Ég á ekki eitt einasta orð

Vá hvað þetta kemur lítið á óvart.  Er ekki frá því að þetta sé öllum fyrir bestu. Ætla ekki að segja neitt meira um þetta að sinni en maður veltir því fyrir sér hvort VG sé i raun stjórnamálaflokkur eða eitthvað allt annað. Kannski er þetta hópur fólks sem byggist upp á að vera bara alltaf á móti.  En kannski geta VG menn sagt: Farið hefur fé betra.  Þessi hópur fólks þarf ekki að hafa áhyggjur af því að maður greiði þeim atkvæði næst er kosið verður.

Segir sig úr þingflokknum

Athugasemdir

[Elín Sigurðardóttir (IP-tala skráð) 14.4.2011 kl. 08:15]

Flott hjá Ásmundi Einari. Það er ekki hægt að gera málamiðlun þegar ESB er annars vegar. Menn þurfa að horfast í augu við það.

[Gísli Foster Hjartarson, 14.4.2011 kl. 09:20]

Menn þurfa lika að horfast í augu við að það þurfa 2 þing af samþykkja ESB og það þarf að fara fyrir þjóðina - treystu þjóðinni. Held að þessar viðræður sama hvaða árangri þær skila geti hjálpað innviðum þessa samfélags. ...og að neita að taka við þessum "mútustyrkjum" til að bæta hér ýmislegt finnst mér bara ótrúlegt. En sitt sýnist hverjum um þetta eins og annað.

[Jón Óskar (IP-tala skráð) 14.4.2011 kl. 09:34]

Gísli, tæknilega getum við verið komnir í ESB áður en hér verður kosið aftur.  Það var tryggt í þinginu sumarið 2009 eins og ég hef margoft bent þér á.  Rannsóknarskýrsla Alþingis gagnrýndi íslensk stjórnmál í aðdraganda hrunsins og þann flokksaga og foringjaræði sem ríkti í stjórnartíð, Davíðs, Geirs, Halldórs og Ingibjargar.  Ég á því erfitt með að gagnrýna Ásmund fyrir að vera ekki til í að taka þátt í hrossakaupum, sem eru verndun neðri hluta þjórsár gegn því að ganga í ESB gegn vilja þjóðarinnar. 

[Gísli Foster Hjartarson, 14.4.2011 kl. 10:51]

Ef að þú bara vissir Jón Óskar, setti ESB þarna bara til að fá komment frá þér

Ég held að það sem að menn eru farnir að hræðast er það að þjóðin muni á endanum vilja ganga til liðs við ESB, sem er næsta skref á eftir EES í tröppunum.

[Kristinn Karl Brynjarsson, 14.4.2011 kl. 11:17]

Þjóðin verður eflaust spurð, ef umsóknarferlið nær til enda, en ekki endilega svarað.   Þjóðaratkvæðið, verður jú bara ,,ráðgefandi" en ekki bindandi.

Samkvæmt 47 og 48 gr. núgildandi stjórnarskrár (greinar sem að vart verða teknar út, þó ný eða breytt stjórnarskrá verði til)  þá er þingmönnum beinlínis bannað að fylgja einhverju öðru en eigin sannfæringu, ef þeir greiða atkvæði um mál í þinginu. 

Þingmenn gætu þá, eftir atvikum, þurft að svara fyrir það, af hverju þeir hafi sannfæringu fyrir því hvort Íslandi sé betur borgið, innan eða utan ESB. 

[Jón Óskar (IP-tala skráð) 14.4.2011 kl. 11:35]

Ormurinn þinn ! 

[Gísli Foster Hjartarson, 14.4.2011 kl. 12:49]

Já félagi Kristinn Karl Brynjarsson - menn geta þurft að gera að þegar þar að kemur, og þannig verður það eflaust einhvern tíma.

Jón Óskar - hvenær kemurðu á skerið í suðri?

[Kristinn Karl Brynjarsson, 14.4.2011 kl. 13:03]

Staðan er nokkuð skýr meðal flokkanna hér á landi og hljóta þingmenn að sitja í fyrir þá flokka sem þeir hafa sannfæringu fyrir stefnunni hjá.

Allir flokkar utan Samfó telja hag Íslands betur borgið utan ESB.  Það er nota bene ekki óupplýst ákvörðun, þar sem þeir sem það vilja kynna sér, geta í stærstum dráttum komist að því, hvað í aðildarsamningi þyrfti að vera svo allar þjóðir ESB, samþykktu hann. Framkvæmdastjórn eða framkvæmdastjórar ESB, hafa svo blásið á allar fullyrðingar Össurar um þær undanþágur sem Össur segist geta reddað.

Ætli eini sénsinn á inngöngu væri ekki ef að Ísland fengi undanþágu frá ESB?

 Ráðgefandi þjóðaratkvæði, með jafn sterkt vægi og Gallupkönnun, breytir varla neinu um það. 

[Jón Óskar (IP-tala skráð) 14.4.2011 kl. 14:51]

Það er mjög stutt í það.  Fyrst er það veiði í Steinsmýrarvötnum á morgun, fram á sunnudag...

[loki (IP-tala skráð) 14.4.2011 kl. 16:25]

Voðalega er þessi "Treystu þjóðinni" frasi orðinn þreyttur.  Alveg útvantaður og merkingalaus eftir að þessi ríkisstjórn hefur einmitt alls ekki treyst þjóðinni í einu eða neinu.   Ég man ekki eftir því að hafa fengið að kjósa um hvort við ættum að fara í þetta aðlögunarferli ??  Treysti Samfylkingin þjóðinni þá ?  nei, en þegar átti að kjósa um Icesave?  nei, 

[Gísli Foster Hjartarson, 14.4.2011 kl. 16:33]

Já við göngum ekki til liðs við ESB sem sterki aðilinn og heimtum breytingar við aðlögumst regluverkinu og fáum væntanlega undanþágur/aðlögunartíma í hinu og þessu. Það sem mér finnst hafa vantað er umræða af hlutlausum aðilum um plúsa og mínusa - ef þú skilur hvað ég meina. Hvað með lánakjör fólks, styrki í þetta og ekki hitt og þar fram eftir götunum. Hverjir verða kostir og gallar við landbúnaðinn, sjávarútveginn, túrismann, prentiðnainn, fullvinnslu  amatvælum - hvaða leiðir opnast, lokast á aðrar og svo framvegs.  ESB rétt eins og Ísland hefur sína kosti og galla.

[loki (IP-tala skráð) 14.4.2011 kl. 16:47]

Ég hef í sjálfu sér ekkert á móti ESB, þó ég sé ekkert að pissa á mig af spenningi á að komast þangað inn.  En það hefði verið allt í lagi að "treysta þjóðinni" til að kjósa um hvort við ættum að fara í þessa aðlögun eða ekki.

[Gísli Foster Hjartarson, 14.4.2011 kl. 19:38]

Já Loki það er búið að skella fullt af hlutum yfir okkur án þess að við höfum haft nokkuð um það að segja, misgæfulegt margt af því. Auðvitað hefði mátt láta okkur kjósa um hluti þar eins og t.d. aðildarviðræður við ESB - tek undir það. Ég er heldur ekkert að míga niður yfir aðild að ESB en er samt nær því að míga niður af spenningi yfir því, heldur en því sem gengur á í pólitíkinni hér innanlands.