Að kasta sér fyrir björg!!!

Þá er það komið á hreint. Þjóðin, eins gáfulegt og það kann að þykja, á að fá að greiða atkvæði um fiskveiðistjórnunarkerfið. Það er ég hræddur um að það verði verði athyglisverð atkvæðagreiðsla. Það er með þetta eins og margt annað sem að pólitíkinni dettur í hug engar almennilegar útfærslur lagðar fram bara sagt að þetta skuli gera!!! Er ansi hræddur um að þetta þurfi að útfæra vel og vandlega, sem nota bene hefur ekki verið sterkasta hlið íslenskrar pólitíkur sem hefur verið þjökuð af eigin hagsmunum í áratugi. Það hefði ég nú viljað sjá Jóhönnu frekar vera með harða yfirlýsingu um að komið yrði á personukjöri í pólitík hið fyrsta frekar en þetta þó ég sé vissulega á því að skoða eigi kvótakerfið eins og svo margt annað.

Hugsa að meirihluti þjóðarinnar sé á móti vissum þáttum kvótakerfisins eins og það er í dag en er ekki svo viss um að hún sé alfarið á móti öllu kerfinu. Gallinn við það að skoða kvótakerfið er náttúrulega líka að margir þeir sem því tengjast, eins og LÍÚ, virðast vera blindir á allt nema sjálfa sig,og hafa gleymt þeirri ágætu speki að efast stundum um eigið ágæti, sjá þetta bara út frá sínum bæjardyrum. Þjóðaratkvæði, veit ekki, en hugmyndir um endurskoðun á kerfinu það er annað mál en grátlegt er ef að menn geta ekki sest niður og rætt málin án þess að einhver við borðið fari að gráta.

Það verður forvitnilegt að sjá þegar þetta hagsmuna stríð heldur áfram LÍÚ og meðreiðarsveinar hafa nú þegar verið með heilu síðurnar í varnaraðgerðum t.d. í viðskiptablaðinu um daginn.

En kvótinn er þjóðareign, hef ekki áhyggjur af því, en þetta er spurning um það hvernig menn eiga að fá að fara með afnotaréttinn af auðlindinni. Hef aldrei skilið afhverju menn eru að segjast vera að kaupa eitthvað sem að þeir ekki eiga, hef litið á þetta sem svo að menn séu að leigja eitthvað af einhverjum sem er með það til leigu nú þegar. En skil vel að menn vilji fá meiri kvóta til að veiða fyrir sig og sína.

Bið bara menn að fara að finna annað lið en Ólínu, Friðrik J og Villa vasaklút til að fjalla um þessi mál í fjölmiðlum. Allt þetta fólk gerir ekkert annað en  að skaða umræðuna.

 

Samfylkingin vill þjóðaratkvæði um fiskveiðistjórnunarkerfið

Athugasemdir

[B.N. (IP-tala skráð) 28.3.2010 kl. 10:22]

Hér smá um íslenska kvótakerfið á linknum hér fyrir neðan:

http://www.visir.is/article/20070506/FRETTIR04/70506019/1241&sp=1

Horfum til Færeyjar þeir gátu lánað okkur peninga 6000 .þúsund  milljónir krónur því þeir henda ekki fiski í sjóinn til að viðhalda sínu fiskveiðakerfi.

Baldvin Nielsen Reykjanesbæ

[Þorsteinn Valur Baldvinsson, 28.3.2010 kl. 10:32]

Hef enga trú á að Samfylkingin geri eitthvað sem stuggar við ESB og hef svo sem heyrt áður loforðalygina renna upp úr þeim flokk.

Þetta er líklega svona eitrað væntingaloforð með eftirbragði svika og blekkinga að venju.

[Gulli (IP-tala skráð) 28.3.2010 kl. 10:38]

Mér finnst einmitt eins og þér Gísli vanta algjörlega einhverjar raunverulegar tillögur. þjóðaratvkæði um kvótakerfið er gott og blessað, ég er hlynntur þjóðaratkvæði um sem flest til að koma valdinu til fólksins. Hins vegar verður þessi þjóðaratkvæðagreiðsla þá að vera um eitthvað, eitthvert nýtt form, ekki bara "breyta til að breyta" atkvæðagreiðsla.

Það verða að vera skýrir valmöguleikar:

A - núverandi kerfi áfram
B - Einhver fullklár tillaga
C - Einhver önnur fullklár tillaga

og svo framvegis. Hættan er hins vegar að eins og alltaf þegar pólitíkusar koma nærri svona atkvæðagreiðslum þá verður búin til einhver óskýrir valmöguleikar eins og

A - Núverandi vonda kerfið
B - Nýtt "réttlátara" fiskveiðstjórnunarkerfi

Valkostur B verður síðan ekkert útskýrður neitt frekar og enginn fær að vita hvernig á að vera fyrr en búið er að kjósa það og þá verður það eftir geðþótta þeirra flokka sem stýra akkúrat þá. Það er nákvæmlega aðferðin sem hefur verið notuð til að þvinga í gegn fjölmargar sameiningar sveitarfélaga á Íslandi og engin ástæða til að ætla stjórnmálamönnum eitthvað heiðarlegri vinnubrögð, sérstaklega þegar horft er til þess að Jóhanna Sigurðardóttir var jú einn helsti framagosinn í sameiningarþvingununum. 

[anna (IP-tala skráð) 28.3.2010 kl. 10:49]

Við viljum þjóðaratkvæðagreiðslu um ESB, það verða þá vonandi slegnar tvær flugur í einu höggi ef af þessu verður og kosið um fiskinn og sjálfstæðið samtímis! Ég treysti samfylkingunni enganveginn!

[Sigurður E. Vilhelmsson (IP-tala skráð) 28.3.2010 kl. 11:37]

Stærsta vandamálið er að hér á sér ekki stað nein vitræn umræða um sjávarútvegsmál.

Ef einhver vogar sér að velta því upp að ástæða sé til að endurskoða fiskveiðistjórnunarkerfið, til þess að reyna að koma á einhverri raunverulegri sátt um stjórn fiskveiða við landið, er sá hinn sami samstundis sakaður um að ætla að leggja sjávarútveginn í rúst.

Viðri einhver þá skoðun að kvótakerfið (þ.e. kerfið sjálft, burt séð frá framsali, leigu og eignarrétti á kvótanum) sé í grunninn það skásta sem við höfum, er viðkomandi að sama skapi úthrópaður sem útsendari LÍÚ.

Á meðan umræðan er föst í þessum skotgröfum, sem ekki bara hagsmunaaðilar og þingmenn falla ítrekað í, heldur sveitarstjórnarmenn líka, er vonlaust að komast að einhverri niðurstöðu.

Vissulega er ein leið að þjóðin fái að greiða atkvæði um stjórnun fiskveiða, en þá þurfa líka að vera einhverjir raunverulegir valkostir í boði, rétt eins og Gulli bendir á hér að ofan.

[Árni Gunnarsson, 28.3.2010 kl. 11:48]

Sigurður E. Viltu skýra út fyrir mér og ýmsum fleiri hvernig hægt er að álykta umhugsunarlaust að kvótakerfið "sé það skásta sem við höfum!"

Skárra en hvað?

Kannski ertu líka fyrsti maðurinn sem getur skýrt það út af hverju Færeyingar hentu okkar kerfi eftir að hafa prófað það í tvö ár og með alveg skelfilegri reynslu að þeirra eigin dómi.

[Gummi (IP-tala skráð) 28.3.2010 kl. 13:26]

Þetta eru ekki geimvísindi Árni G, það er skárra en frjálsar veiðar, það þýðir ekkert fyrir fólk að fara af stað með þjóðaratkvæðagreiðslu um að leggja niður kvótakerfið ef ekkert annað á að koma í staðinn, fiskurinn í sjónum í kringum ísland verður áfram takmarkaður og ég held að það sé rétt að þeir sem alltaf eru að halda uppi færeyska kerfinu skoði nú sögu þess frá því þeir köstuðu kvótakerfinu frá sér, það hefur ekki verið eintóm sældin þar.

Annars er þetta hárrétt hjá Sigurði E. umræðan um fiskveiðar við ísland hefur aldrei komist úr þessum hjólförum verst finnst mér þó að sjá hversu margir eru komnir framalega í umræðum hér á landi um fiskveiðikerfið og hafa ekki eina einustu þekkingu á þessu, hafa jafnvel aldrei starfað í greininni eða nálægt henni og jafnvel aldrei séð fisk nema í fiskborðinu í Hagkaup, ég hef t.d aldrei heyrt um fiskútgerðir í 101, Jón Bjarnason sjávarútvegsráðherra kallar sporð á fiski hala og vissi ekki að á íslandi væri loðnuhrognavinnsla.....það er í þessu eins og öðru að vont getur lengi versnað og því miður með þetta fólk í farabroddi í dag og stuðningsmenn þeirra þá verður sjávarútvegurinn og útgerðir landsins líklega næsta fórnarlamb heimskra alþingismanna.

[Gísli Foster Hjartarson, 28.3.2010 kl. 22:45]

Sammála þegar þið segið að umræðan hefur ekki komist úr hjólförunum og á vitrænt stig. Það er nákvæmlegaþað semstendur umræðunni hvað helstfyrir þrifum.

Svo koma pólitíkusar og tala um fyrningarleið og leggja hana til sem lausn en en í dag hef ég ekki séð neinar almennilegar skýringar á því hvernig menn ætla að framkvæma þessa hluti - pólitíkin ekki búin að vera að vinna sér inn punkta þar. Pólitíkin á Íslandi reyndar ekki búin að skora feitt í mörg ár ef að þið spyrjið mig.