Leikurinn sem mátti alls ekki tapast

Þar kom að því að menn hittu ekki fjölina sína. Akkúrat þegar það mátti ekki. Sigur í dag hefði tryggt okkur allavega 3ja sætið í riðlinum. Auðvitað eigum við en séns á því. Hef þá trú að nú séu Þjóðverjar vaknaðir og munu sigra bæði Norðmenn og Ungverja. Því verðum við að vinna annað hvort Spánverja eða Frakka til að eiga möguleika á þriðja sætinu og ólympíuleikunum ef að ég man þetta rétt. Sem betur fer var tapið ekki stærra eins og leit jafnvel út fyrir á tímabili. Það er meira að segja höggið skarð í markatöluna okkar með þessu tapi. Þetta var ekki dagurinn til að misstíga sig, en svona er þetta í sportinu og er ekki sagt að mótlætið styrki mann?

Þjóðverjarnir einfaldlega mun betri í dag. Þeir voru bæði betri en við og dómararnir, sem hljóta að hafa átt betri dag. En ég var nú lengi vel hrifin af því að þeir leyfðu nokkra hörku.

Sjáum hvað gerist á mánudaginn gegn nautabönunum.  Áfram Ísland alla leið

Fyrsta tap Íslands á HM

Athugasemdir

[Halldór Jóhannsson, 22.1.2011 kl. 19:20]

Heyrðu góði..þetta grillaðist eitthvað hjá mér..og færslan fór í Körfuboltabloggið:):):)

[joi (IP-tala skráð) 22.1.2011 kl. 19:45]

Það er erfitt að spila a móti níu manna liði

[Halldór Jóhannsson, 22.1.2011 kl. 20:02]

Ha hvað meinar joj????

Við Íslendingar erum enn og aftur bestir að kenna öðrum um ef eitthvað fer ekki eins Ísl.vilja:(

Enn þessi RUDDAvörn sem liðið hefur spilað,sem virkaði ekki í dag...

En afhverju td notar þjálfarinn ekki fleiri leikmenn,gat ekki versnað:)

Sigurbergur og fl...bara límdir á bekknum...til hvers að vera með varamenn ef GG notar þá ekkert..mér líst ekkert á framtíðina ef ekki á að gefa mönnum tækifæri...nema þeir ætla að BARA spila old boys síðar..:)

[Theódór Norðkvist, 22.1.2011 kl. 20:16]

Ég er ekki sammála þér að þetta sé endilega leikurinn sem mátti ekki tapast. Rétt er að ef við hefðum unnið í kvöld og munum síðan tapa fyrir annaðhvort Spánverjum eða Frökkum, skilar það okkur 8 stigum, meðan annaðhvort Spánverjar og Frakkar geta náð 9 stigum.

Miðað við þau úrslit værum við öruggir í undanúrslit, en Spánverjar og Frakkar geta misstigið sig. Auðvitað geta Þjóðverjar misstigið sig líka og ef út í það er farið við ekkert síður. Ef t.d. Ungverjar vinna Þjóðverja eru þeir úr myndinni í undanúrslitabaráttunni.

[Skúli (IP-tala skráð) 22.1.2011 kl. 20:48]

Þetta er nú ekkert hræðilegt held ég þó það hefði verið frábært að vinna þennan leik.  Við spiluðum hina leikina frábærlega og fórum með 4 stig í milliriðil, meira en bæði Spánverjar og Frakkar og erum því í betri stöðu en ef við hefðum bara tekið 2 upp úr riðlakeppninni.  Það þýðir ekkert að gefast upp, þeir eru enn meðal efstu liða og eiga enn möguleika á verðlaunasæti en þá er nauðsynlegt að ná stigum gegn hinum þjóðunum.  Landsliðið er líka oft betra þegar það er með bakið upp við vegg.  Þetta reddast örugglega...;)

[Theódór Norðkvist, 22.1.2011 kl. 21:02]

Riðill Spánverja og Frakka var miklu sterkari en okkar, þrír heimsmeistarar saman í riðli. Skil reyndar ekki hvernig þetta gat raðast svona, en það er önnur saga. Stigin okkar fjögur inn í milliriðil segja því ekki alla söguna.

Verum bjartsýn, en úrslitin í kvöld (Spánverjar og Frakkar pakka saman andstæðingum okkar í undanriðlinum og þessi árangur gegn Þýskalandi) gefa því miður ekki mikið tilefni til þess.

[Gísli Foster Hjartarson, 22.1.2011 kl. 21:02]

Jói við vorum bara lakari aðilinn í dag dómararnir réðu ekki úrslitum.

Halldór get svo sem alveg verið sammála það hefði mátt tendra fleiri blys í þessari neyð. En ég treysti Guðmundi fullkomlega og hann hefur sýnt hingað til að hann veit hvað hann er að gera.

Theódór nú er staðan þannig að bæði Spánverjar og Frakkar eru komnir með 5 stig og við komnir í þriðja sætið í riðlinum. En við eigum eftir að leika við Frakka og Spánverja sem er sýnd veiði en ekki gefin. Fer því ekki ofan af þvíað sigur í kvöld hefði tryggt okkur þriðja sætið í riðlinum þegar 2 leikir eru eftir. Nú er staðan klárlega sú að við verðum að vinna Spánverja eða Frakka til að komast á topp 6 það er ekki víst að sigur gegn Spánverjum, já eða Frökkum dugi til að ná 2 sætinu. því þau lið eru nú bæði komin fram úr okkur.

En þetta er í höndunum á strákunum okkar og ég vona að sjálfsögðu að þeir landi allavega einum sigri í viðbót í milliriðlinum. Tek undir með þér Skúli við höfum oft spilað vel undir extra pressu. - áfram Ísland alla leið