Hæ hó jibbý..........

...þá eru það næstu skref í viðræðunum. Það verður forvitnilegt að sjá hversu lengi menn verða að fara í gegnum þessi mál og hverju menn fá áorkað. Við fáum enga sérstaka meðferð enda við ekkert merkilegri en aðrir sem þarna hafa sótt um aðgang. Það verður svo bara okkar að ákveða hvort okkur þóknast þetta eða ekki.

Aðildarviðræður hafnar

Athugasemdir

[Axel Jóhann Hallgrímsson, 27.6.2011 kl. 15:33]

Nákvæmlega. Ég skil ekki af hverju andstæðingar aðildar óttast viðræðurnar svo mjög ef þær leiða aðeins í ljós það sem þeir halda fram, að við látum allt fyrir ekkert.

[Gísli Foster Hjartarson, 27.6.2011 kl. 16:30]

Já og stundum held ég að þeir hræðist að það komi í ljós að kannski er ekki allt best í heimi hér, og því er erfitt að kyngja. Það ehfur líka valdið mér miklum vonbrigðum í þessu ferli að fólk skuli ekki vakna og leita að góðum hlutum innan ESB sem eru svo sannarlega þar, rétt eins og miður góðir. Taka þá góðu og herja á yfirvöld hér um úrbætur!!!! Nei hér hoppar fullt af fólki í hagsmunagæslu fyrir lið sem myndi jafnvel aldrei bakka það upp ef að það hefði val!!!

Gefum okkur tíma.

[Sigurður Þorsteinsson, 27.6.2011 kl. 17:18]

Axel ég studdi aðildarviðræður við ESB fyrir hrun. Starfa að hluta til út í Þýskalandi, þannig að ekki er ég á móti Þýskalandi né ESB. Hins vegar sé ég ekki að við náum þeim samningum nú, sem ég tel nauðsynlaga til þess að þjóðin segi já.

Samfylkingin samþykkti fyrir nokkrum  árum að sækja um aðild að ESB, jafnframt var einhverjum innan þess hóps falið að semja samningsmarkmið. Það hefur ekki enn verið gert. Í stað þess hefur Samfylkingin látið það algjörlega ógert að koma með lausnir í efnahagsmálum og telja að með aðild að ESB, leysist öll vandamál okkar. Ef aðild verður hafnað af þjóðinni, mun Samfylkingin eflaust leggja til leiðir eins og að spila í Lottói eða getraunum. 

Nokkrir af mínum góðu vinum vilja láta reyna á þessar viðræður, en þeir viðurkenna fúslega að stunum líði þeim eins og þeir tilheyri trúarhóp.