Þetta gleður mig!

Ég fagna því að sjá Newcastle vera að komast aftur upp eftir skamma veru í Championship. Finnst þetta einfaldlega of stór klúbbur til að dvelja svona neðarlega, en það er víst ekki spurt að því. Félagið hefur að mörgu leyti verið eins og höfuðlaus her síðustu ár og því kannski ekki við miklum árangri eða stöðugleika að búast. Það er vonandi að breyting verði þar á ef liðið landar úrvalsdeildarsætinu. Líka gaman að fá aftur þessa einhverja dyggustu stuðningsmenn liðs í Englandi aftur á meðal þeirra bestu. Nú bíð ég bara eftir því að Leeds United nálgist úrvalsdeildina en frekar, þar er annar nokkuð stór og öflugur klúbbur sem mætti alveg komast á flug. Reikna svo sem ekkert með Brighton þarna upp næstu árin. Allavega ekki fyrr en við erum komnir á nýja leikvanginn.

Úrvalsdeildin blasir við Newcastle