Hvaða helvíti...... Mun þetta aukast?

Þetta er náttúrulega skelfilegt. Vonandi næst í skottið á viðkomandi þjófi/um.

Svo dettur maður í það allra svartasta:

Ætli þetta sé tilkynningin um að maður þurfi að fara að læsa húsinu sínu hér í Eyjum í hvert skipti sem að maður bregður sér frá? Ætli þetta verði fylgifiskur Landeyjahafnar? Meira aðgengi, fleiri glæpamenn og svo framvegis......

Ætli við séum að fara að sjá nútímann banka upp á hér í Eyjum?

....best að missa sig ekki í þessum vangaveltum. vona bara að félagar mínir og nágrannar í lögreglunni komi höndum yfir þann/þá er þarna voru að verki.

Skartgriparán í Vestmannaeyjum

Athugasemdir

[Þorbjörn Víglundsson (IP-tala skráð) 31.12.2010 kl. 09:35]

Einmitt Gilli, þetta eru einmitt spurningar sem maður þarf að spyrja sig að. Andvaraleysi okkar má ekki verða til þess að glæpagengi sjái sér leik á borði og mæti á eyjuna til að láta greypar sópa. Spurning um að taka upp nágrannavörslu sem reynst hefur ágætlega á höfuðborgarsvæðinu.

  Vona svo innilega að viðkomandi aðili eða aðilar náist, og hljóti þá refsingu sem þeir eiga skilið. Verst er þó að biðlistar til afplánunar dóms lengjast stöðugt. Spurning hvort ekki mætti koma á fót góðu fangelsi út í Elliðarey.....

[Páll (IP-tala skráð) 31.12.2010 kl. 10:12]

Það er nú varla hægt að skella sökinni á Landeyjahöfn, þótt hún sé eitthvert stórkostlegasta samgönguklúður seinni tíma (og allir sem beittu stjórnsýslulegum þrýstingi á þessa galgopaframkvæmd eiga að segja starfi sínu lausu og skammast sín...en það er nú önnur saga).

Allavega þá held ég frekar að þetta sé óhjákvæmilegur fylgifiskur kreppunnar. Þjófnaðir og aðrir glæpir munu aukast.

Hvet ykkur eindregið til að taka upp nágrannavörslu, læsa hýbílum og nota common sense þegar kemur að því að skilja ekki eftir verðmæti á glámbekk.

[Tómas (IP-tala skráð) 31.12.2010 kl. 10:13]

Það er hugsanlegt að þetta gerist, en væntanlega fara þjófarnir sömu leið til baka þannig að það "ætti" að vera erfiðra að koma þýfinu úr bænum, sérstaklega ef þetta eru góðkunningjar lögreglunar.

[Maggi (IP-tala skráð) 31.12.2010 kl. 11:40]

Aðkomumaður  eða fullur eyjapeyi?  ég sem hélt að það væru aðallega Akureyringar sem ættu í vandræðum með utanbæjarmenn?

Það væri skandall að lát brotna rúðu eyðileggja gott mannlíf, hvað þá að láta stórþjófana í Sjóvá ljúga inná sig nágrannavörslu.  Það getur varla verið svo illa komið fyrir náungakærleikanum í Eyjum.

[Heiðar (IP-tala skráð) 31.12.2010 kl. 18:00]

Það er ljóst að eftirlit lögreglu eykst ekki í niðurskurðinum!