Að verða á í lífinu!

Ég er alveg sammála Guðrúnu Helgadóttur þarna:

"Auðvitað verður öllum á, ekki að þeir hafi ætlað sér það, en ætla menn nú að fara að draga alla fyrir dómstóla vegna þess?,“ segir Guðrún m.a. í samtali í Morgunblaðinu í dag.

Stundum verður fólki á og afleiðingarnar eru misjafnar. En á þá bara að fyrirgefa öllum sem verður á í lífinu? Alveg sama hversu alvarlegar afleiðingarnar eru? Eða eiga kannski bara þeir sem starfa á fyrrverandi vinnustað Guðrúnar að sleppa? Fullt af fólki hefur verið dæmt fyrir að verða á í lífinu. Það er ekki einu sinni búið að dæma Geir, og ég er ekki einu sinni viss um að hann verði dæmdur. EN afleiðingar þess að hann og fleiri voru ekki á tánum eru dýrkeyptar - allri þjóðinni. Það er viss synd að öðrum verður hlíft, en bara fyrir Landsdómi fullt af fólki mun ekki fyrirgefa þessum aðilum svo auðveldlega.

Hvað með fólkið sem varð á að hlusta á bankamennina og taka lán sem áttu að vera skotheld? Á það þá ekki að fá miskunn líka? Sumt af því fólki er að missa allt sitt, og eflaust hafa sumir tekið líf sitt í þeim hremmingum. Má segja að stjórnvöld beri ákveðna ábyrgð í því? Einkavinavætt samfélagið var látið reka stjórnlaust að feigðarósi á meðan pólitíkusar, forseti vor og bankamenn dásömuðu hér allt. Hér stigu menn sko ekki feilspor!!!!

En nú er verið að vinna í því að afskrifa og bjarga í land sumum  af þeim sem jafnvel verst létu og eiga jafnvel hvað stærstan þátt í vitleysunni, á meðan eru aðrir hýddir opinberlega.

Ákvörðun um landsdóm fáránleg

Athugasemdir

[Jonsi (IP-tala skráð) 2.10.2010 kl. 10:14]

Fer ekki á milli mála að þarna er ráðherra af eldri gerð.

Það á alltaf að fyrirgefa ráðherrum og aldrei að rannsaka gjörðir þeirra.

Þessi meðferða á okkar besta fólki er út í hött.  Þetta fólk er svoleiðis búið að fórna sjálfum sér fyrir ökkur og börnin okkar.

Aldrei að rannsaka ráðherra segi ég.  Þetta er augljóst mál.  Ráðherrar eru alltaf gott fólk og með góðan vilja og gott fyrir stafni fyrir okkur öll.

Bæbæ heimska Ísland.

[Þorsteinn H. Gunnarsson, 2.10.2010 kl. 11:26]

Mér finnst Guðrún setja þig á háan hest með þessum ummælum og gera sig merkilega.

Alþingi hefur afgreitt þetta mál með þessum hætt og við það verður að búa.

Það er ómerkilegt að mínu mati að fjalla þannig um störf Alþingis að kalla þau vitleysu og er skrítið innræti.

Ég man ekkert eftir þessari konu á Alþingi sérstaklega, nema hún var einhvern tíman að berjast fyrir einhverjum Gervasoni sem var erlendur maður og átti í einhverjum erfiðleikum.

Nú eigum við Íslendingar í þeim mestu erfiðleikum síðan í Svartadauða og þá koma svona persónur og lýsa því yfir að það sem Alþingi Íslendinga ályktar sé bara vitleysa og fronturinn á ríkisvaldinu eigi bara að sleppa við að standa fyrir máli sínu sem sjáanlega hefur valdið tugþúsundum Íslendinga skaða að því talið er.

Já alþýðan getur lítið reitt sig á svona fólk það er orð að sönnu, og heggur sá er hlífa skyldi.

[Arinbjörn Kúld, 2.10.2010 kl. 15:03]

Samúð mín er með almenningi sem þola má ógnarskuldbindingar stökkbreyttra skulda, stórhækkun framfærslu, lækkun launa, atvinnuleysi, skerta heilbrigðissþjónustu, veikingu menntakerfis, skerta löggæslu ofl ofl.

Samúð mín getur ekki og mun ekki ná til einstaklinga sem sinntu ekki sinni vinnu með ofangreindum afeliðingum. Skiptir þá ekki máli hvort viðkomandi sé í einhverjum sjálfstæðisflokki, samfylkingu, framsóknarflokki, vg eða hvað sem þessi fyrirbæri kunna að heita. Sama á við um forstöðumenn ríkisstofnana sem gæta áttu almannahags. Að ég nefni ekki glæpamennina í bönkunum og aftaníossa þeirra.

Synd að afnám fyrningaákvæða í lögum um skuli ekki hafa komið upp.

Kveðja að norðan.