Er Ámundur Einar skynsamur?

Maður veltir þessu fyrir sér í kjölfar þess sem á undan er gengið. Sá einhvers staðar í dag að menn heimtuðu að hann gerði slíkt hið sama og Atli og Lilja. Einhversstaðar sá ég líka að Heimssýn ætti að setja hann af sem formann út af þeim viðræðum/aðlögun sem er í gangi gagnvart ESB og ég veit ekki hvað.

Að svo stöddu skákar Ásmundur Einar flestu þessu liði - hann er ekki farinn á taugum og hann veit að ESB málið fer aldrei alla leið nema með fulltingi þjóðarinnar og því ástæðulaust að vera að gráta á koddann sinn. Því ekkert er í hendi. Vona að piltur láta bara til sín taka við þau brýnu mál sem framundan eru á öðrum sviðum og geri það vel.

Ásmundur áfram í þingflokki VG

Athugasemdir

[Kristinn Karl Brynjarsson, 22.3.2011 kl. 21:54]

Eins og þú veist Gísli, þá er þessu ráðgefandi þjóðaratkvæði um ESB, ætlað að vera áður en að Alþingi tekur samninginn til meðferðar. 

Í rauninni hefur ráðgefandi þjóðaratkvæði, álíka mikið vægi og Gallup-könnun.  (Mætti þess vegna vera tugþúsunda úrtak.) Því að í stjórnarskránni stendur:

47. gr. Sérhver nýr þingmaður skal vinna ... 1) drengskaparheit að stjórnarskránni, þegar er kosning hans hefur verið tekin gild. 1)L. 56/1991, 16. gr. 48. gr. Alþingismenn eru eingöngu bundnir við sannfæringu sína og eigi við neinar reglur frá kjósendum sínum. ... 1) 1)L. 56/1991, 17. gr.

[Jón Óskar (IP-tala skráð) 22.3.2011 kl. 22:03]

Kristinn ég hef marg-bent Gísla á þetta en það er bara þannig með þessa ESB-sinna að þeir sjá ekki til hægri né vinstri á þeirri leið og eins og þú nefnir að þá verður þjóðin ekki spurð.  Þetta er ekkert kíkja-í-pakkann dæmi.  Þetta eru aðlögnarviðræður og það er borið í okkur fé vegna þess.  ESB-sinnar tryggðu það sumarið 2009 að þjóðinni yrði aðeins boðið uppá "ráðgefandi" þjóðaratkvæðagreiðslu en ekki "ákvarðandi" og ESB-sinnar hafa ekki sýnt burði til þess að virða vilja meirihluta þjóðarinnar og vísa ég til ICESAVE-MÁLSINS í því sambandi.  Þar átti þjóðin að kokgleypa við eigin gjaldþroti.  Svo hár átti aðgöngumiðinn að vera inn í ESB.

[Jón Óskar (IP-tala skráð) 22.3.2011 kl. 22:40]

http://www.althingi.is/altext/137/s/0256.html

[Gísli Foster Hjartarson, 23.3.2011 kl. 06:48]

En ekki gleyma að þetta þarf líka að fara tvisvar fyrir þingið. Hverslags rugl yrði það að fá þetta samþykkt kannski í fyrri umferð og fellt í þeirri seinni? Menn taka þetta aldrei í gegnum þingið nema hafa þjóðina á bak við sig, því þetta þarf samþykki tveggja þingi - ja nema að þið séuð að segja mér að þjóðin sé í raun (já og sérstaklega þeir sem fara með ferðina) svona virkilega tóm í kollinum að hún taki þátt í svona leikjum bara af því að t.d. veðrið er svo gott?

[Jón Óskar (IP-tala skráð) 23.3.2011 kl. 08:14]

Gísli, þingkosningar eiga ekki að snúast um ESB aðild eða ekki.  Í þingkosningum er kosið um svo margt fleira.  Þetta er einstakt mál og á ekki að setja samasemmerki milli þingkosningar og þjóðaratkvæðagreiðslu um málið.  Eigum við þá ekki að rjúfa þing núna og kjósa inná það aftur og láta það gilda um Icesave ?  þetta er alger endaleysa og lýsir fáránleika íslenskra stjórnmála í dag og er ENGINN undanskilinn. 

[Jón Óskar (IP-tala skráð) 23.3.2011 kl. 08:31]

Og Gísli, þessi skoðun mín og tortryggni byggist ekki endilega á andstöðu við ESB.  Ég gagnrýni bara vinnubrögðin, sem maður sér bara í of mörgum málum þessarar stjórnar, því miður.  Icesave er gott dæmi og tengist bara þessum viðræðum.  Svo mikið er blóðbragðið að það átti að setja drápsklyfjar á okkur og okkar börn.  'Eg tel þetta bara ekki rétta nálgun að ESB-aðild eigi að vera friður um hana.