Bull fyrirsögn er þetta

Hvers lags rugl er þetta? Fleiri að efast um ESB!!!! Skrýtið ef fleiri eru farnir að efast um ESB í flokki sem er á móti ESB!

Ákveðið fólk innan þessa flokks virðist þó vera það skynsamt að það er tilbúið að láta reyna á hverslags samningur kemur úr viðræðunum við ESB. Sá samningur verði  svo lagður fyrir þjóðina. Þjóðin sjálf taki svo af skarið með það hvað hún vill gera. Nákvæmlega ekkert að því. Það sýnir bara að það eru ekki allir þarna inni uppfullir af sjálfum sér og eigin hagsmunum. Það væri óskandi að svo væri í fleiri flokkum.

Fleiri að efast um ESB

Athugasemdir

[Sleggjan og Hvellurinn, 6.1.2011 kl. 11:17]

Sammála því.

Samning á borðið og svo þjóðaratkvæðisgreiðsla   já eða nei

Svo er málið farið frá.

Ég skil ekki af hverju fólk getur ekki sameinast um þessa einföldu lausn.

[Nei, takk! (IP-tala skráð) 6.1.2011 kl. 13:40]

Það eru fjölmargar fjölskyldur á Íslandi í dag sem hafa ekki nóg að borða og það eru fjölmargir sjúklingar sem fá ekki nógu góða meðferð eða jafnvel enga aðstoð, eins og foreldrar Ellu Dísar hafa reynt. Umsóknarferlið við ESB kostar milljarða króna, og við höfum einfaldlega ekki efni á því. Upplýsingarnar sem borgað er fyrir að fá eru svo langt því frá algjörlega heiðarlegar, þetta er áróður, sem við eigum samt að borga fyrir. Þetta er alveg vitað mál og hver getur kynnt sér sem það vill. Hingað var meira að segja sent ungt fólk frá Evrópubandalaginu sem þóttist vera venjulegir ferðamenn, til að bæta ímynd sambandsins innan Íslands. Þetta mál kom upp í fjölmiðlum og það er ekkert svo langt síðan. Þetta er auðvitað ekki heiðarlegt, en við erum einfaldlega að borga fyrir meira af því sama. 

Evrópusambandið var stofnað sem viðskipta-hagsmunaklúbbur nokkurra fyrrum nýlenda utan um sameiginlega hagsmuni. Síðan eftir á var bætt við einhverri hugmyndafræði, sem Ísland og saga þess kemur ekki við, ef þetta bandalag hindrar í raun Þjóðverja frá því að drepa Frakka og Breta, afþví þá tapa þeir peningum í stað þess að græða þá, og öfugt, þá er það ágætt, en við höfum aldrei haft okkar eigin her. Evrópubandalagið þróast í sífellt ólýðræðislegri átt og þeir sem í raun aðhyllast frelsi einstaklingsins geta varla verið mjög hrifnir af bákni sem gerir lítið annað en takmarka það. Evrópa er hnignandi veldi sem mun víkja fyrir Indverjum og fleirum í framtíðinni, sem eru enn reiðir þessum gömlu heimsveldum sem mynda kjarnan í sambandinu, og það verður því betra fyrir ímyndina í framtíðinni að standa utan Evrópubandalagsins, það er bara tímaspursmál hvenær "barbararnir koma til Rómar", og þá verður betra að vera ekki Rómverji...Icesave og fleira hefur líka sýnt okkur hvernig þetta bandalag lítur á okkur. 

 Náttúruauðlindir eru dýrmætastar alls á tímum sem þær fer að skorta, og það er betra fyrir bæði okkur sjálf og heiminn að þær séu í okkar eigin höndum, en undir hæl bandalags sem enn er í mótun, og getur farið í hvaða  átt sem er, en hefur hingað til silgt í átt minna lýðræðis. Þessar gömlu nýlendur sem þarna fara með mestallt vald í krafti meirihluta, afþví þau lönd hafa fleira fólk, hafa sýnt og sannað í mannkynssögunni að þeim er einfaldlega ekki treystandi. Svo eru sumir sem líta á ESB sem einskonar Ný-Þýskaland, og safnar það manni óvinum sem í dag eru kannski valdameiri en Indland, en ekki endilega á morgunn ;) Best að fara varlega engu að síður. 

[Sleggjan og Hvellurinn, 6.1.2011 kl. 16:14]

Það er greinilegt hvað þú munt kjósa Nei, takk.

En er ekki fínt að fá samning á borðið svo aðrir Íslendingar geta gert upp hug sinn?