Takk fyrir skemmtunina

Vil nú bara byrja þennan pistil á að þakka fyrir skemmtunina. Strákarnir hafa staðið sig vel. Bara það eitt að komast í úrslitakeppnina er í mínum huga stórt afrek, og stærra en íslenskur karlafótbolti hefur gert áður. Þess vegna var ég nú pollrólegur þannig séð yfir þessari keppni. Vonaðist eftir stigi hið minnsta og það kom í dag og rúmlega það.

Frábær skemmtun leikurinn í dag. Opinn í báða enda og sigurinn hefði getað fallið Dana megin hefðu þeir t.d. skorað fyrst. Haraldur markvörður stóð sig frábærlega á bak við vörn sem var ansi opin og oft mislagaðar fætur, sérstaklega vinstra megin en Hjörtur Logi virkaði á stundum bara eins og vængjahurð, en hann náði nú samt að kæta mann í seinni með tveimur frábærum skotum og annað þeirra gaf frábært mark. - Held að við vitum öll að vörnin var okkar veikasti blettur og Bjarni Þór sem tekinn var út úr liðinu í dag. Það sást best í dag að hann er ekki nógu góður til að vera í þessu liði, og það var mjög sérstakt, að því er mér fannst að hann skyldi vera fyrirliði - svo kemur Rúrik inn af bekknum og er orðinn fyrirliði. Ég veit ekki mér finnst alltaf að einn af ásunum eigi að vera fyrirliði hvers liðs. Birkir Bjarna var mjög góður og Aron Einar var klassanum ofar og það verður forvitnilegt að sjá hvaða lið hreppir hann að afloknu þessu móti.  En liðið stóð sig alls ekki illa og það verður gaman að sjá þessa pilta koma inn í A-landsliðið af fullum þunga - held að við getum bara verið nokkuð brött á framtíðina ef þessir piltar halda áfram á þessari braut.

Hert stig, hvert mark, hvert bros og svo framvegis eftir að menn komu til Danmerkur var sigur. Mun stærri held ég heldur en við gerum okkur grein fyrir. Hefur einhver rifjað upp með sjálfum sér hvaða þjóðir voru ekki þarna? Ítalía, Þýskaland, Frakkland, Holland, Svíþjóð, Króatía, Portugal...........

En við tökum helling með okkur sem nesti úr þessu móti inn í framtíðina. Takk fyrir skemmtunina piltar og til hamingju - já og þið líka er að þessu komið.

Dönum skellt

Athugasemdir

[hjörleifur (IP-tala skráð) 18.6.2011 kl. 21:17]

Ég vill helst að þessir strákar taki yfir A-Landsliðið og klári þessa undankeppni og taki næstu keppni og reyni að gera eitthvað annað en að passa að tapa með litlum mun eða hanga á jafntefli. Og já meðan ég man endilega skipta út þjálfaranum hjá A-Landsliðinu áður en þessir strákar koma upp.

[Smjörleifur (IP-tala skráð) 18.6.2011 kl. 21:55]

....og best er hafa Eyjólf Sverris bara í uppi í stúku.

[Gísli Foster Hjartarson, 18.6.2011 kl. 23:01]

Já það er kominn tími á að endurskoða þjálfarastöðuna hjá A-liðinu

[Gísli Sigurðsson, 19.6.2011 kl. 13:08]

Held að A landsliðið þurfi atvinnu þjálfara. Ef vi fáum einn slíkan og þennan efnivið til að vinna úr, þá er allt mögulegt. Varðandi að best væri að geyma Eyjólf uppi í stúku, þá held ég að hugarfar leikmanna hafi breyst eitthvað eftir að búið var að reka hann út af, og dómarinn dæmdi líka öðruvísi, lærði sína lexíu.