Gaman að sjá.....

...Perluna bundna við bryggju hér inni í Friðarhöfn - NOT

Vonandi rofar þá hressilega til á næstu klukkustundum svo hægt verði að taka aðeins til hendinni. Menn nái að opna. Svo verða menn að vera á tánum varðandi dælingu.

Best finnst mér þó að heyra jarðgangna menn skríða úr holum sínum þessa dagana. gaman að heyra í þeim á ný. Ég var eiginlega búinn að gleyma þeim og þeirra hugmyndum, en það var nú kannski bara af því að ég tel það algjörlega ótækt að fara að leggja í að reyna við jarðgöng á þessum stað á jarðskorpunni sem við erum stödd - þá held ég nú svei mér þá að Landeyjahöfn hafi verið mun betri kostur (án þess að minnast á kostnaðinn). Vandamálið verður eins og menn vissu að halda höfninni opinni, þ.e.a.s. hversu reglulega þarf að dæla á svæðinu.

Langar reyndar að spyrja fólk að einu. Nú hafa menn verið að segja hér og þar að ríkjandi áttir í Eyjum séu suðvestlægar og vestlægar (jafnvel sunnan). Nú hef ég alla tíð haldið því fram að suðaustan og austan áttirnir væru ríkjandi hér. Gaman væri að sjá úttekt á þessu. er einhver sem hefur gögn í höndunum til þess að fræða mann á þessu?

Dýpkun ætti að ganga vel

Athugasemdir

[GAZZI11, 14.9.2010 kl. 17:42]

Er ekki alltaf humátt þarna eða beint af nefi. SA átt hefur verið rikjandi þarna í yfir 1300 ár. Herjólfsbærinn sem var grafinn upp í Herjólfsdal sannar það og var hann byggður þannig að hann stæðist SA áttina, þannig að menn þekktu vel til staðhátta og vinda. Þú hlýtur að geta rölt upp á Stórhöfða og spjallað við Óskar.

Siglingar mál og vegagerð hafa væntanlega ekki reiknað með að óhagstæðar áttir væru til við Vestmannaeyjar.  Rokrassgat helvítis eins og einhver veðurfréttamaður sagði. Hefðu betur átt að hafa samband við Vestmannaeyjinga á Stórhöfða.

Annars hefði verið betra að sjá stóskipahöfn við Eiðið og nýjan hraðskreiðan Herjólf sigla þeim megin, sem hefði stytt siglinguna. Miklu miklu betri kostur og öruggari og ódýrari.    

[Guðmundur (IP-tala skráð) 14.9.2010 kl. 17:47]

Ég er einn af þeim sem fylgst hafa með þessari hafnargerð af áhuga. Tel hana vera skynsamasta kostinn í bættum samgöngum til og frá Eyjum. Þetta er dýr kostur og verður það. Jarðgöng koma ekki til greina að mínu mati og stærri og hraðskreiðari ferja til Þorlákshafnar hefði ekki bætt samgöngur svo neinu nemur. Kannski hefði verið hægt að hafa 3 ferðir á dag í stað tveggja en með ferju til Landeyjahafnar er hægt að hafa miklu tíðari ferðir og það er það sem Eyjamenn vildu. Vona því að það takist að koma einhverjum skikk á dýpið í Landeyjahöfninni.

[Guðrún Markúsdóttir, 14.9.2010 kl. 18:16]

Ég hef einmitt verið að undrast þessar yfirlýsingar um ríkjandi vestanáttir hér. Það gerðist reyndar í síðasta eldgosi að þá kom óvænt ,,ríkjandi" vestanátt í nokkra daga, og það dugði til að halda öskunni frá okkur hérna vestan jökla. En það var bara í nokkra daga. Flesta hina dagana af minni næstum 50 ára ævi hefur verið ríkjandi suðaustan átt hér á þessu svæði. Það sést vel ef maður gróðursetur tré að það hallar sér undan þeirri átt.

[Vigfús Eyjólfsson (IP-tala skráð) 14.9.2010 kl. 20:49]

Samkvæmt grafinu á bls 8 i þessari skýrslu http://www.sigling.is/lisalib/getfile.aspx?itemid=5113

er SA átt ríkjandi í Bakkafjöru en A átt sárasjaldgæf. Voru þeir ekki að tala um að það hafi verið A átt þar í nokkra daga sem hafi borið sandinn með ströndinni? Það ætti að vera mjög sjaldgæfar aðstæður miðað við vindrósina.

[Sigurður Haraldsson, 15.9.2010 kl. 00:01]

Alltaf að reikna með því versta því það góða skaðar ekki!

Varðandi höfnina þá verður hægt að notast við aðstöðuna með því að kaupa næsta skip sem svifnökkva!

[Ragna Birgisdóttir (IP-tala skráð) 15.9.2010 kl. 09:17]

Er þetta ekki sanddæluskip? Skiptir nokkru máli þótt að það sé staðsett í Landeyjahöfn frekar en einhversstaðar? Um allt land eru svona skip við sömu vinnu þ.e. að dæla sandi úr höfnum.Man þá tíð að gamli sanddælupramminn okkar Eyjamanna var hér í höfninni að dýpka.

[Gísli Foster Hjartarson, 15.9.2010 kl. 09:18]

GAZZI111 - Ég veit ekki með stórskipahöfn og hraðskreiðari Herjólf. Jú við Eyjamenn hefðum eflaust margir sætt okkur við nýjan hraðskreiðari Herjólf. En það eru ansi margir sem setja þessa löngu siglingu fyrir sig. Það virðist vera að þear sigling er orðinn meiri en segjum 90 mín þá er hún orðinn löng og fráhrindandi fyrir þá sem ekki eru sjóhraustir og það hefur haldið mörgum frá því að kíkja í Eyjar út nema í neyð. Í mínum huga var það lykillinn í þessum breytingum þ.e.a.s. siginatíminn.

Já Guðrún við erum sammála um þetta með skilningsleysi varðandi þetta en mér hefur verið sagt að þingmenn og ráðamenn í Eyjum hafi haldið örðum vindáttum á loft, þess vegna fannst mér rétt að spyrjast fyrir um þetta.

Guðmundur við erum sammála í greiningu á þessum málum

Vigfús takk fyrir þennan hlekk. Austan áttir eru nú frekar algengar að því er mér finnst hér í Eyjum og suðaustlægar en á einhverjum gögnum bygja menn þetta graf!

Sigurður Svifnökkvar eru skemmtileg skip og víst gerðu afi minn og félagar tilraunir með svifnökkva milli lands og Eyja á sínum tíma. Það gafst ekki nógu vel en þessu fley hafa breyst. Ég fór fyrir nokkrum árum með svona nökkva frá Englandi til Belgíu. Virkilega þægileg sigling en hverjar frátafir yrðu vegna sjólags veit ég ekki. Svo er eþtta spurning um frakt og ökutæki.