Rafmagnað

Það er ég með á hreinu að vel flestir íbúar Stykkishólms mættu í vinnuna í morgun eins og duglegu fólki sæmir, en það er ég næsta viss um að þeim verður ekki mikið úr verki. Maður kannast við þetta héðan úr Eyjum þegar vel hefur gengið. Maður mætir til vinnu en er eins og höfuðlaus hæna og veit ekkert hvað maður á að gera af sér.

Þetta getur orðið stór dagur í sögu íþróttafélagsins sem og bæjarfélagsins. Menn hafa svo sem verið að koma með dollur reglulega vestur síðustu ár en sá stóri hefur ekki en fengið að prýða bikaraskápinn - kannski að það gerist eftir daginn í dag.

Vonast eftir góðum leik í kvöld og magnaðri baráttu og rafmagnaðri stemmningu. Sendi mína bestu strauma í Hólminn. - Áfram Snæfell

Fleiri áhorfendur en íbúafjöldi Stykkishólms?

Athugasemdir

[Gísli Sigurðsson, 26.4.2010 kl. 18:37]

Það er klárt að líkurnar eru með Snæfelli fyrir þennan leik, en við skulum nú ekki afskrifa Keflavík. En verði Snæfellingar meistarar í kvöld skal ég verða með þeim fyrstu til að óska þeim til hamingju með titilinn. En eins og ég hef bent á áður lentum við 2 - 0 undir í úrslitarimmu við ÍR fyrir 2 eða 3 árum en unnum þá 3 - 2, þannig að það er ekkert öruggt enn sem komið er. Áfram Keflavík.