Þá er komið að því...

Undanúrslit á EM ....í annað skiptið í sögunni hjá okkar liði

Þetta gæti orðið svakalegur leikur. Ekki ætti að vera komið spennufall í okkar lið yfir fengnum árangri því við höfum ekki bætt árangur liðsins en getum jafnað okkar besta árangur til þessa á EM. Einhvern tíma mun ævintýrðið enda. Vona að þá verði um háls okkar manna hengdur verðlaunapeningur. Ég vonaðist eftir topp 6 sæti það er komið nú hljóta menn þá að stefna á það að bæta sinn besta árangur sem er 4 sætið í Svíþjóð á sínum tíma.

Ekkert virðist vera um meiðsl í okkar hópi þó svo að einhver þreyta segi örugglega til sín hjá okkar liði eins og öðrum liðum sem komin eru þetta langt í keppninni. Það er spilað ört og álagið er gríðarlegt á liðin, í raun alveg ótrúlegt.

Frakkar hafa á að skipa mögnuðu liði, einhverju besta handboltaliði síðustu 15 ára ef ekki allra tíma, en þeir eru ekki ósigrandi og það er hlutverk okkar stráka í dag að sannreyna það. Ég hef fulla trú á því að þeir geri það.

Vona að andinn komi yfir okkur í dag. Spái 28-27 fyrir okkur ...Þorið þið að spá?

Áfram Ísland alltaf alls staðar

Betur undir það búnir að mæta Frökkum nú en í Peking

Athugasemdir

[Dóri Stóri (IP-tala skráð) 30.1.2010 kl. 10:05]

27-25 fyrir Ísland

[Doddi (IP-tala skráð) 30.1.2010 kl. 10:16]

32-29 fyrir Frökkum, þeir eru skrefi framar en við hvað getu varðar, þótt svo við séum einnig góðir.

[Halldór Jóhannsson, 30.1.2010 kl. 11:22]

Spái klassaleik og við sigrum 28--23....Alex með 7 mörk og að sjálfsögðu fjandi góður í vörn..Bjöggi með 16 skot varinn...Áfram Ísland...

[gjon (IP-tala skráð) 30.1.2010 kl. 11:40]

Okkar menn hafa stasðið sig frábærlega en Frakkarnir eru svo magnaðir að ég óttast að jafnvel mjög góður leikur Íslands dugi ekki. Spái 29-26 fyrir Frakka, en vona svo innilega að mér skjátlist.