Púff ... er einhver hissa?

Fosterinn - var, er og mun verða - Hausmynd

28.12.2010 | 23:02

Ekki yrði ég hissa þó að Eiður Smári, eins mikla trú og ég hafði á honum, hrökklist í burtu frá Stoke City. Hefði einhver sagt fyrir 3 árum að Eiður Smári ætti eftir að sitja á bekknum hjá Stoke heilt haust eftir 3 ár þá hefði myndast biðröð við að hlægja að hinum sama undir eins. En engu að síður er þetta blákaldur veruleikinn í dag og það er í raun með ólíkindum hvað ferillinn hefur legið niður á við hjá honum síðustu 2 ár alveg lygilegt í raun. Vona að þetta fari nú að braggast hjá honum. Honum er allavega óhætt að hysja upp um sig buxurnar og komi sér í burtu frá Tony Pulis og félögum.

	Eiður Smári á förum frá Stoke?
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 23:04 | Facebook

Athugasemdir

Maður fer að trúa þeim staðhæfingum sem hafa heyrst, að Pulis hati Íslendinga og þess vegna fær Eiður þessa útreið hjá liði hans.

Ætli hann hafi lagt spariféð sitt inn á Icesave?

Gunnar Th. Gunnarsson, 28.12.2010 kl. 23:31

Hahaha slæmt yrði það ef hægt væri að kenna Icesave um ófarir Eiðs Smára hjá Stoke. Personulega hef ég aldrei haft trú á Pulis og er líka slétt sama hvort hann tapaði á Icesave eða ekki. Hlakka til þegar þetta orð hættir að heyrast. Vona bara að piltur rati í klúbb þar sem hann fær að spila.

Gísli Foster Hjartarson, 29.12.2010 kl. 00:01

Eiður má eiga það að hann er með dýrasta rassgat í heiminum. Þvílík hefur bekkjarsetan hans verið. ...Náttúrulega fáránlegt að troða einhverri icesave þjóðrembu inn í málið. Eiður er einfaldlega búinn að vera, flóknara er það ekki. Á maðurinn að velja hann í liðið af því hann er Íslendingur ? þvílíkt bull.

Óskar, 29.12.2010 kl. 00:04

Hahah... dýrasta rassgat í heimi. Góður!

Las um daginn hvernig hann hefur farið með aðra íslendinga þarna, t.d. Tryggva Guðmunds.

Gunnar Th. Gunnarsson, 29.12.2010 kl. 01:48

Nei Óskar menn eiga að velja í liðið eftir getu, hjá Stoke sem og öðrum liðum. Held líka að þetta sé alveg rétt hjá þér - pilturinn er bara ekki að standa sig.

En já gunnar það var einhver þáttur umdaginn eða eitthvað þar sem að piltarnir kvörtuðu undan þessari meðferð hjá Pulis. EN það var nú Pulis sem keypti Eið Smára og því hefði maður reiknað með annarri meðferð en hann virðist einfaldlega ekki hafa staðið sig.

Gísli Foster Hjartarson, 29.12.2010 kl. 08:09

Það er pláss fyrir Eið hjá Chelsea

Jón Óskar (IP-tala skráð) 29.12.2010 kl. 09:22

Gunnar THheldur hreinlega enn að almenningur á Bretlandi hafi ekki fengið innlegg sín í Icesave endurgreidd. - Ekki að furða að menn séu enn að þvælast með þetta mál ef skilningur landans á þessum málefnum er ekki meiri.-

Kenningin um að Pulis hafi greitt stórfé fyrir Eið svo hann gæti látið hann sitja á bekknum vegna þess að hann hatar Íslendinga, er kostuleg. - Einnig er erfitt að sjá hvernig hægt er að dæma Eið útbrunninn þegar hann hefur ekki fengið tækifæri til að spreyta sig að neinu ráði hjá Stoke.

Eiði er hreinlega ofaukið hjá Stoke. Stoke hefur staðið sig vonum framar í deildinni og Pulis er hræddur við að ef hann færi að reyna að laga það sem ekki er brotið, missi liðið dampinn.

Þegar Eiður kom til Stoke var hann ekki í formi. Hann er fyrst að komast í form núna um þessar mundir. - Ef hann fer frá Stoke, verður hann að finna félag sem þarf raunverulega á honum að halda.

Svanur Gísli Þorkelsson, 29.12.2010 kl. 11:17

Svanur Gísli þú ert að mörgu leyti með þetta. Mátt ekki gleyma að við notum svona gjarna við Íslendingar þegar okkur gengur ekki sem skyldi Piltur var ekki í formi held að flestir hafi vitað það en svo kemur íslenska ofurtrúin okkar að okkur finnst bara að piltur eigi að spila. - við horfum ekkert endilega á það þá hvernig liðinu hefur gengið. Þarna er bara um okkar mann að ræða!!!

En mikið innilega hittirðu naglann á höfuðið að hann þarf ef hann færir sig um set að finna lið sem svo sannarlega þarf á honum að halda.

Gísli Foster Hjartarson, 29.12.2010 kl. 11:27

Hann er búinn að vera ..... metnaðurinn lítill sem engin. Like father like son ???

Jón H B (IP-tala skráð) 29.12.2010 kl. 11:52

Já rétt Jón H B, "metnaðurinn lítill sem engin" hjá manni með þennan árangur að baki :)

PSV Eindhoven

KR Reykjavík

VISA-bikar: 1998

Chelsea

Barcelona

Svanur Gísli Þorkelsson, 29.12.2010 kl. 12:17

Svanur, þetta var nú sagt í gríni, enda skaut ég þessar sögusagnir sjálfur niður á sínum tíma. Það er afskaplega langsótt að kaupa dýran leikmann og setja hann á bekkinn til að hefna sín á Íslendingum, jafnvel þó þeir (eigendur "Joke City") hafi rekið hann á sínum tíma.

En fengu innleggseigendurnir ekki "bara" rúmlega 20 þúsund evrur af innistæðum sínum? Það eiga margir um sárt að binda vegna bankaútrásar Íslendinga. Varla neitarðu því, Svanur? E.t.v. er Pulis einn af þeim.

Gunnar Th. Gunnarsson, 29.12.2010 kl. 13:53

Nei Gunnar, Breska fjármálráðuneytið greiddu öllum breskum einstaklingum alla upphæðina sem þeir höfðu lagt inn á Icesave. Þetta hefur margoft komið fram m.a. hér.

Svanur Gísli Þorkelsson, 29.12.2010 kl. 14:49