Of sektarglöð!!!!!

Menn eru varla of sektarglaðir. Annað hvort eru menn að brjóta lög og reglur eða ekki. Ef svo er að menn eru að brjóta lög go reglur þá ber að sekta.  Er nú alveg hættur að kippa mér upp við þetta þegar rætt er um sektir er viðkemur kappleikjum og tónleikum. það er svo oft búið að ræða þetta að þetta hlýtur að fara að komast að í kollinum á fólki.

 

Er lögreglan of sektaglöð?

Athugasemdir

[Kjartan (IP-tala skráð) 28.6.2011 kl. 14:57]

Einnig hefur verið bent á að næg bílastæði er í nágreni en standa oftast ónotuð, það skildi ekii vera að ástæðan sé einfaldlega leti, við nennum ekki að labba nokkra tugi metra, betra að leggja ólöglega.

[Axel Jóhann Hallgrímsson, 28.6.2011 kl. 15:04]

Af hverju er lögreglunni alltaf hallmælt þegar hún stendur menn að því að brjóta þau lög og þær reglur, sem lögreglunni er gert að sjá um að sé framfylgt.

Ætlast menn til þess að lögreglumenn svíkist undan sínum starfskyldum og horfi í hina áttina? Eru þeir, sem þannig hugsa, ekki sjálfir betri pappírar í sinni vinnu, er ekki hægt að treysta þeim?

Það er landlægur fjandi hérlendis að menn ætlast til þess að geta lagt bílnum sínum fyrir beint framan dyrnar á húsinu sem þeir eiga erindi í. Að labba nokkra metra virðist vera óyfirstíganlegt vandamál í augum landans.

Þessi herferð lögreglunar, þó óvinsæl sé, er líklega til þess gerð að reyna að venja menn af þessari ómenningu.

En af viðbrögðunum má ætla að landinn ætli sér ekki að læra neitt, frekar skal taka sénsinn á 5000kr sekt en að labba einhverja metra. Svo fá þeir útrás með því að bölva löggunni.

[Gísli Foster Hjartarson, 28.6.2011 kl. 15:06]

Já Kjartan held að það sé málið bý nú ekki á svæðinu, en hef séð þetta. Þetta er ekkert betra hér í Eyjum svo sem fólk vill helst leggja við sviðið ef að það er að fara á bílnum á tónleika. Það hefur tekið mörg ár, og er ekki en klárað verk, að fá fólk til að fara út úr bílunum þegar það horfir á fótboltaleik!!!

[Ólafur Guðmundsson, 28.6.2011 kl. 15:34]

Þetta er stórkostlega hlægilegt frétt!! Fréttamaður spyr lögreglumanninn hvort ekki sé hægt að gera undantekningu þegar mikið liggur við. Þá spyr ég á móti, á ég þá von á að fá bíl sem ekur á móti rauðu ljósi inn í hliðina á mér vegna þess „...mikið liggur við“?

Lögreglan gerir alltof Lítið af því að sekta lög-, og reglubrjóta. Fyrir utan hvað sektin er fáránlega lág.

Reykjavík er gífurlegur fjöldi bílastæða, en talið er að hver bíll í Reykjavík eigi í raun 3 stæði; við heimilið, við vinnustaðin og við verslun. M.ö.o. eiga borgarbúar ekki það marga bíla til þess að fylla öll stæði borgarinnar. Allt tal um skort á bílastæðum er því broslegt.

Síðan til að benda á það þá frétti ég af því að bílastæðahúsin hafi staðið ónotuð að miklu leiti á 17. júní.

[Gísli Foster Hjartarson, 28.6.2011 kl. 15:38]

Erum við þá ekki bara flest í sama liði, ja nema fréttamenn og þeir sem eru sektaðir og telja þannig á sér brotið, þrátt fyrir að hafa ekki virt lög og reglur. Menn hafa bent á að sektirnar eru mun mun hærri annarsstaðar. Spurning um að taka bara upp þess ákvæði og sekta feitt - sjá hvort það hreyfir við fólki.

[svavar (IP-tala skráð) 28.6.2011 kl. 19:21]

það er ansi hart þegar ég bý í miðbæ RVK og núna er verið að spara og mjólka eins mikið og hægt er úr fólki og ég legg bílnum mínum fyrir framann húsið sem áður voru bílastæði fyrir íbúa en núna er litið á þessi stæði sem almenn bílastæði og íbúar þurfa greiða fyrir þessi stæði.þetta fynnst mér vera frekar fáráðnlegt að það skuli vera settur þessi aukaostnaður á íbúa. ætli ég fái ekki svona um 2-3 sektir á dag,mig dettur ekki í hug að greiða þetta.

[Kári Harðarson, 28.6.2011 kl. 20:16]

Ef ég byggi í miðbænum myndi ég ekki ætlast til að hafa einkastæði nema ég hefði keypt það með íbúðinni - er stæðið á lóð hússins eða á eignaskiptasamningi?

Reykjavík er að breytast í borg. Borgir bjóða ekki uppá ókeypis bílastæði í miðbæjum.