Það geri ég líka!!!!

Þetta kemur nú ekki eins og þruma úr heiðskýru lofti þessi ákvörðun sjálfstæðismanna. En sýnir kannski að menn geta verið menn orða sinna. Víst heyrast nú óhljóð úr horni frá mörgum stuðningsmönnum flokksins. - ég fagna nú aðallega vegna þess að ég hlakka einmitt til að heyra viðbrögð dyggra stuðningsmanna flokksins. Ég hef þá trú eins og ég hef sagt áður að menn telji að menn séu komnir eins langt og þeir komist í samninga málum og menn geti ekki setið á sér lengur gagnvart endurreisn og útrás íslensks efnahagslífs!!!!  ...ætli það sé rétt mat?   Já og þeir eru ekki lengur tilbúnir að láta málið fara fyrir dómstóla.  Hvað ætli Davíð Oddsson ritstjóri segi við þessu fyrst hann sagði að King seðlabankastjóri Englands hafi sagt að við þyrftum ekki að borga?

........en kannski greiða sjálfstæðismenn svo atkvæði gegn samningnum þegar þar að kemur?

Fagnar afstöðu sjálfstæðismanna

Athugasemdir

[Óskar Þorkelsson, 2.2.2011 kl. 21:21]

málið er að sjallar vilja ekki komast í stjórn núna, eru reyndar dauðhræddir um að vinstri stjórnin falli.. þeir hinsvegar vilja tefja og tefja öll mál til þess eins að geta sýnt fram á getuleysi núverandi stjórnar.. fyrir næstu kosningar.. því þeir vita sem er.. þá eru íslendingar búnir að gleyma öllu.. og kjósa XD aftur eins og ekkert hafi í skorist.

[Bless bless Sjálfstæðisflokkur (IP-tala skráð) 2.2.2011 kl. 21:49]

Það sést langar leiðir á þessum manni, að hann er ekki maður, heldur bara lítill drengur, sem hefur með góðri leiðsögn og í krafti einhvers annars en sjálfs síns komist þangað sem hann er. Það er sorglegt að einhver hefur greinilega sleppt af honum hendinni, eða litli drengurinn heldur virkilega hann að hann sé orðinn fullorðinn, því nú rasar hann um ráð fram í stjórnleysi og tekur heimskulegar og óupplýstar ákvarðanir eins og óupplýstur skrýll.

Þetta er sorglegt Bjarni minn. Þeir sem halda of fljótt þeir séu orðnir eitthvað sem þeir eru ekki, þeir verða aldrei það sem þeir vilja verða. Og nú ert þú dæmdur til að vera alltaf lítill drengur, nema þú látir af þessari heimskulegu og and-mannúðlegu ákvörðun þinni. Afríka er að deyja út af þjóðarskuldum! Þú ert orðinn samábyrgur gömlu nýlendunum og hefur brugðist deyjandi börnum! Icesave var ætlað að verða fordæmisgefandi máli sem myndi leiða Afríku út úr skuldum sínum líka. Þið hafið svikið allt mannkynið. Ég kýs ykkur ekki meir. Guð blessi Afríku!

[Kristján Hilmarsson, 2.2.2011 kl. 22:01]

Núna er tækifærið komið fyrir þá sem hafa mann/kvendóm í sér að stíga í pontu og segja "heybrókunum" til syndanna, nú þegar eru nokkrir farnir að koma með skýrar meiningar sbr Sigmundur Davíð með þessu: "Það virðist orðið óumdeilt að íslenska ríkinu beri ekki lagaleg skylda til að greiða kröfur breska og hollenska fjármálaráðuneytisins. Hins vegar kunna einhverjir að telja að það sé engu að síður rétt að verða við kröfunum af öðrum ástæðum. Af þeim sökum er nauðsynlegt að fara yfir staðreyndir málsins svo leggja megi á þær rökrétt mat: ..." í mbl í dag.,

Skal viðurkenna að það kom á óvart úr þessari átt, en það er engin skömm að snúa, segir góður málsháttur hér í Noregi, allavega ekki ef maður er á rangri leið, gildir fyrir afvegaleidda Íhaldsforkólfa líka.

MBKV

KH