Kaninn kominn á hnén!

Það er ég hræddur um að Bandaríkjamenn séu komnir á hnén nú þegar bæði Össur og Ögmundur hafa talað til þeirra með hvössum tón.

En þetta mál er nú hið furðulegasta og ég verð að játa að ég er pínu hissa á Bandarískum yfirvöldum eða vera að elta þingkonuna okkar svona uppi. Geta þeir ekki bara gerst vinir hennar (followers) á Twitter?

Sjónarmiðum komið á framfæri

Athugasemdir

[Vilhjálmur Eyþórsson, 9.1.2011 kl. 16:53]

Eins og ég segi í nýjust bloggfærslu minni: Hér er mikill munur á: Wikileaks stal gögnum og birti án vitundar og vilja viðkomandi. Hér er kurteislega farið fram á að gögn verði gerð aðgengileg og þá verður allt vitlaust. Allt í einu má enginn skoða skjöl Birgittu og mörðurinn Assange skríður djúpt inn í holu sína. „Mannréttinafrömuðir“ jesúa sig í bak og fyrir. úttroðnir af heilagri vandlætingu og mannréttindaráðherrann og Kúbuvinurinn Ögmundur er með böggum hildar yfir þessu öllu saman. Mér finnst þetta allt saman alveg voðalega skrítið. Hvar er gagnsæið? Á ekki allt að vera fyrir opnum tjöldum? Af hverju má ekki leka upplýsingum um Wikileaks?

[Ingibjörg Guðrún Magnúsdóttir, 9.1.2011 kl. 22:38]

Sæll Gísli, Bandaríkjamenn hafa nú ekki mikið álit á Utanríkisráðherra okkar því miður, en það sem Vilhjálmur kemur með er ég ekki alveg að skilja vegna þess að ég hef staðið í þeirri trú að Wikileaks hafi fengið þessi gögn send, en ekki stolið þeim sjálfir eins og hann Vilhjálmur gefur í skyn... veistu hvort er rétt...

[Gísli Foster Hjartarson, 9.1.2011 kl. 23:16]

Ingibjörg miðað við þáttinn um daginn virtist sem Wikileaks hafi fengið gögnin send tilsín - reyndar ekki sagt frá hverjum. Þetta er hakkara hópur þannig að maður veit ekki.  En ég reyndar hef sagt áður að ef Birgitta hefur ekkert að fela í þessu máli þá hefur hún heldur ekkert að hræðast. Þess vegna get ég tekið undir með Vilhjálmi um það að maður getur ekki krafist gagnsæis um svona mál og falið sig þegar kemur að manni sjálfum. Þá á ég við í svona málum og svona færslum eins og gert er á Twitter sem er opin öllum.

[Vilhjálmur Eyþórsson, 10.1.2011 kl. 08:23]

Kornungur bandarískur hermaður, Manning, sem er samkynhneigður og fullur uppreisnaranda hafði samband við Wikileaks kvaðst hafa aðgang að leyniskjölum. Þeir hvöttu hann þá til að stela þeim, sem hann gerði beinlínis til að koma þeim til Wikileaks. Ef ekki hefði verið hvatning þeirra hefði þetta ekki gerst. Þeir eru því samsekir um þjófnaðinn. Síðan birtu þeir þýfið og fengu fyrir frægð og formúur, en aumingja strákurinn verður vafalaust kærður og dæmdur fyrir landráð, sem hann verðskuldar raunar. Hefðu Wikileaks menn látið hann í friði, væri hann vafalaust enn óánægður með hlutskipti sitt í lífinu en frjáls ferða sinna. Þeir bera þannig ábyrgð á örlögum hans. Strákgreyið verður trúlega í fangelsi ævilangt. Vinstri kjánar, islamistar og al- Qaida gleðjast, en mörðurinn Assange baðar sig í sviðsljósinu.