Allur fiskur á markað innanlands!!!

Eru menn að gefa í skyn að allur fiskur fari þá að fara á markað innanlands? Spurningin í sambandi við það er þá væntanlega hvort John Smith, Birdseye eða hvað þetta lið heitir sem er að kaupa fiskinn okkar þarna úti muni sjá sér hag í að kaupa bara fiskinn beint héðan og fá hann í gámi yfir hafið? Gæti það verið framtíðin? ...ég skal ekki segja enda þekki ég þennan markað og spjallið þar ekki eins vel og ég gerði á sínum tíma. Ef markaðnum hefur verið lokað hvar selja norðmenn þá fiskinn sinn? Getum við farið sömu leið og þeir við að selja hráefnið? (sem ég geri nú ráð fyrir að við séum að gera að þó nokkru leyti nú þegar)

Ég man þegar ég var að vinna þarna erlendis að ég var alltaf jafngáttaður á að hér heima fékkst ekkert verð fyrir fiskinn á meðan verðið í Englandi og Þýskalandi var mun mun betra.  Auðvitað eru ýmsar ásætður sem hægt er að telja upp fyrir þessu. Kannski er bara kominn tími á náið samstarf á milli vinnslunnar hér heima og þarna úti. þ.e.a.s. í þeim verkefnum þar sem að það er hægt. Gætu legið þarna tækifæri fyrir kraftmikla kaupendur/seljendur hér heima?

Margir hafa viljað sjá allan fisk fara á markað hér innanlands, kannski að þeim verði að ósk sinni?

Líklegt að Norðmenn hirði markaðinn

Athugasemdir

[Aðalsteinn Agnarsson, 18.6.2011 kl. 10:00]

Fiskmarkaðurinn hér hefur borgað 3 til 4hundruð krónur fyrir óslægðan þorsk,

af strandveiðunum, og fólkið fær vinnu í landi.

[Þór Gunnlaugsson (IP-tala skráð) 18.6.2011 kl. 19:55]

Sæll Gísli

Við erum að þokast í þá átt að nýta verðmætin hér heima og skaffa vinnu sem þýðir að ekki verði sóttir útlendingar til þeirra starfa heldur tekið af atvinnuleysislistum.

Fyrir nokkrum árum var Ólafur Sigurðsson frétta maður á RUV með sérstakan þátt um fiskmarkaði í Hull Grimsby og Bremerhafen ásamt viðtölum við Borgastjóra þessara borga.  Það sem þeir sögðu sló mig illa en þar kom fram að á einn eða annan hátt hefðu hátt í 2 milljónir manna atvinnu við umsýslu af fiskveiðum á Íslandsmiðum.

Á sama tíma var hér staddur  séní í fyrirtækjarekstri komin á eftirlaun 45 ára en hann reysti Pepsi og Harley Davidsson verksmiðjurnar í dauðateygjunumm og fór hann með Ólafi til Granda og að lokinni skoðun lyktun og smökkun fullyrti hann að við ættum ekki að selja einn einasta fisktitt úr landi óunnin enda værum við með gullnámu hér í höndunum.

[Þór Gunnlaugsson (IP-tala skráð) 18.6.2011 kl. 19:57]

Afsakaði Gísli að ég gleymdi því að fari allur fiskur á markað hér heima fari hann ekki óunnin úr landi.

Flökin geta útlendingar keypt eingöngu fyrir erlendan gjaldeyri

[Árni Gunnarsson, 18.6.2011 kl. 20:53]

Það skapar atvinnu að vinna fiskinn. Hvort er hagstæðara að sú atvinna falli okkur í skaut eða Bretum?

Það er nefnilega alveg fjallgrimm vissa fyrir því að fiskur er ekki matreiddur beint úr gámum.

Svo má kannski hugsa sér að fara að dæmi Norðmanna og Rússa í Barentshafinu?