Upp með sokkana

Fosterinn - var, er og mun verða - Hausmynd

28.1.2010 | 09:13

Hvernig er það hafa menn allt í einu núna efni á að fresta atkvæðagreiðslunni? Hér hefur öllum verið sagt að það séu stór mistök að ekki sé búið að ganga frá þessu Iceslave dæmi nú þegar. Núna er allt í einu í lagi að fara að fresta atkvæðagreiðslunni! Hvað meina menn?

Drátturinn á birtingu þessarar skýrslu er náttúrulega ekkert skemmtiefni. Maður hlýtur að telja að alvarleikinn í skýrslunni hafi aukist við þessa frestun. Það er að segja að fram hafi komið einhver krassandi gögn. Afhverju er aldrei talað við konuna í þessari nefnd, hef hvergi séð neitt haft eftir henni eftir þettta litla uppþot sem varð þarna á sínum tíma er hún átti að hafa tjáð sig um eitthvað sem að hún mátti ekki vegna FME.

Fáum skýrsluna og kjósum strax í kjölfarið. Get ekki ímyndað mér að það breyti öllu. Hef ekki orðið var við að fjöldi manns liggi yfir því að kynna sér þessi mál. Fólk vill bara ekki borga þetta, svo einfallt er það. Er ekki einu sinni viss um að hugur fólks snúist þó að eitthvað komi í ljós í þessari skýrslu varðandi skuldbindingar okkar eða loforð umfram það sem menn hafa verið að ræða um.

Menn hljóta að vilja fara að koma þessu frá. Svo var líka hugmynd Sigmundar Davíðs þokkaleg um að menn skili bara því sem komið er og sendi svo bara inn viðbót við skýrsluna þegar að hún er klár. En þá lenda menn kannski í vandræðum með þennan andmæla rétt.

Öll mál sem hægt verður að taka kannski á út frá skýrslunni verða sennilegast fyrnd þegar að hún kemur loksins út.