Heyr, heyr

Gott að heyra að Einar K. hefur farið réttu megin fram úr að þessu sinni. Hvað verður nefnilega um þessa djöfuls kvöð sem verðtryggingin er. Þvílíkur baggi sem hún nú er. verður forvitnilegt að sjá framhaldið og hvenær reiði almennings mun endanlega bresta eins og Einar segir. Það er búið að taka megnið af þjóðinni í ra...... svo árum skiptir og kominn tími á að fara að komast í hóp siðmenntaðra þjóða er það ekki?

„Hvað með fólkið með verðtrygginguna?“

Athugasemdir

[Arnar (IP-tala skráð) 21.6.2010 kl. 11:38]

Það liggur alla vega fyrir að nú á að verðlauna þá sem sýndu enga fyrirhyggju og tóku botlausar áhættur. Þeir sem ekki drekktu sér í skuldum fá ekki neitt.

[Björn Finnbogason, 21.6.2010 kl. 11:55]

Fá ekki neitt!!! HALLÓ snýst ekkert um það heldur að leiðrétta hluti. Aldrei þótt mikið að skulda hálfan bíl t.d. en þegar skuldin 2-3faldast er eitthvað vitlaust.

[Guðborg Eyjólfsdóttir, 21.6.2010 kl. 11:58]

Er alveg sammála Einari með þetta, ég yrði öskuill ef ég væri með verðtryggð lán sem eru búin að hækka um veit ekki hvað mikið á síðustu 2 árum, en þau eru samt ekki buín að hækka um 150% eins og erlendu lánin sem fólk tók í góðri trú um að þetta yrði bara eins og það var búið að vera mörg ár aftur í tímann 15-20 % flökt á krónunni fram og til baka.  En nei þessir útrásarhálvitar gerðu þetta vísvitandi að eyðileggja íslensku krónuna.

[Björn (IP-tala skráð) 21.6.2010 kl. 12:04]

Einar segir ljóst að dómur Hæstaréttar muni greiða úr vanda margra sem sé vel en um leið muni hann „magna upp gríðarlega reiði, ef sá hluti almennings sem er að sligast undan verðtryggingunni, fær ekki ámóta leiðréttingu.

Hvaða djöfulsins rugl er þetta, ekki var mikil reiði í þjóðfélaginu þegar Geir Haarde og hans ríkisstjórn tryggði allar innistæður án lagaheimildar og skuldsetti þannig ríkið um 1100 milljarða.  Þarna er þó verið að framfylgja niðurstöðum hæstaréttar og er upphæðin mun mun lægri eða rétt rúmlega 100 milljarðar.  Og vil ég mynna á að 5% af fjármagnseigendum á 80 til 90% af öllu þessu fjármagni sem ríkið ábyrgðist.  Og í einhverjum tilfellum eru þetta bankamenn sem áttu þátt í að koma þjóðinni í þá stöðu sem hún er í dag.

Ef ríkisstjórn Geirs hefði ekki gert þetta þá hefði krónan ekki veikst eins mikið og hún gerði og skuldarar með verðtryggð lán væru í miklu betri stöðu.

Hvar var Einar þegar þessum misrétti var beitt??  Er hann kannski einn af fjármagnseigendunum og er með verðtryggt húsnæðislán.

[Þröstur (IP-tala skráð) 21.6.2010 kl. 12:14]

Arnar !

Þetta viðhorf þitt endurspeglar eitt af aðalvandamálum íslenskt samfélags. Lánin voru ólögleg og að sjálfsögðu skulu þau vera leiðrétt  Hvaða máli skiptir hver tók lánin, afhverju þarf alltaf að vera sami söngurinn ef þú færð þá vill ég líka. Það er ekki verið að verðlauna neinn það er verið að leiðrétta ólöglegan gjörning sem stór hluti þjóðarinnar lenti .

[A.L.F, 21.6.2010 kl. 12:23]

Alveg er þetta viðhorf óskiljanlegt!

Þú kvartar undan því að ekkert sé gert fyrir þá með verðtryggðulánin sem þó ósiðleg séu er lögleg. og lesa má úr skrifum þínum að þér liði betur ef ekkert væri gert fyrir þá sem eru með gengistryggð lán.

Markaðurinn getur ekki lifnað við nema ólöglegulánin verði leiðrétt, það græða því allir á því að lánin hafi verið dæmd ólögleg.

Áttið ykkur svo á því að fólk hefur verið að borga af gegnislánunum sviminháar upphæðir síðan 2008, mikið hærra en þið nokkur tímann.

[Arnar (IP-tala skráð) 21.6.2010 kl. 13:12]

Sæll Þröstur

Í athugasemd minni er ég ekki eingöngu að vitna til þeirra sem tóku gengistryggð lán, enda er stöðug umræða í gangi um að fella eigi hluta af öðrum skuldum niður einnig til að "leiðrétta" einhvern meintan forsendubrest.

Gott og vel. Þar sem bankarnir eru að stærstum hluta í ríkiseigu eru allar slíkar leiðréttingar í eðli sínu fólgnar í því að úthluta verðmætum úr okkar sameiginlegu sjóðum til þeirra sem hafa hvað mest skuldsett sig á undanförnum árum, þeir sem ekki hafa skuldsett sig eru ekki að fá neitt úr sameiginlegu sjóðunum. Það að fá eitthvað fyrir tiltekna hegðun er það sem ég kalla verðlaun í þessu samhengi, hegðunin sem er verið að verðlauna er það að drekkja sér í skuldum. Hér er eingöngu verið að rifja upp grundvallarhugmyndir bæði hag- og sálfræðinnar, flóknara er það nú ekki.

Nú er það allt annað mál hvað telst vera réttlæti, þar er mun flóknara hugtak á ferðinni en ég notaði í minni stuttu færslu að ofan, ég er eingögnu að benda á það hvaða hegðun er verið að styrkja um þessar mundir.

[Þröstur (IP-tala skráð) 21.6.2010 kl. 13:50]

Arnar !

Þú verður að fyrirgefa en ég hef sjaldan heyrt annað eins bull. Þú ert að segja að skuldir landsmanna séu fengnar úr einhverjum sameiginlegum sjóðum sem öll þjóðin á.  Hvar hefur þú verið vinur  ?

Og svo er enginn að fá eitthvað aukalega það er verið að laga skuldina sem viðkomandi fékk, þetta er eitthvað sem viðkomandi er búinn að borga of mikið af láni eða þá að höfuðstólinn er færður í eðlilegt horf.

Fólk sem tók þessi lán var að forðast verðtrygginguna því hún er algjörlega ósanngjörn það sá enginn það fyrir að þvílíkt gengisfall yrði og því var ekki um meiri áhættu að ræða en verðtryggð lán ef ekki hefði komið fyrir annað eins hrun á krónunni og raun varð á , sást þú það fyrir ?

Ég vona að tekið verði á verðtryggingunni líka því ég er með þannig lán á húsinu en ég samgleðst innilega þeim sem  hugsanlega fái leiðrétt sín gengislán því allar góðar fréttir eru hænuskref í rétta átt.

Einnig er vert að benda á að  Landsbankinn er eini sem er ríkisbanki hina er búið að einkavæða aftur munurinn er að núna hefur maður ekki hugmynd um hver á þá.

Og ekki vera svo barnalegur að halda því fram að það sem ríkið á sé í eigu þjóðarinnar, lýður þér þannig ? Ekki mér.

[Aðalsteinn Agnarsson, 21.6.2010 kl. 18:04]

Er alt komið upp í loft hjá ykkur.

[Gísli Foster Hjartarson, 21.6.2010 kl. 21:10]

Það er nú málið Þröstur maður vonar auðvitað að tekið verði á öllum þessum málum. Hvernig þetta þráoast næstu daga og vikur verður forvitnilegt að sjá.