Báðar hliðar á peningnum

Þessi leikur var eiginlega svona bæáðar hliðarnar á peningnum. Frábær fyrri, slakari seinni en  kannski engin hörmung og í raun alveg hátíð miðað við leikinn gegn smáþjóðinni um daginn. Gamana ðsjá þessa ungu fersku stráka leggja sig fram af fullum krafti - gríðarleg efni þar á ferð. Gaman líka að sjá menn eins og Heiðar Helguson, sem virðist vera svona ódauðlegur leikmaður. Gulli fínn í markinu að vanda en átti náttúrulega ekki séns þegar 3ja metra sláninn, sem tók geðveiku tæklinguna Hangeland - eða hvernig sem þetta er skrifað, skoraði með skalla.

 Þrátt fyrir tap þá er þessi leikur 3 þrep upp á við frá síðasta leik og nú er að vona að liðið komi vel stemmt til Kaupmannahafnar og eigi góðan leik þar.

...svolítið kvikindislegt ílokin en það var gaman að heyra hvað bæði Sölvi Geir og Veigar Páll virkuðu "málhaltir" í viðtalinu á RÚV eftir leik

Norðmenn svöruðu tvisvar og unnu 2:1

Athugasemdir

[Jóli (IP-tala skráð) 3.9.2010 kl. 21:40]

Þessir menn hafa alltaf verið málhaltir, enda stíga þeir flestirekki í vitið.

[Halldór Jóhannsson, 3.9.2010 kl. 22:02]

Sá bara síðustu fimm og viðtölin,jú málhaltir voru þeir blessaðir:)

Pétur M og Auðunn töluðu um lélegt Norskt lið,en hvað þá með okkur,töpuðum við ekki???????

En gott að þeir sýndu meiri lit en á móti smáríkinu:)

Þori ekki að skrifa meir um það:)

[Gísli Foster Hjartarson, 3.9.2010 kl. 22:32]

Já menn eru búnir að tönglast á því, landsliðsþjálfarinn t.d., að norðmenn séu ekkert betri en við og svo framvegis menn tala um að norðmenn séu slakir en eins og þú segir Halldór þá töpuðum við það hlýtur að segja eitthvað, eða á slík gagnrýni aldrei rétt á sér þegar eitthvað er íslenskt?

Jóli mennirnir eru eins misjafnir og þeir eru margir.

[Óskar Þorkelsson, 4.9.2010 kl. 06:30]

að tapa fyrir noregi í fótbolta er eðlilegt.. að tapa fyrir noregi í handbolta er disaster.

btw norska efsta deildin er nokkrum þrepum fyrir ofan íslensku efstu deildina.

málhelti Veigars Páls má eflaust rekja til langra veru hér í noregi, þegar hann kemur í viðtölum hérna í noregi þá talar hann fljótandi norsku án nokkrurs hiks.. 

[Óskar Þorkelsson, 4.9.2010 kl. 06:31]

það má einnig bæta því við að þetta norska lið er sennilega það lélegasta sem norðmenn hafa haft í 20 ár.. en þeir eru að byggja upp nýtt lið þessa stundina.

[Gísli Foster Hjartarson, 4.9.2010 kl. 08:40]

Óskar - fannst þetta ekkert neikvætt svo sem um hvernig Veigar Páll og Sölvi töluðu bara greinilegt að þeir eru alveg komnir inn í Skandinavíu-talandann og eins og þú segir með flæðið í talanda Veigars Páls þá var það einmitt svona norsk - gaman að heyra það en orðin komu vitlaust beygð og bjöguð og setningar með skrýtinni orðaröð, en báðir eru þeir náttúruelga búnir að dvelja mikið erlendis og greinilega meðtækilegir fyrir umhverfi sínu þar.

En aftur á móti þetta tap er ekki gott, tala nú ekki um eþgar maður sér að ekki einu sinni norðmenn eru með liðið sitt hátt skrifað. Ég hef nú sagt að íslenska deildin er ein af 5 slökustu efstu deildum í Evrópu, hugsa að það sé rétt, norska deildin er mun ofar.

[Júlíus Valdimar Finnbogason, 4.9.2010 kl. 09:24]

Gísli - Það er ótrúlegt hvað manns eigið mál bjagast í talanda þegar maður býr erlendis. Mér fannst þetta kjánalegt þegar ég var yngri en þetta gerist ósjálfrátt og þú sem einstaklingur þarf að vera gífurlega meðvitaður um þetta til að þetta gerist ekki sem nota bene fæstir eru.

 Hef sjálfur búið í 4 löndum utan Íslands og lengst af í Noregi eða tæp 5 ár og ég stend mig að því að tala vitlaust en reyni að leiðrétta það en stundum gleymist það. 

Þetta er sennilega tilkomið að því að ég eyði 95% af mínum tíma með Norðmönnum. Ég bý í Noregi og aðlaga mig því viðkomandi samfélagi annað en flestir Íslendingar hérna ytra sem halda sig í hópu. 

Svona eins og Pólverjarnir, Tælendingarnir og fleiri sem við Íslendingar á fróni gagnrýnum útlendinga fyrir. Við gerum slíkt hið sama og þannig er þetta. 

En ég sá ekki leikinn, hefði litið á jafntefli sem sigur fyrir íslenskan bolta enda finnst mér íslenska liðið ekki gott og Óli er að mínu mati vonlaus stjóri. 

[Gísli Foster Hjartarson, 4.9.2010 kl. 16:33]

Sæll Júlíus Valdimar  get tekið heilshugar undir þetta með þér með að þetta bjagast þegar maður býr erlendis, tek líka undir að manni fannst þetta bjánalegt þegar maður var yngri, og eyðir tímanum með útlendingum og engum öðrum. Maður stillir sig einhvern veginn þannig af. Ekkert óeðlilegt við það geri ég ráð fyrir maður hefur staðið sjálfan sig ag heimskulegri hlutum.  Enda setti é gþetta nú frekar fram sem grín en eitthvað annað. Bestu kveðjur til Noregs