Vel valið hjá Jolla

Það verður að tjalda því besta sem völ er á í þessa leiki gegn Skotum. Við vinnum þá það er ég viss um. Ef við vinnum fyrri leikinn sannfærandi, 3 til 4 núll, þá geta einhverjir af þessum strákum jafnvel fengið að sprikla gegn Portúgölum í vikunni á eftir, en eins og þeir sem fylgst hafa með upp á síðkastið vita virðist portúgalska liðið hvorki vera fugl né fiskur, né nokkuð þar á milli. Því gæti liðið orðið íslenska drekanum auðveld bráð.

Þetta eru gríðarlega mikilvægir leikir gegn Skotum, fyrir mér að mörgu leyti mun mikilvægari en leikurinn við Portúgali. Góð úrslit eru nauðsyn og því má ekki slá slöku við.

Áfram Ísland

Sjö úr A-landsliðinu valdir í U21 árs liðið

Athugasemdir

[Óli Jones, 28.9.2010 kl. 14:25]

Ég nefnilega held að þeir fái ekki að spila í portúgalsleiknum þar sem hóparnir eru valdir fyrir leikdaga A landsliða sem eru spilaðir 8 og 12 okt , og sama gildir um U21 hópana.  Held að aðeins sé veitt undanþága v/ meiðsla eða persónulegra mála.

Þetta tel ég allavega mjög líklegt, án þess að vita það 100%.

[Gísli Foster Hjartarson, 28.9.2010 kl. 14:27]

Það er gott ef svo er Óli. Þá er á hreinu að við mætum í báða Skota leikina á fljúgandi siglingu með sennilega okkar besta mannskap.  ....svo getur fólk farið að skipuleggja hópferðir á úrslitakeppnina í Danmörku næsta sumar!!!

[Siggi (IP-tala skráð) 28.9.2010 kl. 15:47]

Mér sýnist að 21 árs liðið sé sterkara heldur en A liðið