Búinn í bili

Bíll og stétt fyrir utan orðnar hreinar í bili . Svo sjáum við með restina á húsinu á morgun verðum að sjá hvað þetta gerir í nótt. Menn og konur hér í Fjólugötunni búin að vera dugleg að hreinsa bíla, hús, stéttar og sumir líka þök í kvöld. Maður skynjar svo miklu miklu betur nú hvað fólkið undir fjöllunum er búið að vera í ganga í gegnum núna heldur en maður gerði - viðbjóður er sennilega ekki einu sinni nógu sterkt orð til að lýsa þessu. Sem betur fer rigndi hér með þessu þannig að þetta settist til fljótt og hér er eins og ekki svo oft áður logn.

Ekki líst mér á að menn ætli að spila hér fótboltaleik á morgun, ég myndi blása hann af nú þegar ef ég fengi einhverju ráðið. Það spáir norð-austan átt á morgun og því gæti falið hér aska á morgun og þá er ég hræddur um að menn komist ekki hingað né að það sé nokkuð vit í að ætla í kjölfarið að spila á sunnudaginn, en þetta er bara mín skoðun.

Það passaði í dag að blogga um þá hönd sem haldið hafði okkur frá mekkinum þangað til í dag að þá skall þetta á. LÆt hérna nokkrar myndir fylgja með sem teknar voru af Fjólugötunni í dag. - myndin af diskinum er tekin eftir að hann var 5 mínútur úti á stétt. Svo er þarn ein mynd tekin yfir bæinn á sama stað við allt aðrar aðstæður en því miður að kvöldi til en ég held að fólk gerir sér vel grein fyrir þessu.

 

 

 

 

 

 

 

 

 

 

 

 

 

 

 

 

 

 

 

 

 

Askan spúluð af bílum

Athugasemdir

[Ybbar gogg (IP-tala skráð) 14.5.2010 kl. 22:02]

Hvort smúla menn eða spúla í Eyjum? Er sjálfur vanur að spúla, veit að Suðurnesjamenn smúla en hvernig er þetta orðað í Eyjum?

[Gísli Foster Hjartarson, 14.5.2010 kl. 22:45]

Það fer alveg eftir því við hvern þu talar - bæði orðin notuð eftir því er ég best veit.

[Gísli Sigurðsson, 16.5.2010 kl. 14:32]

Ég er Suðurnesjamaður og hef alltaf vanist því að maður smúli, og þess vegna hefur mér alltaf fundist skrýtið að sjá þetta orð spúla.