Einu númeri of stórir

Það var klárt í þessum leik að Portúgalska liðið er allavega einu númeri og stórt fyrir það íslenska. Okkar menn áttu ekki mikla möguleika þrátt fyrir hetjulega baráttu. 3 leikir og ekkert stig er ekki gott en engu að síður blákaldur veruleikinn. En það er svo sem ekkert ný saga að okkur gangi ekkert svakalega vel í þessum riðlakeppnum og hin síðari ár er það frekar orðið normið að við komumst hvorki lönd né strönd með eins og kannski einni undantekningu. Við verðum að lifa í þeirri von að U-21 liðið okkar sem komst svo eftirminnilega í úrslitakeppnina sem er á næsta ári í gærkvöldi veki ekki hjá okkur einhverjar falsvonir, heldur lyfti okkur nær því að komast kannski í topp 50 á heimslistanum á næstu árum, það væri óskandi.

En við gátum svo sem ekki reiknað með miklu gegn sterku liði Portúgala í kvöld, þó svo að Óli Jóh. hafi sagt eftir leikinn í Köben um daginn að hann ætlaði sér sigur gegn Ronaldo og félögum. Við virðum viljann fyrir verkið því að það var einfaldlega of stórt.

Portúgal hafði betur í Laugardalnum

Athugasemdir

[Brynjar Björnsson (IP-tala skráð) 12.10.2010 kl. 22:17]

Mmm, gegn Portúgal hefði maður verið ánægður með jafntefli, eins og staðan er; en kannski mögulega munu U-21 mennirnir okkar gera betur þegar fram líða stundir (sem stendur fylgist maður með kvennaliðinu til að sjá alvöru afrakstur í þessum flokki).

[Gísli Foster Hjartarson, 13.10.2010 kl. 00:05]

Veit ekki kvennaliðið er fínt og hefur staðið sig vel. að mörgu leyti en þær eru nú ekki þekktar fyrir að gera góðu hluti gegn liðum sem eru fyrir ofan þær á heimslistanum - það er en meiri munur á milli þeirra bestu og verstu í kvennaboltanum og það hefur hentað okkur vel. Við höfum nánast aldrei náð hagstæðum úrlsitum gegn stóru liðunum, utan eins sigur á frökkum. Það verður ekki fyrr en stelpurnar brjóta þann ís sem þær fara að hrella hin liðin fyrir alvöru.

[Venni vinur (IP-tala skráð) 13.10.2010 kl. 01:12]

Eru allir búnir að gleyma að við erum bara smáþjóð?

[Gísli Foster Hjartarson, 13.10.2010 kl. 08:52]

Nei Venni vinur enginn búin að gleyma því. Samt verður að vera smá metnaður í þessu. Í sambandi við leikinn í gær þá var það þjálfarinn sem kom með yfirlýsingu í beinni frá Parken um að menn ætluðu sko að vinna Portugal, ekki það að maður hafi trúað því að við gætum það. En menn lögðu sig fram í gær, það var bara ekki nærri nóg. Það er í lagi að stefna á toppinn en hvort það er raunhæft er svo annað.