Afleit frammistaða

Það hlaut að koma að því. Eftir 10 sigurleiki í röð kom tap í nótt gegn Bucks (Andri Hugo ætti að gleðjast). Jújú menn vinna ekki alla leiki en það er algjör óþarfi að fara að því eins og í nótt. Menn hittu ekki úr fyrstu 8 skotunum. Við skoruðum aðeins 34 stig í fyrri hálfleik.  Við gerðum 36 stig í síðasta leikhluti, sem nú skrambi gott en leikurinn var tapaður þegar þar að kom. Annar leikurinn í röð þar sem að Nash er ekki með flestar stoðsendingar, að þessu sinni var það Goran Dragic sem átti þær flestar, hann átti góðan leik 20 stig, Barbosa 21 og Stoudemire 22. Dragic og Barbosa komu inn af bekknum.

Ótrúlegt að í þessum leik voru 3 úr byrjunarliði Suns sem gerðu samtals aðeins 4 stig þrátt fyrir að hafa spilað í rúmlega 50 mínútur - hörmung.

Frí fram á miðvikudag þannig að kannski ná menn áttum, erfiðir leikir eftir. Athyglisvert að lið nr. 2, 3, 4 og 5 eru öll meðhlutfallið 50 - 27 (Dallas, Denver, Utah og Suns) - mögnuð spenna framundan um sæti. Síðustu 2 leikirnir gegn Denver heima og svo Utah úti - 5 leikie eftir áður en að þessu kemur eigum við Spurs og Rockets heima og Oklahoma úti.

Oklahoma í úrslitakeppnina

Athugasemdir

[Ólafur Guðmundsson, 4.4.2010 kl. 11:26]

Mogginn stendur enn við sitt. Hann er alltaf með að minnsta kosti eina villu í sínum fréttum um NBA. Hvaða lið er í ósköpunum „Seattle Sounders“? Þetta er ótrúleg villa og getur ekki flokkast sem innsláttarvilla. Liðið hét Supersonics þegar það var í Seattle.

Annars er þessi pakki alveg gífurlega spennandi. Ég vona svo sannarlega að mitt lið, Utah Jazz, taki þitt lið þegar þau mætast í síðasta leik.

[Gísli Foster Hjartarson, 4.4.2010 kl. 11:32]

Já ég spáði nú ekki einu sinni í þetta með Sounders,en Supersonics áttu nú frábært lið á sínum tíma. Já þetta er magnaður pakki en ég vonast að sjálfsögðu eftir 5 sigrum, sennilegast eins og þú - við sjáum hvað setur

[ari (IP-tala skráð) 4.4.2010 kl. 11:34]

Atlanta tekur þetta