Að meika það

Nú hleðst pressan upp í kringum Man. City. Miljónatugum punda hefur verið hent í kistur hinna og þessara liða og leikmenn komnir með svo bólgin veski að þeir eru komnir með aðstoðarmenn við að reyna að loka þeim!!! Samt er það svo að liðið er en í mótun, mikið um ný andlit og eina tungumálið sem allir þarna skilja er fótbolti. það er því mikið verk óunnið hjá félaginu og í raun kannski ekki raunhæft að reikna með neinni dollu í hús fyrr en á þar næsta tímabili en ég er nokkuð viss um að biðlundin eftir titlum hjá Mancini verður ekki endilega svo löng.

Markmið vetrarins hlýtur að vera að ná í sæti sem tryggir keppnisrétt í Meistaradeild Evrópu, því gætu menn vel náð, ef miðað er við hvernig gekk á síðustu leiktíð. EN til þess að menn  geti gert tilkall til sætis eins og þess er tryggir sæti í keppni þeirra bestu í Evrópu verða menn að leggja lið eins og Liverpool. Því er þessi leikur mikil prófraun á City liðið. Þeir gerðu engar rósir á White Hart Lane um síðsutu helgi, nema Joe Hart, en nú verður eitthvað meira að springa út en hann ef ekki á illa að fara.

Enn eitt jafntefli City og Liverpool?

Athugasemdir

[Guðmundur St Ragnarsson, 23.8.2010 kl. 16:52]

Man. City verða klárlega (allir fótboltamenn nota þetta orð, klárlega, reyndar í óhófi og þess vegna skal það notað) í toppbaráttunni en klárlega fyrir neðan Liverpool.

Góðar stundir.

[Eric Cantona (IP-tala skráð) 23.8.2010 kl. 17:28]

Þú kemur klárlega fram í óhófi.

Leeds United er liðið!