Stýrimaðurinn í þjóðarstrandinu!

Ingibjörg Sólrún er það ekki konan sem sat við hlið skipstjórans þegar þjóðarskútan strandaði? Það lið axlaði enga ábyrgð og er ekki að fara að breyta þvi. Það yrði ég nú aldeilis kjaftstopp ef að hún myndi halda því fram að þjóðinni bæri að borga. Hún hlýtur að geta stigið á móti þessu. Nægar eru nú helvítis byrðarnar sem að þessi kona og hennar samstarfsfólk hefur sett á herðar þjóðarinnar nú þegar. Eftirlitslaust óðu menn áfram og komu okkur í þessi spor þegar hún var á vakt.

Við skulum ekki gleyma því að henni var kippt úr snörunni af samflokksfólki sínu sem vill að Geir H Haarde komi fyrir landsdóm. Auðvitað ætti hún að vera að fara að mæta fyrir þann dóm sem og Björgvin G og Árni Matt fyrst að Geir blessaður þarf að mæta þar.

Ingibjörg Sólrún segir þjóðina ekki skuldbundna

Athugasemdir

[Númi (IP-tala skráð) 27.2.2011 kl. 16:08]

Þetta er konan sem sagði á Borgarafundi í Háskólabíói þaug fleigu orð við fundargesti,þessi orð.::ÞIÐ ERUÐ EKKI ÞJÓÐIN::

[Gísli Foster Hjartarson, 27.2.2011 kl. 16:10]

Já Númi hún er fræg þessi. Athyglisvert líka að Icesave er búið að vera í gangi allan þennan tíma og hún hefur þagað þangað til núna.....eða hvað? 

[Arinbjörn Kúld, 27.2.2011 kl. 17:24]

Sammála.

Kveðja að norðan.

[Eygló Þóra Harðardóttir, 27.2.2011 kl. 17:32]

Það eru mörg mistök sem Ingibjörg Sólrún gerði sem forystumaður í ríkisstjórn Samfylkingar og Sjálfstæðisflokks og eflaust þau stærstu að fara í ríkisstjórnarsamstarfið.

En ólíkt mörgum í stjórninni þá stóð Ingibjörg Sólrún í lappirnar og barðist.  Eftir á að hyggja getum við sagt að hún hefði átt að berjast harðar, en hún reyndi allavega. Þess vegna hefur hún ætíð lagt áherslu á Brussel viðmiðin, um rúmar 20 þús evrurnar og að samningarnir ættu að taka tillit til erfiðra aðstæðna hér á landi.

Því var öllu kastað til hliðar þegar ný stjórn tók við völdum, ný samninganefnd skipuð "íkornum á valíum" og hér stöndum við 2,5 árum seinna og meirihluti þjóðarinnar búinn að gefast upp ef marka má skoðanakannanir.

[Gísli Foster Hjartarson, 27.2.2011 kl. 17:46]

Það má vel vera Eygló. Verð nú að segja að mér fannst L. Blöndal fínn í Silfrinu áðan - var að horfa á hann hér á netinu. Hlýtur að vera erfitt að fara fram á að samningarnir taki mið af erfiðum aðstæðum hér á landi - svona eins og að vera aumingjagóður!!!! - en erumvið ekki komin ansi nálægt því í þessum nýju samnignum. Ég verð nú reyndar að segja að ég lifi í voninni um að eignir Landsbankans verði verðmeiri en menn hafa reiknað með.   .......svo er þetta alltaf spurning með þessa jafnræðisreglu. ég veit hvernig við hefðum viljað láta hana virka ef að þetta hefðu verið Deutsche bank sem hrundi og íslendingum hefði verið hent út en þjóðverjum bjargað.

[Eygló Þóra Harðardóttir, 28.2.2011 kl. 07:35]

Íslenska ríkinu ber aðeins skylda til að bjarga íslenska ríkinu.  Það var mat þáverandi stjórnvalda að yfirlýsing um ábyrgð á innlendum innstæðum væri hluti af því ferli, - að viðhalda íslenska ríkinu. 

Þetta snérist ekki um að bjarga Íslendingum eða Þjóðverjum, heldur starfsemi íslenska samfélagsins.

Ég vildi jafnframt óska þess að ég væri jafn bjartsýn varðandi heimtur í þrotabúið og framtíð íslenska hagkerfisins.

Stundum snýst þetta líka einfaldlega um að fá á hreint hvað er rétt og hvað er rangt lögum samkvæmt

[Jón Óskar (IP-tala skráð) 28.2.2011 kl. 09:04]

Sýnist þér Eygló að m.v. að það hafi verið mistök hjá Ingibjörg Sólrúnu að fara í ríkisstjórnarsamstarf með Sjálfstæsiflokki, að núverandi vinstristjórn auk framsóknar/frjálslyndra, hefði verið betri kostur ?  Ég er ekki að verja hrunsstjórnina en finnst í hreinskilni  aðrir valkostir ekkert frekar líklegir til að hafa afstýrt hruninu neitt frekar, enda voru völdin fram að því hjá eigendum stóru bankanna. 

Er ekki búinn að gera upp við mig Icesave, en ef ég fæ trú á því að samþykkt samningsins verði til þess að hér verði hægt að byggja upp atvinnulíf að nýju og við sjáum færri leita til vinnumálastofnunar og umboðsmanns skuldara, þá segi ég "já".

[Gísli Foster Hjartarson, 28.2.2011 kl. 09:35]

Jón Óskar þú segir........og við sjáum færri leita til vinnumálastofnunar og umboðsmanns skuldara, þá segi ég "já".  .......er enn mikill erill á skrifstofunni hjá umboðsmanni skuldara?   en tek undir eþtta með þér að ef að lausn á Icesave veitir innspýtingu þá er það spurning hvort að það er ekki þess virði að kyngja þessu

[Halldór Jóhannsson, 28.2.2011 kl. 09:50]

Ég mun aldrei samþykkja þessa Icesave samninga...

Til að það fari að lifna hér við þarf að SÓTThreinsa útúr Alþingishúsinu og fl...stöðum....

[Kristinn Karl Brynjarsson, 28.2.2011 kl. 09:56]

það má samt aðeins hugleiða það, þegar menn tala um innspýtingu í hagkerfið, vegna samþykktar Icesave, að sú innspýting, ef að verður, verður vegna aukins fjármagns sem við eigum ekki, lánsfé.  Hvernig varð aftur síðasta innspýting í hagkerfið til?

[Jón Óskar (IP-tala skráð) 28.2.2011 kl. 10:55]

Kristinn, hluti af vandamálinu er vandi við að endurfjármagna núverandi skuldir fyrirtækja með hagkvæmum hætti og ég sé ekki að atvinnurekstur hér heima geti hafist án lánsfjármagns.  Nema þú viljir bara láta ríkiskassann um þetta :)

[Jón Óskar (IP-tala skráð) 28.2.2011 kl. 10:56]

Gísli maður á þá heitu ósk að leysist úr skuldamálum fólks.  Það eru að verða 2,5 ár frá hruni og kannski bara kominn tími á það :)

[Gísli Foster Hjartarson, 28.2.2011 kl. 14:03]

Já Jón Óskar - auðvitað viljum við fá lausn á þessum málum - þú ert bara alveg hættur að hringja á morgnanna og því veit maður minna en ella um hversu mikið er að gera hjá þér.

Halldór það þarf að sótthreinsa landið og miðin svo einfallt er það. Er ekki einu sinni viss um að ég og þú séum undanþegnir eins ágætir og við nú erum