Hvað er þetta með hina íslensku fálkaorðu?

Kannski er minni mitt arfa slakt eða ég með svona brenglað veruleikaskyn - þið verðið að dæma um það því mér finnst ég ekkert galnir en flestir aðrir. En hvernig stendur á að mér finnst ég aldrei sjá t.d. fiskverkafólk eða sjómenn heiðraða og fá blessaða fálkaorðuna. Fólk sem hefur unnið baki brotnu jafnvel allt að heilli mannsævi við þessi störf auk þess sem það hefur verið við störf í hinum og þessum samtökum jafnvel sem koma að viðkomandi stéttum. Bæði til þess að bæta aðbúnað sjómanna og fiskverkafólks sem dæmi. Jafnvel komið mikið af íþróttamálum og svo framvegis. Verð ekki mikið var við þetta fólk á þessum listum. Fólk sem menn kalla oft hinn almenna Íslending. Ég hef ekkert á móti því að fólk sé heiðrað fyrir góð margra ára störf að hinum og þessum málum, finnst bara vanta smá vídd í þetta.

Kannski er þetta bara væll í mér en það verður bara að hafa það þá.

11 sæmdir fálkaorðu

Athugasemdir

[Óskar Þorkelsson, 16.6.2011 kl. 18:09]

Þú ert ekkert einn um það.. en annars virðist þessi orða vera orðin einhverskonar verðlaunapjátur fyrir opinbera starfsmenn.. en ég hef reyndar ekki tekið eftir svona prjáli hér í noregi.. ætli þetta sé einsdæmi fyrir ísland vegna þess að við erum herlaus ?

[Anna Dóra Gunnarsdóttir, 16.6.2011 kl. 18:19]

Það á að leggja þessa vitleysu af, en það verður ekki gert fyrr en einhver fattar að innan raða verkalýðsins leynast margar perlur sem unnið hafa stórvirki. Þá fyrst þykir snobbgeiranum það engu máli skipta hvort þess sé minnst. 

[Bjarni snorrason (IP-tala skráð) 16.6.2011 kl. 18:31]

þetta er líka svona á hinum norðurlöndunum. Norðmenn eru með fullt af orðum sem þeir dæla út á hverju ári  t.d   Kongens fortjenstmedalje (King's Medal of Merit)

[Gísli Foster Hjartarson, 16.6.2011 kl. 19:47]

Annað sem ég hef stundum sett fyrir mig við svona orðuveitingar er aldurinn. Finnst alltaf hálf kjánalegt þegar einhver er að fá svona orðu, eða hjá íþróttafélagi eða hvar sem er sem ekki er orðinn c.a. 50 ára. Ef um mikinn og öflugan liðsmann er að ræða þá má bara verðlauna aðilann aftur "fljótlega"

[H.T. Bjarnason (IP-tala skráð) 16.6.2011 kl. 20:31]

Málið er bara að finna verkamann eða verkakonu og senda inn tilnefningar.  Gera eitthvað í stað þess að tuða.

[Hörður B Hjartarson, 16.6.2011 kl. 20:59]

  Ja Gísli ég held það sé ekki alls kostar rétt hjá þér að enginn hafi fengið úr fiskverkageiranum , en þeir eru  AFAR  fáir og rúmast örugglega á fingrum annarrar handar við talningu þeirra .

  Það hefur ætíð verið sá vani að hlaða Fálkunum á fálkana er koma úr sendiÓráðunum og öðrum afætum er þrifist hafa í þjófafélagi voru .

[Magnús Óskar Ingvarsson, 16.6.2011 kl. 22:26]

Allir hafa rétt til að tilnefna hvern sem vera skal til orðuveitingar. Einhver rökstuðningur þarf að fylgja, en ef viðkomandi á orðuna raunverulega skilið þá hlýtur að vera létt verk að rökstyðja það. Svo ræður orðunefnd framhaldinu.

[Anna Dóra Gunnarsdóttir, 16.6.2011 kl. 22:31]

Einmitt, Magnús, orðunefnd ræður framhaldinu.

[Gísli Foster Hjartarson, 16.6.2011 kl. 23:11]

Já Hörður vel má vera að einhverjir ú rþessum stéttum hafi hlotið orðurnar, og það hlýtur eiginlega að vera miðað við fjöldann sem hefur verið veittur. En ég sagði þarna efst að mér fyndist ég aldrei sjá svona fólk.  ....en stundum veltir maður vöngum yfir ástæðunni fyrir því að sumir fá þetta til varðveislu. En við sjáum þetta ekki öll eins, sem betur fer kannski að mörgu leyti.