Að koma hlekkjum á Rússneska björninn

Þetta verður svakalegur leikur! Eða er það orðið þannig að Rússarnir geta ekkert? - miðað við okkur þá?

Hver man ekki eftir þeim árum þegar maður fór bara að gera eitthvað annað þegar liðið átti að leika við Rússneska björninn. Svakaleg lið ár eftir ár. Svona stór maskína sem var svo vel smurð að ekki virtist nokkur leið að slökkva á henni. Man líka eftir því þegar Faxi og félagar í sænksa liðinu fóru að velgja þeim undir uggum og unnu þá, og það oftar en einu sinni. Hægt og rólega í kjölfarið virtist björninn fara í dvala. Þar hefur hann að mestu dvalið síðan.  Ég ætla svo sannarlega að vona að björninn rumski ekki fyrr en eftir leik í kvöld. Þ.e.a.s. þegar við erum búnir að sigra hann. Hann komi svo sterkur til leiks gegn Dönum.

Frábær leikur í gær. 2 frábærir leikir í röð gegn frábærum handboltaþjóðum. Vonandi ná strákarnir að bæta við þetta fjórum góðum leikjum í viðbót og þeir fá medalíu.  Reikna með erfiðum leik i kvöld en ætla að leyfa mér að spá 27-24 fyrir okkur. Snorri Steinn með stórleik.

„Rússneski björninn“ er næsta verkefni Íslands