Íllt í efni!

Ekki það að þetta sé það sem að maður vill heyra. Trúi ekki öðru en að menn finni á þessu góðan og ásættanlegan flöt áður en allt fer í óefni. Verð nú líka að segja að það hryggir mig að vissu leyti að heyra Arnar Sigurmunds vera að tjá sig í fjölmiðlum í þessu máli. Maður sem er svo hinn daginn að eyða peningum verkafólks í nafni Lífeyrisjóðanna í landinu. Ekki hægt að gera þetta og ekki hægt að gera hitt svo tapa menn milljörðum af fé verkafólks í einhverjum leikjum sem þeim finnst gaman í. Þessir menn eins og Arnar verða að átta sig á því að þeir geta ekki frontað alls staðar.

...og hvað var þetta sem var í fréttunum í hádeginu frá verkalýðsforkálfunum að menn vilji ekki semja fyrr en málin varðandi fiskveiðistjórnunarkerfið séu klár en samt bjóða þeim starfsmönnum í fiskimjölsverksmiðjum samning!!!! Eru menn ekki alveg búnir að ákveða sig eða?

Sem aðili  með fyrirtæki í hef ég sagt að það voru mistök hjá SA að stilla þessu svona upp og ég held að menn eigi eftir að fá að heyra það á næstunni en frekar en nú er orðið - því miður. fyrir þá.

Vonandi finna menn fljótlega farsæla lausn í þessu máli.

Vinnustöðvun samþykkt í Eyjum

Athugasemdir

[Ægir Óskar Hallgrímsson, 7.2.2011 kl. 22:35]

Já við skulum vona að lausn finnist á þessari deilu..það yrði mikill skellur fyrir marga eyjamenn ef verkfall yrði..og myndi dragast á langinn..en við vonum það besta.

[Jón Óskar (IP-tala skráð) 7.2.2011 kl. 22:46]

Það þarf að setja lög á þetta verkfall.  Það á eftir að gera stærri samninga í landinu og það er ekki hægt að láta Drífanda leggja línuna fyrir markaðinn.  Ég veit það er ömurlegt að þurfa að setja lög, en þjóðarhagur gengur fyrir í þessu máli.

[Gísli Foster Hjartarson, 7.2.2011 kl. 22:49]

Af hverju á alltaf að setja lög á allt? Auðvitað er hellingur undir og báðir aðilar eiga að gera sér grein fyrir því og því ættu menn að geta fundið flöt á málinu án lagasetningar. Fannst gaurinn sem viðtal var við í hádeginu alveg skjóta viðsemjendurna út í horn. Hann lét líta út eins og þeir töluðu í hringi!!!

[Jón Óskar (IP-tala skráð) 7.2.2011 kl. 22:57]

Það er ekkert verið að tala um að setja lög á allt.  Ég er í prinsipinu á móti slíku á kjaradeilur.  Í þessu tilviki er Drífandi að spila sóló og nýta sér loðnuvertíðina til að lyfta kjörum á öllum vinnumarkaðnum, því það er vitað að það fylgja allir aðrir á eftir.  Menn verða að vinna þetta heildstætt og tryggja að hér náist stöðugleiki á ný. 

[Jón Óskar (IP-tala skráð) 7.2.2011 kl. 23:03]

Og til að bæta við að þá held ég að starfsmenn í bræðslum eigi bara mikla samleið með skilyrðum SA fyrir kjaraviðræðum, þ.e. að kvótamál verði sett á hreint.

[árni (IP-tala skráð) 7.2.2011 kl. 23:06]

vonandi verða þá sett lög á SA, svona til tilbreytingar,þeir hafa nefnilega ekki þurft annað en bíða eftir lagasetningu á sjómenn,þegar sjómenn hafa boðað til aðgerða til að semja um sín kjör.það væri gaman ef dæmið myndi einusinni snúast við og þeir yrðu skyldaðir til að borga mannsæmandi laun.

[Jón Óskar (IP-tala skráð) 7.2.2011 kl. 23:10]

Það er örugglega hægt að útfæra slík lög, en þau gætu aldrei falið í sér stöðvun veiða. 

[Svanur (IP-tala skráð) 7.2.2011 kl. 23:53]

Þetta fellur um sjálft sig hjá Drífanda. Ísfélagið klárar kvótann með því að landa aflanum á Þórshöfn. Ekkert verkfall þar.

[Hjörleifur (IP-tala skráð) 8.2.2011 kl. 09:33]

Þetta er akkurat það sem er Svanur að þetta verkfall setur enga pressu á einn né neinn að það sé verið að stöðva nokkrar bræðslur á landinu, það verður bara siglt á næsta stað og landað þar. Það eina sem þetta verkfall mun gera er að þessir menn og þeirra bæjarfélög tapa á þessu því ver og miður.

[Gísli Foster Hjartarson, 8.2.2011 kl. 16:21]

Hvað eru margar bræðslur eftir í landinu utan þessa svæðis?