Forvitnilegt

Það verð ég að segja að það verðu gaman að sjá hvaða spil John Henry dregur úr erminni þegar kemur að því að koma fótunum aftur undir hið fornfræga lið Liverpool. Gengið hefur ekki verið það sem stuðningsmenn liðsins hafa vonast til síðustu misseri og víst er að það er ákveðin örvænting í augum margra stuðningsmanna liðsins. Sumum þeirra finnst orðið pínlegt að horfa á önnur lið hirða titlana. Það er í raun kannski ekkert skrýtið við það því öll viljum við að liðin okkar hirði titlana. Ég er til dæmis eins og lítil strákur að opna jólagjafir um hvert skipti sem að ég lít eftir úrslitum í leikjum Brighton þessa dagana enda við efstir í okkar deild og slíkt er því miður ekki daglegt brauð á okkar bæ.

En já ég var að velta fyrir mér innkomu Henry  á leikmannamarkaðnum þegar hann opnar. Það er gott að heyra að hann segist ekki ætla að selja ásana en hvað gerist ef að þeir halda áfram að vera meiddir? Á bara að bíða eftir þeim eða losa um á launaskránni og fá kannski ferskari fætur til liðs við liðið?  ....það ætla ég að vona að það séu spennandi tímar framundan hjá aðdáendum þessa ágæta klúbbs. Það veit ég að það mun gera það að verkum að mun fleiri koma með bros á vör inn í prentsmiðjuna en nú er!!!!

Henry: Seljum ekki bestu mennina

Athugasemdir

[Óskar Þorkelsson, 29.10.2010 kl. 21:46]

John Henry á við eitt vandamál að stríða örðum fremur og það er að reina og Torres hafa báðir klásúslu sem heimila sölu strax í januar ef breytingar verðaekki á leikmannahópi liverpool....

[Einsi kaldi (IP-tala skráð) 30.10.2010 kl. 05:59]

Í hverju er vandamálið fólgið?