Að gera í buxurnar!!

Sólin er löngu sest í Phoenix svo mikið er víst. Staðan orðin 38 sigrar - 42 töp - ekki gott. 2 leikir eftir Timberwolves í kvöld heima og Spurs heima á miðvikudaginn og þá er tímabilið búið. Ekki mikið til að fagna í vetur hjá okkur. Nash náttúrulega eins og áður verið í brúnni og reynt að halda leiknum gangandi en það er ekki nóg að hann spili vel aðrir verða að standa sig. Reyndar var Marcim Gortat - pólska sleggjan - góð búbót eftir skiptin á miðjutímabili. En ætla svo sem ekkert að fara að greina liðið hér í þaula - geri það kannski eftir að við erum búnir með leikina alla - En segi það hér að ég vona að Nash spili áfram en mér sýnist á öllu að hann vanti einhverjar 600 stoðsendingar til að ná 5 sætinu af Oscar Robertson og 800 stk til að ná Magic Johnson í því fjórða. Nash þyrfti svo sennilega að spila næstu 2 tímabil ef að hann ætlaði sér að ná þriðja sætinu af Mark Jackson, en Nash er ekkert að fara að ná í skottið á gamla Suns spilaranum Jason Kidd eða hvað þá heldur meistara John Stockton sem endaði ferilinn með rúmlega 15.800 stoðsendingar, fyrst er nú að ná 10.000 stk.

Fimmta tapið hjá Lakers í röð