Eina liðið með 2 í byrjunarliði

Phoenix Suns erum eina liðið með 2 menn í byrjunarliði í stjörnuleiknum í á. Steve Nash er þarna valinn í 7 sinn, 5 skipti eftir að hann kom til Phoenix. Amare Stoudemire er valinn þarna í 5 sinn og annað árið í röð í byrjunarlið. Þetta er aðeins í annað skipti í sögu Phoenix sem að við eigum tvo menn í byrjunarliði í stjörnuleiknum það gerðist síðast 1995 þegar sir Charles Barkley og Dan Majerle voru valdir. Þeir Nash og Stoudemire eru leikmenn númer 2 og 3 í sögu félagsins til að verða valdir 5 sinnum eða meira í stjörnuleikinn á meðan þeir spila hjá liðinu, Walter Davis á metið 6 sinnum. Stoudemire ætti nú að geta bætt það.

 

Þetta tímabil hjá Steve Nash er það besta tölulega hjá bakverði í sögu NBA sem er 35 ára eða eldri. 18.6 stig í leik, 11.2 stoðsendingar. Liðið er líka með hæsta skorið að meðaltali, í 5 sinn á síðustu 6 tímabilum. Nash er með 53.8%hittni, 42,7 í 3 stiga skotum og 94.2% af vítalínunni (það besta í deildinni). Þetta er í fjórða sinn á ferlinum sem hann er með yfir 50-40-90. Eini leikmaðurinn í sögu NBA sem hefur náð að gera þetta tvisvar var Larry Bird. Nash er 7 leikmaðurinn í sögu NBA til að skora yfir 14.000 stig og ná 8.000 stoðsendingum.

Stoudemire er aðeins fimmti leikmaðurinn í sögu Suns sem er í byrjunarliði stjörnuleiks 2 ár í röð. Síðast var það Jason Kidd 2000 og 2001. Stigahæsti leikmaður Suns fjórða árið í röð. 13 stigahæsti í NBA þetta tímabilið. 16 janúar síðastliðinn varð Amare sá fljótasti, í 475 leikjum, og yngsti, 27 ára og 60 daga gamall, til að skora 10.000 stig fyrir Suns, aðeins 6 leikmaðurinn í sögu félagsins til að skora yfir 10.000 stig.

Flottir félagar þeir Nash og Stoudemire, vona að þeir verði báðir heilir þegar stjörnuleikurinn fer fram.

NBA stjörnuliðin klár fyrir hátíðina í Dallas