Að kenna gömlum hundi.....

Er svo sem alveg sammála sir ALex um þetta vetrarfrí, löngu kominn tími á að menn endurskoði afstöðu sína í þessum málum hjá enska sambandinu. Leikjatörnin yfir jolin er gríðarlega erfið, en menn hafa löngum horft á að hún gefur góða aðsókn en það eru breyttir tímar. AÐsókn á leiki í Englandi er ekki lengur aðeins háð innlendum sparkáhugamönnum því stórt hlutfall áhorfenda á ákveðnum völlum eru túristar. Í raun væri gaman að sjá tölur yfir þetta. Þetta eru örugglega einhver þúsund í hverri umferð í úrvalsdeildinni. En auðvitað er úrvalsdeildin ekki eina deildin í Englandi.

Landslið Englands og árangur þess er svo efni í langan umræðuþátt. Árangurinn Heimsmeistarar fyrir 44 árum komust í undanúrslit á HM fyrir 20 árum, annars er bara lítið að frétta! Þjóðin hefur ekki einu sinni orðið Evrópumeistari sem verður að teljast sérstakt í því ljósi hversu stór þjóðin er og hversu sterk knattspyrnuhefðin í landinu er, sem og styrkur félagsliða þar í gegnum tíðina.

Ferguson: England þarf vetrarfrí

Athugasemdir

[þórarinn (IP-tala skráð) 22.7.2010 kl. 02:33]

þetta er náttlega spurning. það eru tvær hliðar á þessu eins og flestu, ferguson hefur eitthvað til síns máls en... það eru fleiri en bara englendingar í ensku deildunum og þeir útlendingar í ensku úrvalsdeildinni hvernig stóðu þeir sig á HM? þetta er ekki bara ensku deildinni eða þ.e. leikjafyrirkomulaginu um að kenna. tökum dæmi með ítalíu þeir drulluðu líka upp á bak og ítalska liðið rétt eins og það enska var aðeins skipað mönnum frá ítölsku deildinni. hvernig er törnin á ítalíu? er hún jafn erfið eins og á englandi? og er þessvegna árangur þeirra sambærilegur? þjóðverjar komust langt og þeirra lið var aðeins skipað mönnum úr bundesliga. er eitthvað sem þeir gera öðruvísi? eða hvað þá spánverjar þeirra lið er nánast allt úr spænsku deildinni nema torres, reina og fabregas, veit ekki með fleiri. ég veit þó að það er tekin smá pása á spáni yfir jólin í deildinni þar en við erum bara að tala um eina eða tvær vikur svo að það er næstum engin pása. í mínum huga er þetta þjálfunin á leikmönnunum tja eða hreinlega að enska ítalska og sú þýska séu meira "physical" heldur en á spáni sem reynir þar af leiðandi meira á líkamann og útheimtir meira þol og annað og þess vegna voru spánverjarnir afslappaðri og frískari á HM. veit það ekki, þetta er pæling. en aftur á móti þá kom það í ljós að spánverjarnir eru klárlega tæknilegasta liðið og þar kemur reitarboltinn sterkur inn, þeir hljóta að fæðast í reitarbolta á spáni þvílík tækni og yfirvegun. góðar stundir.