Í og úr skónum!!!

Þetta er náttúruelga en ein flækjan þarna á hinu háa Alþingi. Voru menn ekki í gær að leggja drög að því hvernig ætti að vinna út þingið svo menn kæmust í sumarfrí? Svo byrja menn nokkru síðar með hróp og köll og biðja um hitt og þetta á dagskrá. Mín vegna má alveg stytta sumarfríið hjá þessu fólki og leyfa því vinna áfram.

Ég er nú svo grillaður að ég vil halda áfram með þetta ESB ferli og sjá hvað gerist. Menn þurfa ekki að fara að grenja þó einhver nefni eitthvað sem að menn þurfa að takast á við. Menn hljóta að ræða málin og sjá hversu vel mönnum verður ágengt o gég treysti því fólk sem fengið var til starfans til að leggja sig fram við að ná fram besta mögulega samningi. Svo er það bara þjóðarinnar að meta. Ég veit ekki hvað öðrum finnst en ég held að tækifærin þarna séu fleiri heldur en gallarnir.

Mér sýnist alltaf betur og betur að við ætlum ekki að ná að fóta okkur á eigin fótum. Aðild að ESB gæti hjálpað okkur og einnig er spurning hvort að menn sjái sér hagi í því að fá að vera bara partur af Noregi.

 

Vilja ESB-málið á dagskrá

Athugasemdir

[Vendetta, 16.6.2010 kl. 14:12]

"Svo er það bara þjóðarinnar að meta."

Það er einmitt meinið. Þjóðin fær ekkert um þetta að segja. Þegar samþykkt var með naumum meirihluta árið 2009 að sækja um aðild að ESB, gerði ríkisstjórnin þjóðinni það ljóst að niðurstöður þjóðaratkvæðagreiðslu um að samþykkja aðildarsamninginn þegar hann lægi fyrir væri ekki bindandi og stjórnin þyrfti þar af leiðandi ekkert að taka mark á þeim 60% þjóðarinnar sem munu sennilega segja nei. Manstu ekki eftir, því að tilaga stjórnarandstöðunnar um að gera niðurstöður þjóðaratkvæðagreiðslunnar um málið bindandi, var felld?

[Gísli Foster Hjartarson, 16.6.2010 kl. 16:25]

Sýnist nú eins og staðan er að ríkisstjórnin hafi ekki meirihluta í þessu máli ef að þeir ætli að vera einráðir, ja allavega eins og staðan er núna. En þetta er náttúruelga allt mjög óljóst þar sem menn eru varla byrjaðir að karpa um málið. Þú verður líka að gera þér grein fyrir að þessar spurningar um hvort að maður segji já eða nei eru náttúrulega ekki alveg í lagi. Hvaða forsendur hafa menn eiginelga til að taka ákvörðun? Jú eitthvað fyrirfram mótað. Menn vita ekkert hvað verður í boði. Hvorki ég né aðrir. Ég vil láta reyna á og sjá hvað við fáum, fullt af öðru fólki vill það ekki.

[Vendetta, 16.6.2010 kl. 17:29]

Þar skjátlast þér. Þjóðaratkvæðagreiðslan fer ekki fram fyrr en  aðildarsamningurinn liggur fyrir og hann hefur verið lagður fram til samþykkis á Alþingi, sennilega árið 2013-2014. Ef meirihluti Alþingis samþykkir samninginn, þá verður þjóðin látin kjósa um hann í þjóðaratkvæðagreiðslu. Þegar þá verður komið sögu munu allflestir kjósendur alveg hafa á hreinu um hvað þeir eru að kjósa.

Svo er það mjög æskilegt að hver og einn geti skilið að hismið frá kjarnanum, sannleikann frá lyginni og hlutdrægan áróður frá hlutlausum upplýsingum. 

[Frekna, 16.6.2010 kl. 22:10]

hvernig á hver og einn að getað skilið hismið frá kjarnanum og sannleikann frá lyginni...

að öllum líkindum myndi ég setja x við nei eingöngu vegna þess að ég fæ ekki séð í hendi mér að ég gæti tekið upplýsta ákvörðun...

þetta eru svo yfirgripsmiklir samningar sem fela svo yfirgengilega margt í sér að það er örugglega til að æra óstöðugan að reyna að skilja hvað í honum fellst...

[Gísli Foster Hjartarson, 17.6.2010 kl. 08:42]

Nákvæmlega Vendetta þegar þar að kemur munu allflestir kjósendur hafa á hreinu hvað þeir eru að fara ða kjósa um. sú staða er ekki upp í dag. Það veit engin hvað er verið að segja nei eða já við á þessari stundu, ekki einu sinni þingmenn.

[Vendetta, 17.6.2010 kl. 11:48]

Það er rétt, Gísli. Þannig er það með samninga, sem enn ekki hafa verið gerðir. Hins vegar þekkja menn mætavel strúktúr ESB og hvernig reglugerðir og tilskipanir ESB hafa forgang fram yfir lög aðildaríkjanna. Sama gildir um dómstólinn sem sker úr um málefni aðildaríkjanna, hann er æðri hæstaréttum aðildaldaríkjanna. Það er velþekkt, hvaða áhrif aðild hefur haft í ríkjunum 27.

Einnig er vert að skoða hvaða skilyrðum ný aðildaríki verða að hlíta til að fá aðild, þau eru strangari en skilyrði eldri aðildaríkja, einfaldlega vegna þess að fleiri sáttmálar hafa verið samþykktir síðan. Þess ber að gæta, að Evrópusambandið er ekki það sama og Efnahagsbandalag Evrópu (EBE) sem var viðskipta- og tollabandalag og ágætt að því leyti til, þótt það hafi virkað mjög illa að sumu leyti (offramleiðsla og spilling). Með Maastricht-sáttmálanum var ESB orðið að raunveruleika, yfirþjóðleg stofnun, sem gat skipt sér af innanlandsmálum aðildarríkjanna, sem vakti mikinn óhug. Því að gamla EBE hafði einungis eitthvað að segja um hluti sem hafði eitthvað með milliríkjaviðskipti aðildarríkjanna að gera.

Ég vil nefna hér sex atriði af mörgum sem munu verða ef Ísland fær aðild að ESB:

1. Fiskveiðistjórn á Íslandsmiðum færist alfarið til Bruxelles, þrátt fyrir blekkingar Össurs í þeim efnum. Öll aðildarríkin, sem stunda sjósókn (t.d. Danmörk, Bretland, Þýzkaland, Spánn, Portúgal) fá þá ákveðinn kvóta á Íslandsmiðum á móti íslenzkum útgerðarmönnum.
2. Allar niðurgreiðslur til landbúnaðarins eða annarra fyrirtækja frá íslenzka ríkinu verða bannaðar með lögum. Í staðinn koma niðurgreiðslur frá ESB. Ekki er vitað hvort niðurgreiðslurnar verði minni eða meiri, en sennilega kemur með krafa um meiri skilvirkni. Íslenzkir mjólkurkvótar verða líka settir til sölu í ESB.
3. Þróunarsjóður er til í ESB til að styrkja svæði innan sambandsins, sem eru óþróuð eða komin í niðurníðslu. Þau byggðarlög á Íslandi sem eru í mestri neyð hvað varðar samgöngur og atvinnuvegauppbyggingu eiga rétt á styrk frá þessum sjóði.
4. Allar tilskipanir frá Bruxelles verða sjálfkrafa að lögum á Íslandi. Skiptir þá engu hvort meirihluti Alþingis sé á móti eða ekki. Íslenzka ríkisstjórnin getur ekki farið fram á neinar breytingar á reglugerðum ESB (gegnum atbeina ráðherraráðanna) nema að fá með sér amk. þrjú önnur lönd sem verða að hafa íbúatölu, sem er amk. 35% af öllum íbúum sambandsríkjanna, sem eru alls 495 milljónir. Þ.e.a.s. neitunarvald einstakra ríkja hefur verið afnumið.
5. Gert er ráð fyrir að Ísland fái í mesta lagi 3 þingmenn á þingið í Strasbourg (af 736 alls, fækkar eftir 2014). Allir þingmenn vinna í hóp með öðrum þingmönnum eftir pólítískri stefnu og þeim er bannað að vinna með sérhagsmuni sinna eigin landa fyrir augum. Þannig að meirihluti Alþingis má ekki skipta sér af störfum þessara þriggja íslenzkra þingmanna. Áhrif Íslands verða þar með sama sem núll.
6. Aðild Íslands að evrunni mun ekki verða möguleg í fjöldamörg ár eftir að hafa fengið aðild að ESB, því að efnahagsleg skilyrði eru ekki fyrir hendi. Þar má nefna fjárlagahalla og skuldastöðu ríkisins, stöðugleika krónunnar eftir að gjaldeyrishöftin verða tekin af. Ef aðild fæst 2014, munu skilyrðin sennilega ekki verða uppfyllt fyrr en um 10 árum síðar.

Þetta er bara brot af öllu því sem mun verða. Margt annað gæti ég nefnt, en bíð með það. Þetta sem ég nefndi er sumt af því sem er neikvætt (nema liður 3) og það sem Samfylkingin vill ekki að íslenzkir kjósendur fái að vita. Hins vegar munu áróðursmeistarar flokksins mála ljósbleika mynd af sambandinu og aðeins draga fram það jákvæða, en sleppa hinu. Þess ber að geta, að við aðild munu Íslendingar ekki fá nein sérákvæði, nema hvað þeir geta hafnað hernaðarsamstarfi, sem á ekki við. Við aðild skuldbindur Alþingi og allar íslenzkar stofnanir sig til að fylgja Lissabon-sáttmálanum og öllum sáttmálum sem hugsanlega verða fram að aðild.

Svo er ekki óhugsandi, að Evrópusinnar álíti að það sem þeim finnst kostir við aðild vegi þyngra en ókostirnir. Hins vegar verður allt að vera uppi á borðinu. Fáfræði er engin afsökun og hvet ég alla landsmenn til að kynna sér pólítískar umræður sem eru í gangi í aðildarlöndunum um ESB til að geta séð málið frá báðum hliðum. Athugið, að það er andstaða gegn ESB í öllum löndum og ástæður hægrisinnaðra ESB-andstæðinga eru yfirleitt allt aðrar en ástæður vinstrisinna. Þess vegna er brýnt að ESB-andstæðingar séu ekki allir settir í sama bás.

[Gísli Foster Hjartarson, 17.6.2010 kl. 14:20]

Takk fyrir þetta - vistaði þetta í wordskjal hjá mér til að geta gluggað í þegar fram líða stundir. En mikið af þessu er þú nefnir eru eins og þú segir þokkalega kunnugar staðreyndir. Hverju við fáum áorkað í t.d. lið 1 á eftir að koma í ljós, sem og annað.

EN takk fyrir pistilinn - góðar stundir