 300 þannig að flutningsgetan er 2100 farþegar á dag þegar mest á að vera miðað við 1000 núna eða 1500 þegar aukaferðir eru settar á þannig að aukningin verður ekki alveg svona mikil eins og þú setur fram.

[Halli (IP-tala skráð) 21.1.2010 kl. 15:12]

" föstu- (7.30, 12 og 16 frá Eyjum t.d.) og sunnudögum (11, 14 og 17 frá Eyjum t.d.)"

þetta gengur aldrei upp, það tekur c.a 2 tíma að keyra á bakka og því dagurinn orðinn æði stuttur fyrir þá sem komst þurfa  til eyja á föstudögum eftir t.d vinnu, skóla osfrv, auk þess er tilgangur allra þessara fjölda ferð að gera fólki kleift að eiga meira val um ferðatíma, þótt það kosti aukapening, ég lít líka svo á að þessar stóru ferðir t.d föstudags og sunnudagsferðir sem eru iðulega fullar borgi niður ferðir sem eru ekki jafnvinsælar og þessir tímar

[Guðmundur (IP-tala skráð) 21.1.2010 kl. 15:50]

Ég hef ekki heyrt af því, sem Hjörleifur nefnir, að nýjar reglur kveði á um hámarksfjölda farþega í ferjum sem opnast í báða enda. Stóru ferjurnar t.d. í Eystrasalti eru að taka ca 1000 farþega og sumar mun meira. Ég hef hins vegar heyrt að til standi að fækka hámarksfjölda farþega í Herjólfi niður í 300 í ferð (frekar en 400) og að ástæðan fyrir því sé meðal annars umtalsverð fækkun í áhöfn skipsins en stærð áhafnar og farþegafjöldi ásamt tímalengd siglingar og að sjálfsögðu stærð skipsins haldast í hendur. Reglur kveða m.a. á um ákveðið marga farþega á hvern áhafnarmeðlim.

[Gísli Foster Hjartarson, 21.1.2010 kl. 16:14]

Sælir bræður

Hef ekki heyrt um þetta Hjörleifur, en ég heyri nú ekki allt. Tel skýringu guðmarndar því líklegri, þ.e.a.s. varðandi áhafnarfjölda og þá þætti. Ferjurnar í Eystrasaltinu og í Ermasuundinu eru að taka gríðarlegt magn af farþegum í hverri ferð og því hef ég ekki trú á að þessi skerðingu sé í gangi Hjörleifur. - Rétt er að faregafjöldi má ekki fara upp fyrir ákveðinn fjölda gagnvart áhafnarmeðlimum, það held ég að sé hárrétt.

Halli. Tilgangurinn hlýtur líka að snúast um að reka skipið á sem hagkvæmastan máta ekki bara sigla og sigla til að sigla. Ég kastaði þessari hugmynd um siglingartíma nú bara svona fram og það er engin sem segir að þó síðasta ferð frá Eyjum sé 16 að hún þurfi að vera fyrr en kannski 19 frá Bakkafjöruhöfn. Þannig hugsaði ég t.d. fyrstu ferð á sunnudegi seinna um morgun því ég reikna ekki með að margir verði mættir á Bakka kl. 8 um morgunin hoppandi og trallandi yfir sig spenntir að komast í Herjolf!!!!

Þetta er allt umræða sem á eftir að klára vona bara að þeir aðilar sem að ég nefndi í blogginu komi sér saman um þetta sem fyrst.