Risaeðlan

Birgir Ármannsson sá mæti piltur verður að teljast sem ein af síðustu risaeðlunum. Hann vill hjakka í sama farinu og áður hefur verið reynt það er að blessað þingið sé alviturt og komi eitt að þessu. Svo sem alveg hans val í sjálfu sér þó svo að ég sé inn á því að menn eigi að opna þessa umræðu á annan hátt og fá vinkla annarsstaðar frá. Það er að segja frá fólki utan þings.

Spurningin sem brýst um í kolli mér stundum þegar ég hlusta á menn sem sitja úti í polli að leika sér, og láta eins og pollurinn sé þeirra eign, hvort þeir séu einfaldlega ekki í röngum flokki. Kommúnistaflokkur eða einhver einræðisherraflokkur hefði hentað þeim ágæta pilti Birgi.

Ekki kosið til stjórnlagaþings

Athugasemdir

[Óskar (IP-tala skráð) 24.2.2011 kl. 17:16]

Bíddu!!!!!!

Meirihluti þjóðarinnar sat heima,,, og hefur engan áhuga á þessu, og Jú það er rétt hjá Birgi að þingið á að sjá um stjórnarskrár breytingar.

[Árni Gunnarsson, 24.2.2011 kl. 17:22]

Allir kjósendur hafa fullan rétt til áhrifa á stjórnarskrárbreytingar. Það er öllum frjálst að rita bréf til alþingismanna, eins eða allra eftir atvikum og leggja fram sínar hugmyndir. Þetta inngrip Hæstaréttar var í senn fáránlegt og tilgangslaust. Líklega hefur það fyrst og fremst verið viðbrögð sjálfstæðisflokksins með eðlilegri viðkomu í þessu dómstigi sem Flokkurinn skipaði sínu fólki í.

[Jón Óskar (IP-tala skráð) 25.2.2011 kl. 09:29]

Ekki deili ég við Hæstarétt Árni.  Það er nóg komið af því, ekki síst á Alþingi, löggjafanum sjálfum.  En ég er á því að þingið eigi bara að taka keflið og vera ekki að eyða dýrmætum tíma fólks í eitthvað sem mun aldrei koma neinu í gegnum þingið, sem það vill ekki.  Niðurstaða þjóðfundar liggur fyrir og er fínt veganesti fyrir þingið til að vinna úr.  Ítreka þó þá skoðun mína að menn eiga ekki að hreyfa við stjórnarskránni á meðan stjórnmálaástand á Íslandi er jafn óstöðugt.

[Gísli Sigurðsson, 25.2.2011 kl. 17:21]

Jón Óskar, ég hef fylgst með stjórnmálum í einhver 40 ár +/-. Ef það á að bíða eftir einhverjum stöðugleika í stjórnmálum með að gera breytingar á stjórnarskránni þá verða þær aldrei, ég man ekki eftir því að það hafi nokkurn tímann verið stöðugleiki hér hvorki í stjórnmálum né efnahagsmálum.