Dæmigerðir Þjóðverjar!!!

Örugglega erfitt fyrir Ribery að vera Frakki en samt dæmigerður Þjóðverji!! Hef aldrei heyrt hann tala um Vidic sem týpískan Englending.

UEFA refsar ekki Ferguson

Athugasemdir

[Aðalsteinn (IP-tala skráð) 8.4.2010 kl. 16:18]

Alex er dæmigerður Ferguson ... (Massey!?)

[Prófessor Mambó (IP-tala skráð) 8.4.2010 kl. 16:34]

Fergusyni gamla er vorkunn og refsing fyrir þessi ummæli væri bjánaskapur. Ummælin eru samt svakalega heimskuleg. Það er slatti af þýskum leikmönnum í Bayern en helstu stjörnur liðsins eru frá Hollandi, Frakklandi, Grikklandi, Úkraínu, Króatíu, Tyrklandi, Ítalíu, Brasilíu og Austurríki. Þess utan er þjálfarinn Hollendingur.

Prófessorinn hefur alltaf haft gaman af gamla vískinefinu eftir tapleiki þegar karlinn fer yfirleitt með himinskautum.

[Bjarni (IP-tala skráð) 8.4.2010 kl. 16:37]

Frakkar og Þjóðverjar, sama skítapakkið!

Einhverjir hefðu nú fengið spjald fyrir það að byðja um spjald, en jæja skítt með það!

[Gísli Foster Hjartarson, 8.4.2010 kl. 17:39]

Já prófessor Mambó - ég hef nú líka gaman af sir Alex og stundum eru yfirlýsingar hans hin besta skemmtun, bæði eftir "góða" sigur- og svo tapleiki.

Get nú ekki sagt að Frakkar og ÞJóðverjar séu skítapakk Bjarni, en það sér þetta hver með sínum augum. Rétt eins og eflaust horfa sumir á Íslendinga svipuðum augum og þú gerir í garð þeirra.

[Prófessor Mambó (IP-tala skráð) 8.4.2010 kl. 17:59]

Helvíti er Bjarni brattur að kalla Þjóðverja og Frakka "skítapakk". Prófessorinn hefur búið og starfað í báðum þessum löndum og fólk í þessum löndum er upp til hópa frábært og gætum við mörlendingar margt af þeim lært. Prófessorinn hefur einnig búið í Englandi og þótt þar sé margan góðan manninn að finna er samt furðu drjúgur hluti Englendinga hreinræktað skítapakk.

Hvað varðar knattspyrnuna í þessum löndum hefur Þýskaland algjöra yfirburði. Þar sérð þú aldrei fulla knattspyrnumenn að lemja eða halda framhjá konunum sínum ásamt þvi að rata í alla ómögulega og mögulega skandala. Þar eru félögin í eigu stuðningsmannanna en ekki Tortóla skúffufyrirtækja eins og á Englandi. Þar kostar fjölskyldumiði 10 evrur en á Englandi kostar slíkur miði 70 evrur. Allar skuldir þýskra liða ná ekki að vera fimmtungur þess sem bara ManU skuldar og svona mætti áfram telja. Réttlætið sigrar að lokum og Þýskaland rúlar!

[Eiki S. (IP-tala skráð) 8.4.2010 kl. 20:58]

Vertu ekki að stressa þig á Bjarna, Prof. Mambó. Hann er dæmigerður sveitamaður frá Íslandi, sem hlaut menntun sína um meginlandið í gegnum enska boltann og Hotel fawlty towers :) Annars dæma þessi ummæli Fergie sig sjálf...

 Kv

[Gísli Foster Hjartarson, 8.4.2010 kl. 21:40]

Prófessor Mambó - þarna erum við að tala saman

[Bjarni (IP-tala skráð) 8.4.2010 kl. 23:58]

þó svo Frakkar og Þjóðverjar séu að mínu mati skítapakk þá hefur það ekkert með það að gera hvort íslendingar séu það eða ekki.

Svo kemur skuldastaða knattspyrnuliða mér barasta ekkert við enda er það ekki málið sem um ræðir heldur frammistaða leikmanna inni á vellinum miklu frekar. 

Þó svo Hótel Tindastóll hafi verið öndvegis sjónvarpsefni og gott dæmi um framúrskarandi breskan húmor þá frábið ég mér það að hafa lært um meginlandið af hnyttnum bröndurum um þýska þjóð þar.

Það er nú bara, án alls gríns, kjánalegt að það hafi farið fyrir brjóstið á mönnum að Ferguson hafi sagt "dæmigerðir Þjóðverjar", og að sektir hafi verið íhugaðar vegna þessara ummæla lýsir gríðarlegri viðkvæmni hjá mönnum. Viðbrögðin lýsa þó ef til vill því að það gæti verið nokkuð til í þessum orðum Skotans gamla!